(General News) လွင်ႈၸၢဝ်းထႆး ဢၼ်ယူႇၼႂ်းတိူင်းတၼၢဝ်းသီ မိူင်းမၢၼ်ႈပွတ်းတႂ်ႈ

လွင်ႈၸၢဝ်းထႆး ဢၼ်ယူႇၼႂ်းတိူင်းတၼၢဝ်းသီ မိူင်းမၢၼ်ႈပွတ်းတႂ်ႈ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ပေႃးလၢတ်ႈလွင်ႈ တႆး-ထႆး-လၢဝ်း ၸိူဝ်းၼႆႉၼႆ ၵမ်ႈၼမ်တေဝႃႈ ပဵၼ်သၢႆငိူၼ်ႈၶိူဝ်းလဵဝ်ၵၼ် ။ ၼႂ်းၵႄႈၼၼ်ႉ ၵူၼ်း ၸိူဝ်းဢၼ်ဝႃႈ တႆးလႄႈမၢၼ်ႈၵေႃႈ ပဵၼ်သၢႆၶိူဝ်းလဵဝ်ၵၼ်ၼႆၵေႃႈမီး ယွၼ်ႉဝႃႈႁဝ်းလႆႈယူႇၶူၼ်းၶဝ်းလေႃးၵၼ် ။ ၵူၺ်းၵႃႈ ပေႃးထတ်းတူၺ်း DNA တႄႉ ၽူႈၶူၼ်ႉၶႂႃႉၶဝ်လၢတ်ႈဝႃႈ မၢၼ်ႈၼႆႉ ဢမ်ႇပႃးၼႂ်းၸုမ်း တႆးၵတႆး။ ၵွပ်ႈၼႆလႄႈ ၸၢဝ်းတႆး/ထႆးၼႆႉ ဢမ်ႇၸႂ်ႈၶိူဝ်းလဵဝ်ၵၼ်တင်းမၢၼ်ႈၼႆ တိုၼ်းလၢတ်ႈလႆႈတႅၵ်ႇလႅင်း။

တၢင်းတိူင်းတၼၢဝ်းသီ ၸႄႈတွၼ်ႈပဵၵ်ႉ ဢၼ်တၢင်းမၢၼ်ႈတႅမ်ႈဝႃႈ မြိတ် (ထႆးႁွင်ႉ จังหวัดมะริด) ၼၼ်ႉၼႆ ၸၢဝ်းတႆး ႁိုဝ်ဢမ်ႇၼၼ် ၸၢဝ်း ထႆးႁဝ်း တိုၵ်ႉယူႇသဝ်းဝႆႉယူႇ။ တိုၵ်ႉလၢတ်ႈၵႂၢမ်းထႆး ယူႇၵိၼ်မိူၼ်ၵူၼ်းထႆး ၼပ်ႉယမ်ၶုၼ်ႁေႃၶမ်းထႆး ယူႇတေႃႇထိုင်ဝၼ်းမိူဝ်ႈၼႆႉ။ ယွၼ်ႉပဵၼ်ၸၢဝ်းလိူတ်ႈတႆး(ထႆး)လႄႈ ပိူင်ၾၢင်တေပႅၵ်ႇပိူင်ႈဝႆႉတင်းတၢင်ႇၸၢဝ်းၶိူဝ်း ။

ပွတ်းတၢင်းတၼၢဝ်းသီၼႆႉ ပႆႇၸႂ်ႈတီႈၵတ်းယဵၼ်လႄႈ ထိုင်မိူဝ်ႈလဵဝ် ၵူၼ်းပိုၼ်ႉတီႈၼၼ်ႈ တိုၵ်ႉလႆႈယူႇၼႂ်းၵႄႈ ၽေးသိုၵ်းသိူဝ် ဢမ်ႇပေႃးပိူင်ႈၵၼ်တင်းၵူၼ်းတႆးၼႂ်းမိူင်းတႆး ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews