Fólkið í HR // 1. þáttur: Björn Þór Jónsson, doktor og dósent í tölvunarfræði HR Hlaðvarpið

Fólkið í HR er hlaðvarpssyrpa þar sem við spjöllum við starfsfólk Háskólans í Reykjavík, skyggnumst bak við tjöldin, kynnumst faginu þeirra, hinni hliðinni á viðkomandi og fáum að heyra skemmtilegar sögur tengdar lífi og starfi. Í þessum fyrsta þætti er talað við Björn Þór Jónsson, doktor og dósent í tölvunarfræði við HR. Það er María Ólafsdóttir, blaðakona hjá samskiptateymi HR, sem ræðir við Björn Þór og þar koma meðal annars við sögu gagnasafnsfræði og gervigreind, listin að vera í doktorsnámi og hvernig leið Björns Þórs lá í svissneskan skíðaskála með Ólympíugullverðlaunahafa í snjóbrettasvigi.

Akademískar deildir HR eru sjö og skiptast í iðn- og tæknifræði, íþróttafræði, lögfræði, sálfræði, verkfræði, viðskiptafræði og tölvunarfræði. Kennsla og rannsóknir við HR mótast af sterkum tengslum við atvinnulíf og samfélag.  Háskólinn er alþjóðlegur vinnustaður vísindafólks á heimsmælikvarða. Nemendur eru um 4.000 og fast starfsfólk HR er um 300 talsins. Að auki starfa um 300 stundakennarar við háskólann.
HR hlaðvarpið er aðgengilegt á helstu samfélagsmiðlum háskólans og streymisveitunum Spotify og Apple iTunes, ásamt hlaðvarpsveitum á borð við Simplecast, Pocket Casts og Podcast Addict. Það er samskiptateymi HR sem hefur umsjón með HR hlaðvarpinu (samskipti@ru.is). Framleiðendur hlaðvarpsins eru þeir Skúli Andrésson og Vilhjálmur Siggeirsson.