Baka Naman Cris and Lei

“With a keen eye for detail one truth always prevails.”

Sa mahigit 1,000 episodes at sa 24 movies, masasabing isa sa pinakamatagumpay na anime series ang Detective Conan (Case Closed sa US). Iconic ang red bow at blue suit ni Conan Edogawa aka Shinichi Kudo na kada start ng bawat film ay may reminder sa audience kung bakit siya naging bata ulit. Sa episode na ito ng Baka Naman, medyo literary ang ginawang pagbasa ng inyong mga lingkod sa 13th movie installment ng pinaka-techie nating detective (pasintabi kay Inspector Gadget). Also, fantarding kami kay Ran dahil sa kanyang active role sa movie na ito at siyempre sa nostalgia na dala ng instrumental opening music.

Wow! We're back after ng ilang linggong hiatus! At pinaghandaan namin ang aming pagbabalik dahil ang topic ay isa sa pinaka-iconic anime characters - si Doraemon! Last week ay ang 7th anniversary ng Stand by Me, Doraemon kaya napili ito na "basahin" ng inyong mga lingkod. Sa episode na ito, tinangka ng mga host na lagyan ng sense ang kanilang naramdamang nostalgia sa panonood ng pelikula. Saan nga ba nanggaling si Doraemon? Bakit niya naging paborito ang "hopiang munggo"? Sino ba ang hindi naghangad na maging kaibigan si Doraemon?

(also featured sa podcast ang huni ng lovebirds at kahol ng mga aso ng kapitbahay pati na ang karaoke sesh ng biritera naming neighbor!)

Recorded: August 9, 2021

Balik-Studio Ghibli for our 8th episode! Nako, ano pa ba ang mapipiga namin sa well-received at well-reviewed na anime film ni Hayao Miyazaki? Pero we tried. Itinuturing na isa sa best Ghibli at best animated films out there, huli ang Princess Mononoke (1997) sa mga pelikulang isinulat at idinerehe ni Miyazaki bago tumapak ang bagong milenyo. 

Also, happy birthday Ma'am Lei!

Ayon sa Science and Technology for a Better Life 5, "[t]echnology is about taking action to meet a human need rather than merely understanding the workings of the natural world, which is the goal of science." Chz. Kinuha namin iyan sa open.edu. Human need ang communication, food, shelter, and dating. At mas pinadali ito ng greatest innovation today - ang Internet. Pero darating daw ang panahon na kokontrolin nito ang ating buhay dahil we, humans, made a monster out of it. Sa pelikula ni Mamoru Hosoda na Summer Wars (2009), tinuklas ang posibilidad ng ultradependency ng lipunan sa technology pero bakit ang inyong mga lingkod ay hindi pa rin matanggal ang kahol ng aso sa background!

Hello Philippines and hello world! Akala namin ay light lang ang movie pero nagkamali kami. At dahil nagre-record na, wala na dapat atrasan. Naitawid ng inyong mga lingkod ang pagbasa sa pelikulang Hello World (2019) ni Tomohiko Ito na idinaan namin sa 90% kuwentuhan at 10% tawanan. Sa mundo ngayon na halos naging dependent sa Internet, paano na nga ba natin tinitingnan ang ating sarili? Paano natin nakikita ang ating kapwa? Ang ating humanity? O baka naman tayo ay nasa isang malaking simulation? Huhuhu. So confused!

What if, what if lang naman, magkaroon ng kakayahan ang amoeba na tulad ng isang tao? Ano kaya ang unang gagawin nito? Magtatayo ng Olympic Stadium? Hahanapin ang ultimate source ng power? Well, sinagot ito ng pelikulang Akira (1988). Sa ikalimang episode ng Baka Naman (naks! nakalima na kami!), in-exhaust ng mga host ang lahat ng kanilang makakaya upang maitawid ang itinuturing na "pivotal" sa genre na cyberpunk. Sa animated film na ito ni Katsuhiro Otomo, naging lantaran ang kanyang komentaryo sa kontrol at kapangyarihan.