Orbitan EITB Radio Televisión Pública Vasca
-
- Maatschappij en cultuur
Musikaren orbitan jarriko gaituen podcasta, egile eta musika estilo zehatzen inguruko tarteak bilduz
-
Belako: 10 urte
2021ean bete ditu 10 urte Belako taldeak eta hamarkada ospatzeko taldekide guztiak gonbidatu ditugu Orbitan podcastera. Lore eta Josu Billelabeitia, Lander Zalakain eta Cris Lizarragaren testigantzak bilduta eta Belakoren kantu handienekin osatu dugu ibilbidearen errepasoa.
4 disko: 4 partaide. Kide bakoitzarekin disko bana aipatu dugu.
Play zerrenda:
Belako – Beautiful World
Belako – Molly and Pete
Belako - Sea of Confusion
Belako – Nomad
Belako – Crime
Belako – Monster Arinau
Belako – Maskenfreihet
Belako – Lungs
Belako Something to Adore
Belako – Truth
Belako – The Craft
Belako – Tie me up
Belako – Profile Anxiety
-
Miresmenaren testigu. 02. Atala
Euskal emakume sortzaileez osatutako bigarren katea da hau. Musikariek elkarri lekukoa ematen diote podcast honetan, gu, entzuleak horren testigu garen bitartean.
Bigarren atal honetan, Maren, Kai Nakai, Elena Setien, Huntza taldeko Josune Arakistain, Ianire Aranzabe "Esanezin", Liher taldeko Lide Hernando, Olaia Inziarte, Idoia Asurmendi, Esti Markezen lekukotzak entzungo dituzu. -
Miresmenaren testigu. 01 Atala
Podcast honetan musikariek elkarri lekukoa ematen diote zu ,entzule, horren testigu zarelarik.
Euskal emakume sortzaileekin osatu dugu katea, hain zuzen ere. Lehen atalean, Sara Zozaya, Izaro Andres, Eneritz Furyak, Olatz Salvador, Sua taldeko Ane Barrenetxea, Zea Mays taldeko Aiora Renteria, Anari, Arima-ko Paule Bilbao, Belako taldeko Lore Nekane Billelabeitia eta Nogen-eko Eider Saez gonbidatu ditugu. -
REM: Eztanda komertziala sortu eta 30 urtera
"Out of time" eta "Automatic for the people" diskoen iragarpena izan zen. Duela 30 urte estreinatu zen, eta garai hura gogoratzeko, Fermin Etxegoien, Marijo Oria, Txuma Murugarren eta Edurne Ormazabalen testigantzak bildu ditu Ainhoa Urretabizkaiak podcastean REM-ek izan zuen eztanda komertziala aztertzeko.
Play zerrenda:
"Loosing my religion"
"Shynny happy people"
"Drive"
"The sidewinder sleeps tonight"
"Sasoi Ilunak: Izaskun"
"Man on the moon"
"Everybody Hurts"
"Let mei n"
"Circus envy"
"What´s the frequency, Kenneth?"
"Departure"
"It's the end of the world" -
30 urte Delirium Tremens desegin zenetik eta oraindik gogoan
Mutrikuko Delirium Tremens taldeak 1991an eskaini zituen bere azken kontzertuak. Horien artean bada bat berezia, diskoan jasota utzi zutelako, Maiatzaren 24an Bilboko Plaza Barrian eskaini zutena. 30 urte osatzen direnez podcastean gogoratu nahi izan du Ainhoa Urretabizkaiak.
Hirukote gisara hasi zuen bidea Delirium Tremensek, eta sei urte eta estudioko bi diskoren ondoren esan zuen agur. Desegin aurretik zuzeneko disko bat grabatu zuten, Andoni Basterretxea, taldeko ahots eta gitarra jolearekin oroitu dugun diskoa "Boga-Boga", "Ikusi" edo eta "Laino ilunak" entzuten ditugun bitartean. -
Su ta gar: 30 urte ''jaiotze basatia'' gertatu zela
30 urte dira euskal heavyaren sorreratik. Eibarren erditu zen euskaraz sortutako aurreneko disko heavy-a. 1991ko martxoan musika egitera elkartu ziren 4 gazte izan ziren, ustekabean, euskaraz sortutako lehen disko heavy-a atera zutenak. Areago, euskal heavy metalaren oinarria jarri zuten sloganak “Jaiotze Basatia” diskoan daude.
Su ta gar-en abeslaria ,Aitor Gorosabel, urteurrenaren aitzakian elkarrizketatu du Ainhoa Urretabizkaiak, podcasterako.