Mumbling - برطم‪ة‬ Nda Muhsen

لو انت زيي وطول الوقت بتلاقي ناس بتشتم فينا، وفي ذوقنا في الترندات، وإنه بقينا تافهيين وازاي وصلنا لهنا، يبقى المعلومة دي هتهمك!

جه الوقت اللي نركز فيه شوية، بنشوف إيه على الانترنت كل يوم، وبتدخل دماغنا كام معلومة، جه الوقت اللي نعرف فيه ازاي المنصات اللي بنستخدمها كل يوم، ممكن تغير في شخصيتنا، ونظرتنا للعالم.

الفرابتشينو بقى بـ ٢٠ جنيه ودانكن دونتس فاضي؟ أهلاً بيك على أرض الواقع، حيث لا علاقة لما يحدث ببوستات فيسبوك.

هو احنا ليه بطلنا ندي عقاد نافع؟

ليه بشكل عام بقينا دايماً نعوّم الكلام، مبنقولش اللي عايزينه، مبنقولش لأ، بنتعامل مع العلاقات بطريقة المسلسل التركي "سنوات الضياع"، بنرقص حوالين بعض كتير.

بعد ما شوفت إعلان حلقة أنغام مع أنس بوخش.. مقدرتش أقاوم متكلمش عن ثقافة الناس عن "المسامحة".. اسمعوني وقولولي رأيكم.

في الحلقة دي.. كنت بجرب الموضوع مش أكتر، بشوف لو هبودكاست هنفع ولا لأ، وكانت وقتها خبر إن جوجل هتطلق خاصية تختصر فيها المقالات، لسه حارق دمي ومأثر عليا، فقولت نبرطم كده وزي ما تيجي تيجي.