KLETS Afrikaans.Radio

Die span is terug soos oudergewoonte op ’n Woensdag met nog ’n KLETS. In vandag se episode gesels Colene en Matthys met Dr. Tertius Venter, ’n plastiese chirurg wat sy lewe daaraan wy om mense in nood te help. Dr. Tertius het ’n inspirerende verhaal van toewyding en medelye, met ’n loopbaan wat beide sy sendingswerk en sy diens op Mercy Ships insluit. Mercy Ships is ’n organisasie wat mediese sorg aan die armste gemeenskappe in die wêreld verskaf deur middel van ’n hospitaalskip. Dr. Tertius vertel ons van sy ongelooflike reise, die uitdagings wat hy oorkom het, en die vervullende oomblikke wat hy ervaar het terwyl hy hoop en genesing bring aan dié wat dit die meeste nodig het. Sy werk is nie net ’n beroep nie, maar ’n ware roeping.

Vir meer inligting oor Dr. Tertius se werk en sy organisasie, besoek gerus Mercy Ships en Tertius26 se webtuistes.

Verder mag Matthys nie oor die verkiesing praat nie, maar Colene het darem ingestem om ’n paar minute daaroor te gesels. Die span lees ook e-posse van luisteraars voor.

Dankie dat jy luister, en onthou om jou e-posse en wyn aan te stuur! Bly warm.

Dis ʼn land van kleure en klank, dis ʼn land van oorvloed en dank … maar is dit nog ’n land waar almal nog strewe?

Die bevolking het hulle kruisies getrek… wel, sommige van hulle. ’n 58% opkoms van geregistreerde kiesers sê dalk meer van ons as swak burgers as wat dit sê van ons swak “luierskap”. Nietemin, die min van ons wat lus genoeg was om op te staan en die rye te gaan aandurf het gesorg vir interessante resultate.

Die ANC eet “humble cupcake”, Julius is stil in die stoute hoekie, die DA glimlag soos ’n onseker bruid en ons almal weet nou MK is nie net die ou musiek kanaal op DSTV nie… As jy deurmekaar en onseker is na die laaste week, ons is ook! Ons kon seker wend na die insigte van nog ‘n politieke ontleder, maar die KLETS span het besluit om eerder die insigte van ’n astroloog in te roep! Want ons haat vervelig.

Ons gesels met vername astroloog Catherine Laurent oor wat sy en die sterre en planete sien rondom koalisies, internasionale kwessies, beleggings en selfs loadshedding. Dit lyk of die sterre uiters hoopvol is. Moet nog nie jou huis op die mark sit en jou tassie pak nie! Maar daai Solar panele waaraan jy nog sit en dink was ook nie ’n kak idee nie!

Kontak Catherine Laurent per WhatsApp by 079 696 6740 as jy jou sterre wil lees… jy sal jou sterre dank as jy dit doen.

Noord, Suid, Oos en Wes… kyk in enige rigting en dis doom en gloom. ’n Verkeerslig wat nie werk nie, ‘n honger bedelaar, ‘n pothole, en dan Cyril se “let’s do more”.

So in hierdie episode kyk ons eerder OP! Ons praat met die bekroonde sterrekundige, en algeheel lekker ou, Prof David Block oor die merkwaardige en rare verskynsel– die Aurora’s, wat op die 10de en 11de Mei gesien is van Gansbaai tot by Etosha.

Prof Block verduidelik vir ons die wetenskap agter die ligte skouspel. Buiten wetenskaplike geselsies, deel Prof Block sy aansteeklike passie vir alles wat magies is in die lewe.

Ons bring ook ’n ode aan ons geliefde moeders. En… Baby Reindeer… want ons kan nie help nie! Dankie vir al die kommentaar en besoek Prof Block se webtuiste.

Mense en hulle dinge… en fok, hulle het baie dinge!

Shell, daai geel en rooi garage, het 122 jaar oorleef—wêreldoorloë, apartheid, en talle sanksies, maar swyg voor BEE en die ANC se kontantvloei konkoksies. Iemand moet die DA red van hulle bemarkingsagentskap… 'all is fair in electioneering' maar hemel, mens brand nie jou landsvlag nie.

Ons sluit politiek af met niemand meer van pas as umkhulu Zuma, op mediese parool, dans hy soos 'n 2-jarige en woed steeds sy soeke na aandag in die howe. En aandag kry hy!

Buiten die belaglike politiek gee ons waardevolle lewensadvies, seriously! Ons skinder ook 'n bietjie oor die botox-huisvrou, en kritiseer die Amerikaanse jeug.

Matthys wroeg deur tech-issues om vir julle die beste te bring… op YouTube! En Colene verjaar!!! YAY!

In vandag se KLETS gesels Colene en Matthys met bekroonde joernalis, Daniëlla van Heerden. Daniëlla loer in om te gesels oor haar podcast, "'n Ma en 'n Mikrofoon," wat binnekort ook op Afrikaans.Radio beskikbaar sal wees.

Ons gesels oor alles van ouerskap en kinders grootmaak, tot 'n knippie politiek hier en daar.

1 Mei het ons vanjaar met 'n paar ekstra verrassings verras, nie net May Day nie! Check ons uit op YouTube!

Colene en Matthys soos gewoonlik baie om te sê oor wat als hier by ons in die suide van Afrika aangaan. Lekker bly en kyk mooi na die kinders!

In die nuutste episode van KLETS, het ons 'n gevatte gesprek met die joernalis en konsultant, Camilla Bath, oor die evolusie van nuusdekking met die oog op die opkomende verkiesing.

Colene deel ook haar onlangse avonture by Woolies en wonder of ons dalk vir Markus Jooste by Woolworths gaan betrap terwyl hy avokado's koop.

Virgin Active is nou oopkop oor wie hulle badkamers gebruik – man of vrou of dit wat dink hul is een van die twee, almal is welkom. En in die polisiekantore, ons praat oor die behoefte aan mooi "Cox", maar dalk nie waar jy dit sou verwag nie maar Louis Liebenberg sal jou vertel waar kry jy die "hoerkinders" van Suid-Afrika.