Aeneid I.35-49 & Relative Pronouns The Latin PodClass

Aeneid I.34-49
Vix e conspectu Siculae telluris in altum

vela dabant laeti, et spumas salis aere ruebant,                          35

cum Iuno, aeternum servans sub pectore vulnus,

haec secum: 'Mene incepto desistere victam,

nec posse Italia Teucrorum avertere regem?

Quippe vetor fatis. Pallasne exurere classem

Argivum atque ipsos potuit submergere ponto,               40

unius ob noxam et furias Aiacis Oilei?

Ipsa, Iovis rapidum iaculata e nubibus ignem,

disiecitque rates evertitque aequora ventis,

illum expirantem transfixo pectore flammas

turbine corripuit scopuloque infixit acuto.                 45

Ast ego, quae divum incedo regina, Iovisque

et soror et coniunx, una cum gente tot annos

bella gero! Et quisquam numen Iunonis adoret

praeterea, aut supplex aris imponet honorem?'



Latin Relative Pronoun Forms

Singular.       M.   F.   N.

Nominative Qui Quae Quod 

Genitive Cuius Cuius Cuius 

Dative Cui Cui Cui 

Accusative Quem Quam Quod 

Ablative Quo Qua Quo 



Plural               M.  F.  N 

Nominative Qui Quae Quae 

Genitive Quorum Quarum Quorum 

Dative Quibus Quibus Quibus 

Accusative Quos Quas Quae 

Ablative Quibus Quibus Quibus


---

Send in a voice message: https://podcasters.spotify.com/pod/show/brian-gross8/message
Support this podcast: https://podcasters.spotify.com/pod/show/brian-gross8/support