Tibetan Freedom Tibetan Freedom

༡༽ བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་གོ་སྒྲིག་འོག་བོད་མིའི་མཉམ་འབྲེལ་བསྐྱར་ཞིབ་ཚོགས་ཆེན་བསྐོང་ཚོགས་གནང་བ།
༢༽ ཆོས་སྡེ་ཁག་ནང་བོད་ཀྱི་གྲངས་འཛིན་དཔེ་མཛོད་ལས་གཞི་འགོ་འཛུགས།
༣༽ ཉི་འོང་གྲོས་ཚོགས་འཐུས་མི་ཟུར་པ་ན་ག་ཧོ་ཏ་ཀ་ཤི་མཆོག་དང་། བོད་དོན་རྒྱབ་སྐྱོར་བ་སྐུ་ཞབས་ཧི་རོ་ཨོ་ཀ་མཆོག་རྣམ་གཉིས་ནས་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་མཇལ་འཕྲད་གནང་བ།
༤༽ ཨ་རིའི་གྲོས་ཚོགས་གོང་མའི་ནང་བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་འཆར་སྤྱི་མོས་ཐོག་གཏན་འབེབས་གནང་བ།

༡༽ སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོའི་རྗེས་གནང་གི་ཆོས་འབྲེལ་རྩལ་བ།
༢༽དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཕ་རན་སིའི་གྲོས་ཚོགས་གོང་མའི་ནང་དུ་བོད་མིའི་རང་དབང་འཐབ་རྩོད་དང་། ཕ་རན་སིས་རྒྱ་ནག་ལ་གདོང་ལེན་གནང་ཕྱོགས་སྐོར་གསུང་བཤད་གནང་བ།
༣༽དཔལ་ལྡན་ཚོགས་གཙོ་མཆོག་གིས་རྒྱ་གར་མངའ་སྡེའི་སྤྱི་ཁྱབ་བློན་ཆེན་གཞོན་པ་ཟུར་པ་སྐུ་ཞབས་སཱུ་ཤཱིལ་ཀུ་མཱར་མོ་དྷི་མཆོག་འདས་གྲོངས་སུ་གྱུར་བར་ཐུགས་གསོའི་འཕྲིན་ཡིག་ཅིག་ཕུལ་བ།
༤༽ ཀུན་གཟིགས་པཎ་ཆེན་བསྟན་འཛིན་དགེ་འདུན་ཡེ་ཤེས་འཕྲིན་ལས་མཆོག་རྒྱ་གཞུང་གིས་གར་སོང་ཆ་མེད་དུ་བཏང་ནས་ལོ་ངོ་ ༢༩ འཁོར་བའི་དུས་དྲན་ཉིན་བོད་མིའི་སྒྲིག་འཛུགས་ནས་ཁོང་གི་གནས་སྟངས་སྐོར་བློ་འཚབ་བསྟན་པ།
༥༽ ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་ལ་དྭགས་བོད་ཁྱིམ་སློབ་གྲྭ་ཡན་ལག་དང་བཅས་པར་གཟིགས་སྐོར་དང་། བོད་ཀྱི་སྐད་ཡིག་སྦྱོང་སྤྱོད་གནང་དགོས་པའི་ནན་སྐུལ་གནང་བ།

༡༽ སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ས་ག་ཟླ་བའི་དུས་ཚིགས་ཁྱད་པར་ཅན་ལ་དགེ་སྐུལ་གསུང་འཕྲིན་རྩལ་བ།
༢༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཡུ་རོབ་རྒྱལ་ཁབ་ཚོས་བོད་དོན་སྲིད་བྱུས་གཏན་འབེབས་ཡོང་བའི་འབོད་སྐུལ་ཞུས་པ།
༣༽ རྒྱ་གར་བོད་དོན་རྒྱབ་སྐྱོར་ཚོགས་པ་བྷ་རཏ་ཏིབྦཏ་སཧ་ཡོག་མནྕ་ཞེས་པ་དབུ་བརྙེས་ཏེ་ལོ་ངོ་ ༢༥ འཁོར་བའི་དུས་ཆེན་སྲུང་བརྩི་ཞུས་པ།
༤༽ གཟིག་རྒྱབ་རིན་པོ་ཆེས་ཉི་འོང་གྲོས་ཚོགས་འཐུས་མི་རྣམས་ལ་པཎ་ཆེན་རིན་པོ་ཆེའི་གནད་དོན་དང་བོད་ནང་གི་ཛ་དྲག་གནས་སྟངས་སྐོར་ཞུ་འབོད་གནང་བ།
༥༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨི་ཊ་ལིའི་གྲོས་ཚོགས་གོང་མའི་ནང་བོད་ནང་གི་ཛ་དྲག་གནས་སྟངས་དང་། རྒྱ་གཞུང་གིས་རྒྱལ་མཚམས་ལས་བརྒལ་བའི་དྲག་གནོན་སྐོར་གསལ་སྟོན་གནང་བ།

༡༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་འཛམ་གླིང་ཡུ་གུར་ལྷན་ཚོགས་སུ་ལྷན་ཞུགས་དང་། ཡུ་རོབ་ཁུལ་དུ་བོད་དོན་ཞུ་སྐུལ་མུ་མཐུད་གནང་བ།
༢༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ལྷོ་ཊེ་རོལ་རང་སྐྱོང་མངའ་སྡེའི་སྲིད་འཛིན་དང་མཇལ་འཕྲད་ཀྱིས་ཕྱོགས་གཉིས་བར་མཉམ་ལས་གནང་འཆར་སྐོར་གྲོས་མོལ་གནང་བ།
༣༽ ས་སྐྱ་བཙུན་མའི་མཐོ་སློབ་ཀྱི་སྐབས་གཉིས་པའི་བསླབ་པ་མཐར་སོན་དང་། ས་པཎ་ལྔ་རིག་མཐོ་སློབ་ཀྱི་སྐབས་དང་པོའི་བསླབ་པ་མཐར་སོན་མཛད་སྒོར་བཅར་བ།
༤༽ ཕ་རན་སིའི་སྲིད་འཛིན་མེག་རོན་མཆོག་ལ་རྒྱ་ནག་གི་སྲིད་འཛིན་ལྷན་དུ་བོད་དོན་གླེང་སློང་གནང་དགོས་པའི་རེ་སྐུལ་ཞུས་པ།

༡༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སུད་སིའི་གྲོས་ཚོགས་འཐུས་མི་དང་གཞུང་འབྲེལ་གནད་ཡོད་མི་སྣ་ཁག་ཅིག་དང་མཇལ་འཕྲད་གནང་བ།
༢༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཕ་རན་སིའི་སྲིད་འཛིན་ཨེ་མེ་ནོལ་མེག་རོན་མཆོག་མཇལ་འཕྲད་གནང་བ།
༣༽ ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་དྷ་ས་གངས་སྐྱིད་མེས་དབོན་གཙུག་ལག་དཔེ་སྟོན་སློབ་གྲྭར་གཟིགས་ཞིབ་གནང་བ།
༤༽ བེལ་ཇ་ཡམ་མངའ་སྡེའི་གྲོས་ཚོགས་ཀྱིས་ཀུན་གཟིགས་པཎ་ཆེན་རིན་པོ་ཆེ་གློད་བཀྲོལ་དགོས་པའི་བསྒྲགས་གཏམ་སྤེལ་བ།
༥༽ མེག་སི་ཀོ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་དང་བོད་དོན་རྒྱབ་སྐྱོར་བ་རྣམས་ནས་བོད་དོན་ལ་རྒྱབ་སྐྱོར་གནང་ཕྱོགས་ཀྱི་ཚོགས་འདུ་བསྐོང་ཚོགས།

༡༽ སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགའ་ལྡན་ལྷ་བརྒྱ་མའི་ཆོས་འབྲེལ་བཀའ་དྲིན་རྩལ་བ།
༢༽ དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྒྱ་གར་མངའ་སྡེ་ཧི་མཱ་ཅལ་དུ་རྟེན་གཞི་བྱས་པའི་བོན་གཞིས་ཌོ་ལན་ཇི་༸དཔལ་གཤེན་བསྟན་སྨན་རིའི་གླིང་དུ་བདུད་རྩི་འོད་ཟེར་འཁྱིལ་བ་སྨན་གྱི་སྒྲུབ་ཆེན་དབུ་འབྱེད་མཛད་སྒོར་ཕེབས་གནང་བ།
༣༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨ་རིའི་མངའ་སྡེ་ཝར་མོཎ་ཊ་དང་། གྲོང་ཁྱེར་སྦོ་སི་ཊོན་ནང་གི་གཞུང་འབྲེལ་འཚམས་གཟིགས་གནང་བ།
༤༽ ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་ཅོན་ཏ་ར་བོད་ཁྱིམ་དང་སམ་བྷོ་ཊ་སློབ་གྲྭར་གཟིགས་སྐོར་གནང་བ།