Tanhai- Faiz Ahmad Faiz. Nawa-e-Sahar S01E01 Nawa-e-Sahar Urdu poetry

Tanhaee by Faiz Ahmed Faiz
Voice- Hasan Mizaj Toosi
Phir koi aayaa, dil-e-zaar! Nahin, koi nahin
Rah’ro hoga, kahin aur chalaa jaayegaa
Dhal chuki raat, bikharne lagaa taaron ka ghubaar
Ladkhadaane lage aiwaanon mein khwabda chiraag
So gayee raastaa tak tak ke har ik rahguzaar
Ajnabi khaak ne dhundlaa diye qadmon ke suraagh
Gul karo shammein! Badhaa do mai-o-meena-o-ayaagh
Apne bekhwaab kiwaadon ko muqaffal kar lo
Ab yahaan koi nahin, koi nahin aayega