2 min

飛過金星 ft. 彪彪 (20210225‪)‬ NASA 逐工一幅天文圖 APOD Taigi

    • Astronomy

飛過金星https://apod.tw/daily/20210225/有一个探索內部太陽圈 kah 日冕 ê 任務 tī 2020 年 7 月 11 ê 時陣,用 NASA Parker 太陽探測儀 面頂 ê 闊幅 kha-mé-lah 翕著這張 遮爾媠 ê 景色。這是金星 tī 離咱 1 萬 2 千 4 百公里遠 ê 所在翕 ê 景色。這个太空船當咧進行七擺 飛過太陽系內行星 重力輔助飛行 ê 第三擺。重力輔助飛行是利用倚近金星 ê 方式,改變探測船 ê 運行軌道,予伊上尾會當 tī 2020 年尾行到離太陽表面 6 百萬公里近 ê 所在。予人感覺趣味 ê 是,側面 kha-mé-lah 敢若是 ùi 雲內底偷偷仔看,煞予咱看著一个烏影。彼搭 to̍h tī 金星表面 上大 ê 高原 Aphrodite Terra。行星外沿 ê 光邊,應該是 tī 頂層大氣受著激發 ê 酸素原子重新組合做分子,才發出 ê 夜光。Tī 這張影像內底 ê 光-sûn kah 抓痕,應該是高能帶電粒子 kah 塗粉 tī kha-mé-lah 附近反射太陽光造成 ê。地球 ê 觀星者 可能會注意著 tī 這張影像正爿下跤幾若粒熟似 ê 天星,in to̍h 是獵戶座 ê 皮帶 kah 劍。——— 這是 NASA Astronomy Picture of the Day ê 台語文 podcast 原文版:https://apod.nasa.gov/ 台文版:https://apod.tw/ 今仔日 ê 文章:影像:NASA, JHUAPL, Naval Research Lab, Guillermo Stenborg and Brendn Gallagher音樂:PiSCO - 鼎鼎聲優:彪彪翻譯:An-Li Tsai (NCU)原文:https://apod.nasa.gov/apod/ap210225.html


Powered by Firstory Hosting

飛過金星https://apod.tw/daily/20210225/有一个探索內部太陽圈 kah 日冕 ê 任務 tī 2020 年 7 月 11 ê 時陣,用 NASA Parker 太陽探測儀 面頂 ê 闊幅 kha-mé-lah 翕著這張 遮爾媠 ê 景色。這是金星 tī 離咱 1 萬 2 千 4 百公里遠 ê 所在翕 ê 景色。這个太空船當咧進行七擺 飛過太陽系內行星 重力輔助飛行 ê 第三擺。重力輔助飛行是利用倚近金星 ê 方式,改變探測船 ê 運行軌道,予伊上尾會當 tī 2020 年尾行到離太陽表面 6 百萬公里近 ê 所在。予人感覺趣味 ê 是,側面 kha-mé-lah 敢若是 ùi 雲內底偷偷仔看,煞予咱看著一个烏影。彼搭 to̍h tī 金星表面 上大 ê 高原 Aphrodite Terra。行星外沿 ê 光邊,應該是 tī 頂層大氣受著激發 ê 酸素原子重新組合做分子,才發出 ê 夜光。Tī 這張影像內底 ê 光-sûn kah 抓痕,應該是高能帶電粒子 kah 塗粉 tī kha-mé-lah 附近反射太陽光造成 ê。地球 ê 觀星者 可能會注意著 tī 這張影像正爿下跤幾若粒熟似 ê 天星,in to̍h 是獵戶座 ê 皮帶 kah 劍。——— 這是 NASA Astronomy Picture of the Day ê 台語文 podcast 原文版:https://apod.nasa.gov/ 台文版:https://apod.tw/ 今仔日 ê 文章:影像:NASA, JHUAPL, Naval Research Lab, Guillermo Stenborg and Brendn Gallagher音樂:PiSCO - 鼎鼎聲優:彪彪翻譯:An-Li Tsai (NCU)原文:https://apod.nasa.gov/apod/ap210225.html


Powered by Firstory Hosting

2 min