Menporul Poriyalar - Kavithai Kadhaiya Kavithaiya

ஒற்றை திரையில் வாழ்வின் அடித்தளம்!
சாதாரண கண்கள் காணும் அழகிய பக்கங்களின் வர்ணங்களை
அயராத இவர்கள் கண்கள் செதுக்கும்
கடினமாய் உழைத்திடும் நேரத்தை எல்லாம் குறைத்திட
நிரலாக்கம் செய்து ஒழுங்கு படுத்தும்
சந்தோசமாய் கழித்திடும் பொழுதுபோக்கு தளங்களுக்கும்
பின்னணியாய் இவர்கள் விரல்கள் இருக்கும்

மொழிகள் பல உலா வந்தாலும்
இவர்கள் மொழி தனி தான்
தட்டச்சு தட்டியே திரை மொத்தம் ஜொலித்து இருக்கும்
கண் பார்வை தாண்டியே தர்க்கங்கள் நிறைந்து ஒளிந்திருக்கும்

விடியும் பொழுதிலும் மூழ்கும் இரவிலும்
கணினி சூரியன் முன்னிருக்கும்
உடற்பயிற்சி செய்திடாத உடல் இருந்தும்
விரல்கள் வலுவாய் இருக்கும்

முகங்கள் யாருக்கும் தெரிந்திடாமல் போனாலும்
இவர்களின் முயற்சிகள் எங்கும் நிறைந்திருக்கும்
தொழில்நுட்பம் வளரும் ஒவ்வொரு அசைவிற்கும்
இந்த கலைஞர்களின் கைவண்ணம் ஆழம் இருக்கும்
ஆம், கண்முன்னே தோன்றிடினும்
இவர்கள் மறைக்கப்பட்டவர்களே திரைக்கு பின்னே...

---

Send in a voice message: https://podcasters.spotify.com/pod/show/kadhaiya-kavithaiya/message