Abbyr Shen Reesht - Say That Again Manx Radio

Lesh Radio TT er AM, cha row 'Kiaull as Cooish' marish Daniel Quayle ry chlashtyn, as ga dy row recortyssyn feer anaasagh ec Phil Gawne ayns 'Goll as Gaccan', cha row meer 'sy chlaare ass skeeal ny fockleyn jeh arrane ny'n lheid 'sy Ghaelg. Dy cadjin cha nel shin clashtyn veg ass 'Traa dy Liooar' ayns y phodcast shoh, agh y cheayrt shoh ta shin lheimmey er nyn doshiaght liorish laa dy ghoaill stiagh meer ass y chlaare shen Jelune 10oo Mean Souree bentyn da ny Ratchyn TT dy lhieeney paart jeh'n varney. Eisht ta shin goll back gys 'Claare ny Gael' as meer elley ass Dracula liorish Bram Stoker ayns chyndaays 'sy Ghaelg.
With Radio TT on AM, 'Kiaull as Cooish' with Daniel Quayle wasn't to be heard, and although Phil Gawne had some very interesting recordings in 'Goll as Gaccan', there wasn't a bit in the progrfamme from a story or words from a song or the like in Manx. Normally we don't hear anything from 'Traa dy Liooar' in this podcast, but this time we jump ahead by a day to take in an extract from that programme on Monday 10th June in respect of the TT Races to fill part of the gap. Then we go back to 'Claare ny Gael' and another extract from Dracula by Bram Stoker in a translation into Manx.

Meeryn agh ass daa chlaare er-nyn-son y cheayrt shoh, agh ta shin clashtyn Phil Gawne as fockleyn cochianglt rish skeeal ass shennaghys Vannin, as eisht ta shin feddyn magh ny vees taghyrt rish ny cumraagyn va shelg yn Count Dracula, as shoh ayns chyndaays 'sy Ghaelg jeh'n skeeal ard-ghooagh shoh scruit ec Bram Stoker.
Extracts from only two programmes for us this time, but we hear Phil Gawne and words associated with a story from Manx folklore, and then we find out what is happening with the comrades who are hunting Count Dracula, and this is in a translation into Manx of the famous story written by Bram Stoker.

She Maralyn Crellin ta shin clashtyn ayns 'Shiaght Laa', roish my vees Phil Gawne lhaih dooin yn ayrn s'jerree jeh skeeal ayns 'Goll as Gaccan'. Ass 'Claare ny Gael' ta episode elley ass chyndaays 'sy Ghaelg jeh Dracula liorish Bram Stoker.
It's Maralyn Crellin whom we hear in 'Shiaght Laa', before Phil Gawne reads to us the final part of a story in 'Goll as Gaccan'. From 'Claare ny Gael' there's another episode from the translation into Manx of Dracula by Bram Stoker.

She Fiona McArdle va chebbal 'Shiaght Laa' fastyr beg Jerdein, as ta shin clashtyn arrane 'sy Ghaelg neesht. Ta Daniel Quayle ayns shoh reesht dy hebbal 'Kiaull as Cooish', as ta shin clashtyn coraa Daniel, ny yeih nagh vel shin clashtyn y kiaull ass yn chlaare. Cha row meer er-lheh ec Phil Gawne er-nyn-son ayns 'Goll as Gaccan' y cheayrt shoh, myr shoh ta shin goll dy jeeragh gys 'Claare ny Gael', as aynjee ta episode elley ass chyndaays 'sy Ghaelg jeh Dracula liorish Bram Stoker.
It's Fiona McArdle who presents 'Shiaght Laa' on Thursday evening, and we hear a song in Manx as well. Daniel Quayle is here again to present 'Kiaull as Cooish', and he hear Daniel's voice, although we don't hear the music from the programme. There wasn't a particular extract by Phil Gawne for us in 'Goll as Gaccan' this time, so we go directly to 'Claare ny Gael', and in it there's another episode from a translation into Manx of Dracula by Bram Stoker.

Ta three cooish ghiare ain 'sy Ghaelg ass 'Shiaght Laa'. Eisht ayns 'Kiaull as Cooish' ta shin clashtyn ooilley ny cooishyn va goll eddyr Owen Williams as Phil Gawne, agh cha nel shin clashtyn y kiaull hene. Ta Phil Gawne as Simon Clarke chebbal 'Goll as Gaccan', as magh ass y chlaare shen ta shin clashtyn meer elley jeh skeeal - yn ayrn s'jerree ry heet foast. Ta ayrn elley jeh'n skeeal, Dracula liorish Bram Stoker, ry chlashtyn ayns chyndaays 'sy Ghaelg ayns 'Claare ny Gael'. 


There are three short topics for us in 'Shiaght Laa'. Then in 'Kiaull as Cooish' we here all the cooish that's going between Owen Williams and Phil Gawne, but we don't hear the music itself. Phil Gawne and Simon Clarke present 'Goll as Gaccan', and out of that programme we hear another bit of a story - the final part still to come. There's another part of the story, Dracula by Bram Stoker, to be heard in a translation into Manx in 'Claare ny Gael'.

Ta Maralyn Crellin chebbal 'Shiaght Laa' as aynjee ta shin clashtyn recortys jeh Juan y Geill neesht. She Phil Gawne as Owen Williams vees chebbal 'Kiaull as Cooish', as 'syn aght cadjin cha nel shin clashtyn y kiaull ayns shoh. Cha row ayrn jeh skeeal 'sy Ghaelg ayns 'Goll as Gaccan' y cheayrt shoh, myr shoh ta shin goll dy jeeragh gys 'Claare ny Gael' as ayrn elley jeh'n chyndaays 'sy Ghaelg jeh Dracula liorish Bram Stoker.


Maralyn Crellin presents 'Shiaght Laa' and in it we hear a recording of Jack Gell as well. It's Phil Gawne and Owen Williams who present 'Kiaull as Cooish', and in the usual way we don't hear the music here. There wasn't part of a story in Manx in 'Goll as Gaccan' this time, so we go directly to 'Claare ny Gael' and another part of the translation into Manx of Dracula by Bram Stoker.