Ment Ebrouhek منت بروح‪ك‬ Shaddah Media Productions

زينب النقي: كوتش للتشافي من العنف النرجسي بمعايير CPD + ICF.Narcissistic Abuse Trauma-Informed Coach.Narcissistic Abuse Specialist. الانستقرام: @coach.zayneb
يقتضى التنويه: تم اعداد وتحضير محتوى الحلقة بمشاركة من أخصائي علم نفس اكلينيكي (Clinical Psychologist) ولهم منا جزيل الشكر والامتنان.
#النرجسية #النرجسية_بالعربي #منت_بروحك#narcissm

دانه فيصل مدوه كاتبة، ومستشارة تسويق وعلاقات عامة اطلقت حديثا كتابها "ما لا يقال - حوار بين غرباء في عزله" وهو كتاب يتضمن مجموعة من الأسئلة الوجودية والوجدانية اللي ممكن تخطر على بالنا جميعا. 
خلال الحلقة، ناقشنا محتوى الكتاب وحاولت استكشف أعماق الأفكار المطروحة فيه بهدف اشباع فضولي وفهم كيف تكوّنت وتطورت هذه الأجوبة والأفكار.
النقاش بالنسبة لي كان غني وملهم بس اللي كان فعلا مميز فيه قدرة دانة الفريدة على التعبير عن نفسها بنبرة شعرية فريدة من نوعها.
 اظن حبي للكتاب ومشاعري اتجاهه كانت واضحه مع كل سؤال سئلته وكل اجابة تلقيتها.فعلاً عمل يستحق أن يُحتفل به بكل حب وتقدير. 
شكرا دانه كُنتِ أجمل ختام للموسم.❤️

لقتنا مع اخصائي التغذية علي الحداداللي ما تكلمنا فيها لا عن تغذية ولا رياضة ولا غيرها.بو يوسف اخذني معاه برحلة من نشأته، دراسته، رحلته بالسوشل الميديا وتحديدا حدثني عن ثلاث صدمات صارت له بحياته .
شنو هالثلاث صدمات وما هي الدروس اللي تعلمها منهم؟ كله تلاقونه بالحلقة.
نقاش مثمر وفي قيم ودروس جميلة اتمنى تستفيدون وتستمتعون فيه.

بدر البداح شاب كويتي خلوق وخف طينهقعدت معاه بالحلقة وسولف لي شلون وجبة بسفره كان مسافر فيها مع ربعه غيرت حياته وكل المخططات اللي كان ناوي عليها رحلة خذت ٧ سنين.. شنو صار، شلون تغيرت حياته، شلون تكيف مع اللي صار، وكل اللي تعلمه من هذه المرحله.كل هالتفاصيل نسولف فيها بالحلقة.شكرا بدر على شجاعتك ورحابة صدرك بإنك تشارك قصتك معاي ومع منت بروحك❤️

ساعات نتابع حلقات او نقرأ محتوى ونفكر بيننا وبين نفسنا انه بالشكل حلو  بس ما نقدر نتخيل ان ممكن نتبعه خاصة كمنهج حياة.. فكرة نستانس عليها يوم يومين وننساها وبعدها نرد حق حياتنا المعتاده..ولكن.. اللي تكلمت عنه اب هالحلقه مع د. انوار اوعدكم ان واقع ممكن يتحقق وممكن نختاره اذا اردنا.بأي حق أقول هالشيء؟لان اول مره قعدت معاها فعلا كلامها كان تحدي لي.. تحدتني اني اغير فكرة مبنية على طريقة تفكير متعوده عليهوللامانه التحدي ضايق على قولتهم "الآنا" او "النفس" مالتي اللي نقدر انقول انها تحب تتخيل انها تعرف وفاهمه كل شي.بس والله العظيم اني من عطيت اللي قالتلي اياه فرصه والعقلية اللي تكلمت عنها فرصه فعلا فرقت معاي واااايد امور.طبعا حياتي مو كامله واكيد لا زلت اواجه صعوبات لكن احس اني وبفضل الله أقدر استشعر الرضا بدرجة اكبر من بعد هالنقاش..ومتأكدة ان الحلقة بتكون مرجع حقي عشان كل ما اشطح (وادري اني راح اشطح لاني بني ادميه وطبيعي) راح ارد اذكر نفسي بالكلاماللي صراحه وايد فادني وساعدني والاهم من هذا ان ريحني بعد..ختاما، فعلا امنيتي ان الحلقة تقدم لكم نفس الشعور وأفضل من ذلك ان شاء الله. 

‎#منت_ بروحك
‎#من_القلب #واقع
‎#صريح #الصحة_النفسية 
#youarenotalone #raw #honest #vulnerable #real #podcast #mentalhealth 

جدا جدا جدا ممتنة ان من خلال هالبودكاست اقدر اوصل حق ناس مثل المهندس محمود واتناقش نقاشات عمري ما كنت راح اقدر اناقشها.هالنقاش اعتبره كان تعليمي وتثقيفي لي اكثر من اي شي ثاني و وااااايد استانست واستمتعت بالسوالف معاه وكلش ما حسيت بالوقت.صحيح ان الفكرة شوي مختلفة هالمره بس ارد اقول ان منت بروحك يخضع تحتها اي تجربه انسانيه او شعور بشري حتى لو كان رغبة بالنقاش والتعلم والحديث عن شي بسيط ولكن اساسي مثل البحث عن شغف او غايه.مشاء الله تبارك الرحمن المهندس محمود وين ما اروح وشنو ما اسأل عنده اجابه.. ومو اي اجابة.. نوع اجابة اللي تفتح موضوع يديد وتوسع مداركي.فعلا محظوظه اب قعدتي معاه واتمنى تستمتعون بالنقاش كما انا استمتعت فيه.I genuinely loved my conversation with Eng. Mahmoud, I am so grateful that this podcast gives me the opportunity to pick a brain like his and just learn and have fun. I think the whole “You are not alone” concept does not fall only under the theme of hardships but rather anything and everything that a human being can experience or feel even if its as simple as trying to find a passion or an eagerness to learn and grow.During this conversation we went to everything from following a safe career path while still attempting to follow a passion and a feeling of fulfillment, moving into the food industry and food addiction all the way to artificial intelligible, ethical standards imposed by culture and society and finally the monetary world and cryptocurrency.This was genuinely so much fun and I truly hope you give it a chance and enjoy it as much as I did.
‎#منت_بروحك‎#واقع #من_القلب‎#صريح  #الصحة_النفسية#youarenotalone #raw #honest #vulnerable #real #podcast #mentalhealth