Ouzhpenn ar Vretoned a zo Radio Kerne
-
- Society & Culture
Peseurt yezh a vez klevet e-kreiz koad an Amazonia ? Pet pobl a zo 'veviñ e Bro-Nepal ? 'Blam da betra ne vez ket safaret oubic'heg ken ? Pelec'h emañ an Aïnoued o chom ? Piv eo Cristina Calderón ? Ar respontoù a vo roet deoc'h er gronikenn-mañ !
-
Labour-douar ha cheñchamant an amzer
Deus fin an XIIIvet kantved ha penn-kentañ an XIXvet kantved 'oa yenoc'h an amzer evit bremañ. Ar "PAG" (Petit Âge Glaciaire) a vez lâret deus an dra-se gant an istorianed, Mare Bihan ar Skorn e brezhoneg. N'ouzer ket dre just petra zo kaoz d'ar fenomen-se, met lod a soñj dezho 'nefe un dra bennak da welet gant proporsion an douaroù labouret d'ar mare-se : ur bern parkeier a oa dilaosket a-benn neuze ha setu e-giz-se 'oa bet muioc'h a wez da bakañ ar CO2 !
-
Ar rongorongo
"Rongorongo" a vez graet deus ar sistem-skritur a veze implijet gwechall gant ar bobl rapanui e Enez Pask. Pell 'zo ne vez ket graet gantañ ken, ken eo bet disoñjet : en deiz-hiziv n'ouzer ket na lenn na kompren anezhañ ken !
-
Sivilizasion Tartessos
E 2023 'zo bet kavet bizajoù-maen kizellet kaer e Casas del Turuñuelo e traoñ Bro-Spagn. Ar re-mañ o deus da welet gant ur sivilizasion gozh, hini Tartessos. Kant vloaz 'zo c'hoazh ne ouie koulz lâret netra an istorianed diwar-bouez homañ, met abaoe o deus kavet un tamm-mat a draoù ! He skritur a chom dezho da zikodiñ c'hoazh ... hag he yezh da gompren !
-
Kroated ar Burgenland
Tout an dud a oar alamaneg e Bro-Aostria, met yezhoù all ha vez preget atô lec'h-mañ-lec'h, evel an italianeg, ar sloveneg pe c'hoazh ar magiareg. E Land ar Burgenland e c'haller klevet tud o kaozeal kroateg : Kroated ar Burgenland a vez lâret deuzouto.
-
Hag emañ ar Myanmar o vont da darzhañ ?
Tri bloaz 'zo bremañ eo bet sklapet ar prezidant d'ar maez gant an arme er Myanmar ha lakaet ur prezidant all, loieal, en e blas. Met en em savet 'zo ur bern tud a-enep d'ar jeñt ha 60% deus ar vro zo kontrollet gant ar rebelled bremañ. Div vroig zo en em ziklaret distag deus ar Myanmar zoken, ar stad Wa hag ar Chinland.
-
Deformasion Tolosa
Gwechall 'veze deformet o fenn d'ar vugale e Tolosa hag en departamañtoù all tro-war-dro, ken a choment hir e-pad o buhez goude-se. An dra-se oa aet er-maez ar giz diwezhat a-walc'h, e-tro ar Brezel Bras. Den ne oar 'blam da betra veze graet an dra-se d'ar vugale met abaoe an Amzer Grenn 'vez graet da neubeutañ !