Studio 6 Eldoradio

Mean To You huet 2013 als Band ugefaangen. Nodeems d'Museker am Gudden auserneegaange sinn, ass et mëttlerweil dem Mulles säi Solo-Projet. De 4. Dezember kënnt déi nei EP "What We Could Have Been" eraus a mir konnten am Studio6 schonn exklusiv eralauschteren!

Déi lëtzebuergesch Kënschtlerin Mæhila ass aktuell baséiert zu Amsterdam. Nieft senger Karriär als Schauspillerin a Performerin, mécht hatt virun allem och Musek. Am Studio6 huet d'Mæhila eis seng Debut-EP "Emotional Trespass" presentéiert!

Déi lëtzebuergesch Formatioun Don Piano ronderëm de Batteur a Sänger John Wolter bréngt de 17. November den Debut-Album "Oxytocin" eraus. Dëse presentéieren si um Release-Dag och live an der Escher Kulturfabrik!

Déi lëtzebuergesch instrumental Post- bis Math-Rock-Band The Cookie Jar Complot huet huet hir nei EP "Lobster Knife Fight" erausbruecht. Den 10. November feiere si zesumme mat No Metal in This Battle eng grouss Release-Party an de Rotondes! E Mëttwoch waren de Sven an de Gilles op Besuch am Studio6.

Déi jonk lëtzebuergesch Jazz-Band Jambal huet hiren neien Album "Enterprises of Great Pith and Moment" erausbruecht. D'Wierk ass an Zesummenaarbecht mam Komponist Tristan De Liege entstanen. E Mëttwoch am Studio6 waren de Ben an den David op Besuch am Studio6!

Den 20. Oktober brénge Fallen Lies hiren zweete Studio-Album "Broken" eraus. Déi lëtzebuergesch Rock-Band feiert de Release mat enger Sold-Out-Show um Floor vun der Rockhal. E Mëttwoch am Studio6 konnte mir schonn exclusiv eralauschteren!