Heimsendi Heimsendi
-
- Sociedade e cultura
Heimsendi er hlaðvarpsþáttur hjónanna Jóns Knúts Ásmundssonar og Estherar Aspar Gunnarsdóttur. Þau hafa áhuga á flestu nema því að þrífa bílinn sinn og reikna má með fjölbreyttum efnistökum. Austfirskt samfélag, austfirskar konur og menn verða í brennidepli en ekki reikna með aflatölum eða stöðu austfirskra knattspyrnufélaga í deildinni – slíkar upplýsingar finnur þú annars staðar. Hér verða fínni þræðir raktir upp og sérvisku þáttastjórnenda gefinn laus taumurinn.
-
16 – Jón opnar sig
Jón fer á flug og sálgreinir sjálfan sig og mannkynið með hjálp tónlistarinnar. Með honum eru náttúrulega góðvinirnir Orri og Siggi sem kasta vel völdum sprekum á eldinn óaðfinnanlega.
-
15 – Orri opnar sig
Í þættinum segir Orri Smárason tónlistarlega ævisögu sína, fer yfir sinn “heimavöll” eins og hann orðar það sjálfur. Með honum eru að venju Sigurður Ólafsson og Jón Knútur Ásmundsson.
-
14 – Siggi opnar sig
Í fjórtánda þætti Heimsenda rekur Sigurður Ólafsson tónlistarlega ævisögu sína. Hvers vegna er hann með svona skrýtinn tónlistarsmekk? Með honum eru að venju Orri Smárason og Jón Knútur Ásmundsson.
-
13 – Tónspil
Verslunin Tónspil í Neskaupstað mun loka á næsta ári. Þessu fylgir talsverð melankólía fyrir okkur félagana, blönduð hlýrri nostalgíu. Við spjöllum um þessa stórmerkilegu verslun og þau áhrif sem hún hefur haft á líf okkar. Umsjón: Sigurður Ólafsson, Orri Smárason og Jón Knútur Ásmundsson.
-
12 – Tónlistartrúnó IV
Við elskum kanadísku rokkhljómsveitina Rush. Hún er lífsförunautur okkar og hún er stöðutákn. Að þú sért aðdáandi hljómsveitarinnar segir meira um þig en nokkuð annað. Við förum á dýptina og reynum að skilja þetta magnaða aðdráttarafl sem bandið hefur. Umsjón: Sigurður Ólafsson, Orri Smárason og Jón Knútur Ásmundsson.
-
11 – Tónlistartrúnó III
Við ætlum að spjalla saman um stjörnuna og poppkúlturfyrirbærið Britney Spears. Einn okkar rekur ferilinn hennar og hinir grípa fram í og gjamma eitthvað. Umsjón: Jón Knútur Ásmundsson, Orri Smárason og Sigurður Ólafsson.