6 avsnitt
Tá makrelurin broytti Føroyar Kringvarp Føroya
-
- Nyheter
Tað er ein sannroynd, at avgerðin um at hækka føroysku makrelkvotuna fyri umleið 10 árum síðani, hevur havt ómetaliga stóran týdning fyri partar av okkara fiskivinnu, og somuleiðis fyri búskaparligu framgongdina í Føroyum seinnu árini.
Søgan “Tá makrelurin broytti Føroyar’ er ongantíð lýst samanhangandi og tað verður roynt í hesu sendirøð.
Føroyar meira makrel
Tað var tó ikki frá politiskari síðu ella frá Havstovuni, at stig vóru tikin til at útvega prógv fyri, at nógvur makrelur var í føroyskum sjógvi, og at føroyingar tí áttu at kannað sær ein munandi størri part enn tey 4,9 prosentini, sum Føroyar tá áttu av felagskvotuni.
Men á hvønn hátt gjørdust føroyingar varðugir við nógva makrelin í føroyskum sjógvi, sum gjørdist grundarlagið undir kravinum um at tryggja Føroyum størri part av felagskvotuni millum strandalondini? Og hvussu gekk arbeiðið fyri seg at útvega haldgóðar próvgrundir fyri, at so var.
Kári Mikkelsen hevur lagt til rættis.
-
Tá makrelurin broytti Føroyar (6:6)
Í hesi sendingini verður roynt at lýsa langtíðarávirkanina av førda fiskivinnupolitikkinum seinnu árini og ta sannroynd, at ovurhonds stóra náttúru-virðini eru savnaði á alt færri hondum.
Kári Mikkelsen hevur lagt til rættis. -
Tá makrelurin broytti Føroyar (5:6)
Í hesi sendingini hava vit spurt nakrar serfrøðingar og aðrar eygleiðarar um, hvussu teir síggja mótsetningarnar millum ymsu økini í landinum. Serliga við atliti til førda fiskivinupolitikkin seinnu árini, og hvørja ávirkan hesin hevur havt á føroyska samfelagið.
Eitt nú millum høvuðsstaðarøkið, har flestu almennu tænasturnar eru, og norður-eystur-økið, har størsti parturin av fiskivinnuni liggur.
Kári Mikkelsen leggur sendingarnar til rættis. -
Ta makrelurin broytti Føroyar (4:6)
Í hesi sendingini fara vit at greiða frá leiklutinum hjá Fiskimálaráðnum sum fyrisitingarmyndugleika í makrelmálinum.
Eisini hava vit tosað við umboð fyri teir fýra flokkarnar í sonevnda makrelsamgonguni, sum gjørdu langtíðarsemju um makrelin í 2011.
Somuleiðis fara vit at hoyra sjónarmiðini hjá eigaranum av útróðrarbátinum Lírabergi, Óla Jacobsen, ið hevur sett seg sera væl inn makrelmálið, har hann serliga finst at fyrisitingini av hesum stóra máli.
Kári Mikkelsen leggur sendingina til rættis.
-
Tá makrelurin broytti Føroyar (3:6)
Í fyrstu sendingini hoyrdu vit millum annað, at teir, sum tá myndaðu Føroya Reiðarafelag, sóu einasta møguleika vera fyri at bøta um vánaligu støðuna hjá heimaflotaum, at útvega Føroyum størri uppisjóvarrættindi, sum heimaflotin síðani kundi fáa lut í.
Hetta átakið skuldi tó ikki vísa seg at vera lætt, tí mótstøðan vísti seg at gerast ógvuliga stór. Ikki minst heima í Føroyum.
Onnur sending snúði seg um, hvussu gongd fekst á fiskiskapin tað fyrsta árið eftir nógv hækkaðu kvotunu, har vit høvdu vit samrøðu við tveir reiðarar, ið fyrstu ferð royndu seg í makrelfiskiskapi. -
Tá makrelurin broytti Føroyar (2:6)
Í fyrstu sendingini hoyrdu vit millum annað, at teir, sum tá myndaðu Føroya Reiðarafelag, sóu einasta møguleika vera fyri at bøta um vánaligu støðuna hjá heimaflotaum, at útvega Føroyum størri uppisjóvarrættindi, sum heimaflotin síðani kundi fáa lut í.
Hetta átakið skuldi tó ikki vísa seg at vera lætt, tí mótstøðan var ógvuliga stór. Ikki minst heima í Føroyum. Hesum lurtaði Jacob Vestergaard, sum eisini tá umsat fiskivinnumál, tó ikki eftir, og hækkaði kvotuna munandi í 2010 og enn meira í 2011. -
Tá makrelurin broytti Føroyar (1:6)
Í Føroya Reiðarafelag sóu teir, sum tá myndaðu felagið, einasta møguleika vera fyri at bøta um støðuna, at útvega Føroyum størri part av felags makrelkvotuni millum strandalondini.
Hetta átakið skuldi tó ikki vísa seg at vera lætt, tí mótstøðan var ógvuliga stór. Ikki minst heima í Føroyum.
Kári Mikkelsen hevur lagt til rættis.