潮文共賞第34話 ︳一哥焗豬扒飯 寫成呎長焗豬先叫得 ‪︳‬ 謝遜二三事 JESSON TALKER

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。
生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗

第34話﹕一哥焗豬扒飯 寫成呎長焗豬先叫得

特別嗚謝：高登會員荷蘭橙

⬇️ 原文 ⬇️
咪話呀叔唔教精你，我身經百戰，而家一腸（睇）個餐牌就知咩料。
拿，大家樂而家最抵食既得一隻，叫上海骨菜飯，有豬扒幾舊，炸到酥，跟涼菜、半隻鹵強同菜飯，先29蚊。
而焗豬呢都要叫得有技巧，唔係乜L野時候都叫得，你一定要見佢個牌寫成呎長焗豬先叫得，唔係中伏！

拿，大家樂唔可以成日加價，所以佢d野食質素同果期既食材來價有關！
如果果期d冰凍豬扒平，佢就會入d大大件成個飯盒咁長，而且有1.748cm厚既豬扒。入左筍野佢地當然唔會放過晒命機會，所以個牌就會寫「成呎長一哥焗豬扒飯」！

如果果期d豬扒來價略貴，佢就會縮L左成呎長幾隻字，淨係寫「一哥焗豬」！咁你叫時就要心中有數了！

如果果期連一哥兩隻字都冇埋，變成乜L野鴛鴦焗飯，雞球併豬扒之類咁，就係果期豬扒來貨好貴，佢就整d垃圾出黎頂檔，07年～08年就發生過，一唔小心就中伏！！

不過大家唔駛驚會中伏，其實呢d係有路捉既，果期你上美國芝加哥期貨交易所個網睇豬肉期貨既價，如果巴西豬肉期貨價大跌就係準備有成呎長豬扒既時候了！
下次叫上海骨飯啦，唔跟野飲29蚊，睇師傅手神，有時會整5～6舊細扒入去，仲有一盒仔涼菜，係炸菜青瓜果d，仲有半隻鹵強，而跟飯有盒仔調味醬油，本來係撈涼菜既，但涼菜既夠味，就咁倒落菜飯到撈更香口。鍾意既加多杯佢地既即磨咖啡，以平價啡黎講算十分香口澴滑，+4蚊抵飲！

APPLE ● SPOTIFY ● YOUTUBE 等各大平台登場。

----------
【SOCIAL MEDIA。讚好謝遜】
✅ https://linktr.ee/jessontalker
--
Hosting provided by SoundOn