နေ့စဉ် တီဗွီသတင်းလွှာ - ဗွီအိုအ‪ေ‬ VOA ဗီြအို (Burmese)

ကန်သမ္မတလောင်း ၂ ဦး ၂၀၂၄ ရွေးကောက်ပွဲအတွက် ပထမဆုံးအကြိမ် စကားစစ်ထိုးဖို့ရှိ၊ ကန် နိုင်ငံခြားဝန်ကြီးဌာနရဲ့ ဘာသာရေးလွတ်လပ်ခွင့် အစီရင်ခံစာမှာ မြန်မာနိုင်ငံက လူနည်းစု ဘာသာဝင်တွေအပေါ် ဖိနှိပ်မှုတွေအကြောင်း မီးမောင်းထိုး ဖော်ပြ၊ စစ်ကောင်စီ လုံခြုံရေးတပ်ဖွဲ့တွေပစ်ခတ်လို့ ပျံလွန်တော်မူသွားတဲ့ ဝင်းနိမ္မိတာရုံကျောင်းဆရာတော် ဘဒ္ဒန္တ မုနိန္ဒာဘိဝံသရဲ့ဈာပန အခမ်းအနားကို ဒီကနေ့ ကျင်းပ၊ စသည်

ဂါဇာစစ်ပွဲကို အစ္စရေးဝန်ကြီးချုပ်က ပိုကျယ်ပြန့်ပြီး ဒေသတွင်း ကူးစက်လာအောင် လုပ်တဲ့အပေါ် တူရကီသမ္မတ ဝေဖန်၊ NATO အဖွဲ့ အကြီးအကဲသစ်အဖြစ် နယ်သာလန် ဝန်ကြီးချုပ် သက်တမ်းတာဝန်ပြီးဆုံးတော့မယ့် Mark Rutte ကို ရွေးချယ်၊ ဒေသတွင်းနိုင်ငံပေါင်း (၇) နိုင်ငံက ဘဏ်ပေါင်း (၁၆) ခု ဟာ မြန်မာစစ်ကောင်စီအတွက် ဘဏ်၀န်ဆောင်မှုတွေ ပေးခဲ့ကြောင်း မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် Tom Andrews ထုတ်ပြန်

သူလျိုမှုနဲ့ တရားစွဲဆိုခံထားရတဲ့ WikiLeaks ဝဘ်ဆိုဒ် တည်ထောင်သူ Julian Assange လိုက်ပါလာတယ်လို့ ယုံကြည်ရတဲ့ လေယာဉ် ထိုင်းနိုင်ငံ ဘန်ကောက်မြို့ကို ဒီနေ့ ဆင်းသက်၊မြန်မာ ပြည်တွင်းမှာ ဆန်စျေး၊ ဆီစျေးတွေ တောက်လျှောက်တက်လာပြီး တချို့နေရာတွေမှာ ဝယ်လို့မရတဲ့ အခြေအနေ ရောက်နေသလို လက်လီ စတိုးဆိုင်ကြီးတချို့က ဆန်နဲ့ ဆီတွေကို အရောင်းစင်တာပေါ်ကနေ သိမ်းဆည်းထားလို့ ဝယ်လို့မရကြောင်း ရန်ကုန်မြိုခံတွေက ပြောပါတယ်။

ဟက်ဇ်ဘိုလာ အဖွဲ့ကို အစ္စရေးက ထိုးစစ်ဆင်မယ့်အကြောင်း ပြောလာတာကြောင့် အရှေ့အလယ်ပိုင်း ဂါဇာ စစ်ပွဲဟာ ပိုပြီး ကျယ်ပြန့်သွားနိုင်ခြေ ရှိနေ၊ ရခိုင်ပြည်နယ် တောင်ပိုင်း သံတွဲမြို့နယ်က ငပလီလေဆိပ်အပါအဝင် စစ်ကောင်စီတပ်ရင်းတချို့ကို အာရက္ခတပ်တော် AA က သိမ်းပိုက်လိုက်တယ်လို့ ဒေသတွင်းသတင်းဌာနတွေ ဖော်ပြ၊ ပဲခူးမြို့ ဝင်းနိမ္မိတာရုံကျောင်းဆရာတော် ဘဒ္ဒန္တမုနိန္ဒာဘိဝံသ ပျံလွန်ခဲ့တဲ့ ဖြစ်ရပ်အတွက် ခွင့်လွှတ်ဖို့ စစ်ကောင်စီအကြီးအကဲ ဗိုလ်ချုပ်မှူးကြီး မင်းအောင်လှိုင်တောင်းပန်စာပေးပို့

ဂါဇာကမ်းမြှောင် Rafah နဲ့ တခြားဒေသတွေမှာ အစ္စရေးနဲ့ ဟားမတ်စ်ကြား အနီးကပ်တိုက်ပွဲတွေဖြစ်ပွား၊ ဘင်္ဂလားဒေ့ရှ် နယ်ခြား နတ်မြစ်ကို ကျော်ပြီး မြန်မာနိုင်ငံဘက်က အကြိမ်ကြိမ် နယ်စပ်ကျော် ပစ်ခတ်မှုတွေ ရှိနေတာကြောင့် ထပ်ပြီး ပစ်ခတ်တာတွေ လုပ်ရင် လက်တုံ့ပြန်မယ့်အကြောင်း ဘင်္ဂလားဒေ့ရှ် သတိပေး၊ မန္တလေးတိုင်း မြို့သာမြို့နဲ့ ကမ္မရွာအကြား ဝင်းနိမ္မိတာရုံ ကျောင်းဆရာတော်ကြီး ဘဒ္ဒန္တမုနိန္ဒာဘိဝံသ ပျံလွန်တော်မူခဲ့တဲ့ ဖြစ်စဉ်နဲ့ ပတ်သက်ပြီး ကနဦး ထုတ်ပြန်ချက်တွေမှာ ကွဲလွဲချက်တွေ ရှိတဲ့အတွက် စိစစ် ဖေါ်ထုတ်သွားမယ့်အကြောင်း စစ်ကောင်စီ သတင်းထုတ်

စစ်နဲ့ ပဋိပက္ခကြောင့် အိုးအိမ်စွန့်ခွာ ထွက်ပြေးသူ သန်းပေါင်း ၁၂၀ အထိ ရှိလာတဲ့အကြောင်း ကုလထုတ်ပြန်၊ မြန်မာနိုင်ငံ ဒီမိုကရေစီလမ်းကြောင်းပေါ် ပြန်ရောက်ဖို့ လိုကြောင်း UNHCR အကြီးအကဲပြော၊ တရုတ်ကြားဝင်စေ့စပ်ပေးထားတဲ့ ယာယီသဘောတူညီချက်ကို စစ်ကောင်စီ ချိုးဖေါက်နေတဲ့အကြောင်း ညီနောင်မဟာမိတ်သုံးဖွဲ့ပြော