NAIZ IRRATIA - Musikharia | naiz.eus Naiz Irratia

Gaur, ekainak 14, izango da zuzeneko berriaren lehen emanaldia Benizzeren eskutik. Beñat Goita da Benizze proiektua abiatu zuena eta Lamia Mari izango du orain zuzenekoetako bidelagun. ‘Basati’ diskoko 11 kantuekin izerdia eta dantza izango dira protagonista Ttipia tabernan.

Haitz Goikoetxea, Gaizka Lanas eta Euken perez dira Haizkan taldea osatzen dutenak. Rockaren bueltan dabiltza eta ‘Zauriekin’ da beren lehen lan luzea. Asteburu honetan, larunbatean, ekainak 15, Azpeitian, Orkatz Kultur Elkarteak antolatutako festaren parte izango dira. 

Peru Arregi (Donostia, 1992) da Suon proiektuaren atzean dagoen pertsona. Ondra taldearen ibilbidea geratu ostean, bakarkako bideari heldu dio musikariak eta folketik abiatutako disko bat ondu du. MusikHaria saioan haren xehetasunak kontatu ditu.

Bost abestiz osatutako kaleratze honetan, club musikara nola gerturatu den eta zer eskaini dezakeen bertan erakutsi digu Alai ekoizle eta DJ tolosarrak. Batean eta bestean zuzenekoetan dabil orain, hurrengo geldialdia BBK Live Herrian ekimenaren baitan egingo du, larunbatean, ekainak 15, Sondikan.

Mikel Larratxe eta Maialen Salas Psylocibe elkarteko kideekin izan gara, 30. urteurreneko ospakizun bezala bilduma bat publikatu eta elkarteko taldeekin festa antolatu dutelako. Gaur, ekainak 8, izango da festa Psilocyben, eta, festaz gainera, elkartearen ibilbideaz ere aritu gara hizketan.

Aramaioko artistak udaberria heltzearekin bat loratu zuen bere disko berria. Sendatze moduko bat izan da diskoan kontatzen diguna, gaixo dagoen landare baten loratzearen modukoa izan dela esan daiteke. Igande honetan Azpeitiko Soreasu antzokian aurkeztuko du ‘De amar y desandar’ Idoia Asurmendik.