ကညီတဝၢတၢ်တိာ်ကျဲၤလၢသးစၢ်တၢ်ပူၤဖျဲးဒီးသဲစးတၢ်မၤစၢၤဆီၣ်ထွဲအဂီၢ်

ဒ်သိးဒီးကညီတဝၢလၢအအိၣ်ဆိးဖဲဝံးထိရံယါကီၢ်စဲၣ်အပူၤ, လီၤဆီဒၣ်တၢ်ဖဲမဲလ်ဘၢဟီၣ်ကဝီၤသ့ၣ်တဖၣ် ကအိၣ်ဒီး တၢ်ပူၤဖျဲးအါထီၣ်အဂီၢ်, ဒိးန့ၢ်ဘၣ်အါထီၣ် တၢ်ဆီၣ်ထွဲမၤစၢၤ, လီၤဆီဒၣ်တၢ်လၢသဲစးဂ့ၢ်ဝီတကပၤအဂီၢ်, ကညီပှၤတဝၢခိၣ်နၢ်သ့ၣ်တဖၣ်ဒီး ကညီပှၤတဝၢဖိ လၢအအိၣ်ဖဲဝံးထိရံယါကီၢ်စဲၣ်ပူၤသ့ၣ်တဖၣ် စးထီၣ်ဝဲ တၢ်တိာ်ကျဲၤတခါန့ၣ်လီၤ. ဖဲလါနိးဝ့ဘၢၣ် ၈သီ အနံၤ တၢ်အိးထီၣ် “ကညီတဝၢတၢ်တိာ်ကျဲၤ” အမူးအကတီၢ် လီၢ်ကဝီၤပဒိၣ်ပှၤဘၣ်မူဘၣ်ဒါ, ပၢၤကီၢ်ပှၤဘၣ်မူဘၣ်ဒါဒီး ဝံးထိရံယါကီၢ်စဲၣ် ကလုာ်ဒူၣ်ဆဲးလၤအါလုာ်ကရၢမိၢ်ပှၢ် ပှၤဘၣ်မူဘဒါသ့ၣ်တဖၣ် ဒီး လီၢ်ကဝီၤတမှံၤသ့ၣ်တဖၣ် ဟဲထီၣ်ပၣ်ဃုာ်ဝဲန့ၣ်လီၤ.