(General News) ထႆး ပၼ်ၶၢဝ်းယၢမ်းႁႅင်းၵၢၼ်ယူႇထႅင်ႈ 6 လိူၼ် တေတေႃႇပၼ်ပႃး ဝတ်းဝႂ်ႁႂ်ႈယဝ်ႉ

ထႆး ပၼ်ၶၢဝ်းယၢမ်းႁႅင်းၵၢၼ်ယူႇထႅင်ႈ 6 လိူၼ် တေတေႃႇပၼ်ပႃး ဝတ်းဝႂ်ႁႂ်ႈယဝ်ႉ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ၵူၼ်းမိူင်းတႆးၼႆႉ တင်ႈတႄႇမိူင်းမၢၼ်ႈလႆႈလွတ်ႈလႅၼ်းသဝ်းၶေႃ တီႈဢိင်းၵလဵတ်ႈမႃးတေႃႇထိုင်ယၢမ်းလဵဝ် ဢမ်ႇလႆႈယူႇၵတ်းယဵၼ်ထၢင်ႇႁၢင်ႈမႃးသေပွၵ်ႈ။ ထူပ်းၽေးသိုၵ်းသိူဝ် ထူပ်းၽေးသိုၵ်းမၢၼ်ႈမႃးၶီႇၼဵၵ်းတဵၵ်းတဵင် ဢမ်ႇၸၢင်ႈႁႃၵိၼ်လဵင်ႉတွင်ႉလီလီ ။

ယူႇတီလိၼ်ၵိူတ်ႇမိူင်းၼွၼ်းၸဝ်ႈၵဝ်ႇၵေႃႈ ဢမ်ႇထၢင်ႇႁၢင်ႈ၊ လႆႈပၢႆႈလႆႈၼီႈ လႆႈၵႂႃႇသွၼ်ႈယူႇၸွမ်းဝၢၼ်ႈပီႈမိူင်းၼွင်ႉ ၵႂႃႇႁႃၵိၼ်လဵင်ႉတွင်ႉ မိူင်းတႂ်ႈမိူင်းၼိူဝ်။

ၵူၺ်းၵႃႈ ၼင်ႇဝႃႈပဵၼ် ၵူၼ်းႁဵတ်း ၵၢၼ်ႁႃငိုၼ်းၵူၺ်း ဢမ်ႇၸႂ်ႈၵူၼ်းၵိုၵ်းမိူင်းလႄႈ လွင်ႈဝတ်းဝႂ်တႃႇယူႇသဝ်း ႁႃၵိၼ်လဵင်ႉတွင်ႉလႆႈ တီႈမိူင်းပိူၼ်ႈၵေႃႈ ဢမ်ႇငၢႆႈငၢႆႈ။

လႆႈမႆႈၸႂ်ယူႇတႃႇသေႇ။ မိူၼ်ၼင်ႇ တီႈမိူင်းထႆးၼႆၵေႃႈ ႁႅင်းၵၢၼ်ၸိူဝ်းဢၼ် ဝႂ်ၶႂၢင်ႉႁဵတ်းၵၢၼ် မူတ်းဢႃယုဝႆႉ မိူဝ်ႈပီ 2024 ၼႆႉၵေႃႈ ထိုင်မိူဝ်ႈလဵဝ်ပႆႇၸၢင်ႈလႆႈႁဵတ်းသင်ၶိုၼ်း ။

မိူဝ်ႈလဵဝ် တႃႇႁႂ်ႈႁႅင်းၵၢၼ်သိုပ်ႇယူႇၵႂႃႇလႆႈထႅင်ႈၼၼ်ႉ လူင်ပွင်ၸိုင်ႈထႆးပိုၼ်ၽၢဝ်ႇ ပၼ်ၶႂၢင်ႉယူႇၵႂႃႇလႆႈထႅင်ႈ 6 လိူၼ် ။ ၼႂ်းၵႄႈ 6 လိူၼ်ၼၼ်ႉ တေၶိုင်ပွင်ပၼ် တႃႇတေႃႇဝတ်းဝႂ်ႁႅင်းၵၢၼ်ႁႂ်ႈယဝ်ႉတူဝ်ႈဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း ႁၢႆးငၢၼ်းဝႆႉၼင်ႇၼႆၶႃႈဢေႃႈ။

#podcast #Shannews #ၽူႈတွႆႇႁွၵ်ႈ