Best of Mirza Ghalib Poetry Season I Banana Poetry

Bazeecha-e-atfaal Hai Duniya Mere Aage

Hota Hai Shab-o-roz Tamasha Mere Aage

Go Hath Ko Jumbish Nahin Aankhon Mein To Dam Hai

Rehne Do Abhi Saghar-o-meena Mere Aage

Mat Pooch Ke Kya Haal Hai Mera Tere Peeche

Tu Dekh Ke Kya Rang Hai Tera Mere Aage

Iman Mujhe Roke Hai Jo Khinche Hai Mujhe Kufr

Kaaba Mere Pichhe Hai Kalisaa Mere Aage

Aashiq Hun Pa Mashuq-farebi Hai Mera Kaam

Majnun Ko Bura Kehti Hai Laila Mere Aage

Hota Hai Nihan Gard Mein Sehra Mere Hote

Ghista Hai Jabin Khak Pe Dariya Mere Aage

Ek Khel Hai Aurang-e-Suleman Mere Nazdik

Ek Baat Hai Ejaaz-e-Masiha Mere Aage