Puslopys Latvijas Radio
-
- Arts
Latgalīšu literaturys podkasts “Puslopys” ir myusdīnu latgalīšu literaturys puslopu puorškūrsteišona – apsarunuošona ar autorim par raksteišonu, volūdu, kasdīnu i dzeivi kai taidu. “Puslopys” aicynoj īsaklauseit ari latgaliski pīraksteitūs dorbu voi tūs fragmentūs pošu autoru skaitejumūs, taipat kotrā sasatikšonys reizē tūp vīna jaunys dzīsmis skice ar satyktuo autora tekstu.
Ar latgalīšu literaturys autorim sasarunoj muzikis, viesturnīksi raidejumu vadeituojs Arņs Slobožanins i marketinga specialiste, latgalīšu volūdys popularizātuoja Edeite Husare.
-
#puslopys Pai, pādejuos! Par Latgolu, kurys vaira nabyus
Itūreiz raidīrokstā “Puslopys” par vysu, kas ir bejs, par autoru ar pseidonimu „Pai!”, par debeju prozā ar trušim i Latgolu, kurys vaira nabyus i byus cyta.
-
#puslopys LĪVIJA LIEPDRUVIETE – ka nūgiutu vysus, dzejūļu maņ byutu daudzi vairuok
Līvija Liepdruviete dzeju suokuse raksteit jau seņ, kai poša smej – paguojušuo godu symta septeņdasmitūs godu vydā. Līvija ir cīši ražeiga dzejneica i jai kūpumā jau izguojuši 8 dzejis kruojumi, juos dzeju šudiņ daudzi izalosa īraksteit apsveikuma karteņuos iz kaidim svātkim. Ar juos vuordim ir radeitys vairuokys dzīsmis, ari školys i dzymtys himna.
-
#puslopys IVARS MAGAZEINIS i juo latgalīšu postmodernismys
Ivars Magazeinis ir latgalīšu dzejnīks, publicists, tulkuotuojs i ari gids. Sovus literarūs dorbus publiciejs ar pseidonimu Juoņs Ryučāns. Kai autoru Juoni Ryučānu literaturys cīneituoji pazeist jau nu deveņdesmitūs godu, kod jis pīsavērse dzejai i atdzejuošonai latgalīšu volūdā. Ryučāns teik uzskateits par vīnu nu latgalīšu postmodernuos dzejis golvonūs autoru.
-
#puslopys RASMA SVIKLE – šaļteņu sagiušona, treisrindis i puortapšona
Rasmai Sviklei ir 28, un jau kādu laiku viņa ir karjeras konsultante vairākās Līvānu skolās. Pēc sarunām ar skolēniem, Rasma secinājusi, ka jaunieši mūsdienās dzejnieka darbu vairs neuztver kā profesiju, bet paralēli darbam skolā Rasma pati tomēr ir arī dzejnieks. Un 2020.gadā dienas gaismu ieraudzīja arī Rasmas pirmais dzejas krājums "Pārtapšana".
-
#puslopys AELITA ANDREJEVA - tys maņ ir nu īškys i es tū navaru apturēt sevī
Aelitā Andrejevā daudzi īspiejams atpazeist sovu pyrmū audzynuotuoju suokumškolā. Rēzeknis 5. vydsškolā Aelita nūstruoduojuse 26 godus. Aelita sajāmuse ari Nikodema Rancāna goda bolvu izcyluokajim Latgolys pedagogim, juos bolvu plauktā atrūnama ari Latgalīšu kulturys goda bolva “Boņuks”. Saleidzinūši naseņ, pādejuo goda laikā, sabīdreibā Aelita atsakluoja ari kai latgalīšu literate, sovūs stuostūs īlīkūt atminis nu bierneibys
-
#puslopys MYGLUOJS: jiutūs īvainojams, kod runoju par sovu dzeju
mygluojs ir vysai jauns latgalīšu autors, kurais roksta ar pseidonimu, eistyn naatkluojūt sovu identitati i cikom sovu dzeji publiciejs viņ socialajūs teiklūs i internetā. „mygluojs – tys, pyrmom kuortom, ir koncepts,” tai atbiļdūt iz vaicuojumu, kas tod eistyn ir mygluojs, kai pyrmū soka pats pseidonima turātuojs.