Hverfi‪ð‬ Útvarp 101

Melkorka Þorkelsdóttir er listakona og DJ. Hún ræddi við Lóu um sýningu sína Hýsill í Hannesarholti.

Tónlistarkonan Karítas, sem hefur verið DJ Reykjavíkurdætra undanfarin misseri, gaf út nýtt lag á dögunum. Lagið fjallar um það að brjótast úr þeim vana sem er að sælkjast í hluti sem ekki eru góðir fyrir mann.

Villi Neto er í uppistandshópnum VHS. Á laugardaginn munu þau sýna Jólasýningu í Tjarnarbíó og hafa leyfi fyrir 50 áhorfendum. Fyrir þá sem ekki komast verður frítt streymi.

Kærustuparið Ægir og Maria hafa í sitthvoru lagi gert slatta af tónlist, en upp á síðkastið hafa þau verið að leika sér að því að gera tónlist saman. Þau gáfu út jólalagið Ekki skemma jólin mín á dögunum og frumfluttu það í Hverfinu.

Inga María Hjartardóttir ræddi starfemi Píeta-samtakanna við Gunnar og Lóu en í ár rennur öll sala Góðgerðarpizzunnar til þeirra.

Gunnar og Lóa ræddu við þær Ragnhildi og Vigdísi í hljómsveitinni Flott. Lagið „Segðu það bara“ er fyrsta lag sveitarinnar.