VÍDJ‪Ó‬ Hugleikur Dagsson & Sandra Barilli

Höfuð fjölskyldunnar lendir í bráðri lífshættu eftir skotárás og er einnig kominn á aldur svo þá þarf að finna hæfan arftaka í systkinahópnum, sem getur viðhaldið veldinu sem er búið að byggja upp. Af þremur bræðrum kemur einn sterklega til greina, og hann byrjar á að fá vandasamt verkefni í hendurnar.

Heldri maður og lánadrottinn er viðskotaillur í samskiptum sínum við starfólkið sitt og raunar allt fólk sem hann umgengst. Á jólanótt er hann svo heimsóttur af draugum sem veita honum nýja sýn á lífið.

Eiginmaður og faðir kemst á snoðir um ankannalega skemmtun sem felur í sér mikla nekt, samfarir og grímunotkun, og langar mjög mikið að komast í veisluna án þess að láta eiginkonuna sína vita. Hann hverfur út í nóttina undir því yfirskini að vera að sinna sínum sjúklingum en reynir í staðinn eftir fremsta megni að sænga hjá ókunnum konum.

Óhandlaginn heimilisfaðir vill halda hin fullkomnu jól með fjölskyldunni sinni, en fær svo inn á heimilið foreldra sína, tengdaforeldra og frænda og fjölskyldu hans, ásamt hundinum þeirra sem er að glíma við mikla sýkingu í ennisholum.

Einn auglýsingastofustarfsmaður er að leggja af stað heim til sín fyrir Þakkargjörðarhátíðina til að eyða henni í faðmi fjölskyldunnar sinnar þegar að á vegi hans verður farandsölumaður sem á heldur betur eftir að vera örlagavaldur í hans lífi.

Smakkseðill úr þáttum 11 til 15, þessi brot er að finna í umfjöllun um myndirnar Tóti á móti, (My Neighbour Totoro), Hörundsár (Scarface), Olnbogarými (Office Space), Flottar á flótta (Thelma & Louise) og loks Skarkári (Poltergeist).