Goizeko Izarretan

Bizkaia Irratia
  • 0.0 (0)
  • NEWS
  • COMPLETE

Irratsaio goiztarra, eguna hasteko behar dozun informazino guztiagaz eta ondo pasetako tarteekin. Albiste nagusiak, Bizkaiko albisteak, eguraldia, trafikoa, kulturea musikea, alkarrizketak… unean unekoa. Entzuleok parte hartzeko aukerea 665 700 700 whatsapp zenbakira informazinoa bialduta eta lehiaketetan parte hartuta. Hamabi urtera arteko ume eta gazteok Dona Dona daukazue 08:10ean. Ume, gazte zein helduok “Izarren lagunak” lehiaketea. Barikuetan goizeko 08:30ean gizarte gaien tertulia izaten dogu. Tertulia kideak, honeexek: Ainhoa Etxaide, Miren Josune Ariztondo, Onintza Enbeita, Begoña Errazti, Angel Toña, Andeka Larrea, Urko Garamendi, Iñigo Santxo, Eneko Calle, Rosa Miren Pagola, Gotzone Olarra, Imanol Alvarez, Lander Intxausti, Beñat Zarrabeitia, Jose Ramon Becerra, Itziar Irazabal, Javier Arrieta, Kepa Apellaniz, Roberto Mielgo eta Ana Perez. Hileko azken barikuetan Bizkaiko Batzar Nagusietako tertulian EAJko Jesus Lekerikabeaskoa, EH Bilduko Bea Ilardia eta Elkarrekin Bizkaia taldeko Hector Fernandez batzar kideak izaten doguz.

  1. 20H AGO

    Neurriak 240.000 euskal beharginengan izango leuke eragina

    Huelga eguna izango da bihar Hego Euskal Herrian, 1.500 euroko gitxieneko soldata propioa eskatzeko. LAB sindikatua d**o antolatzaileen artean eta beste sindikatu batzuez gain, hainbat gizarte eragilek egin dabe bat. Horren harira, Endika Perez LABeko ekintza sindikaleko arduradunagaz egin dogu berba. Sentsazino positiboa dabe biharko egunari begira: "1.700 langile-batzordek, 120 bat gizarte-eragilek eta 140 greba-batzordek egin dabe bat deialdiagaz. Biharko eguna indartsu dator". Sindikatuek sektore guztiak mobilizau gura dabez: "Lekuaren arabera, egoerea alda daiteke, baina grebak sektore ezbardinetan eukiko dau eragina". Ganera, 1.500 euroko gitxieneko soldata propioaren beharra ikusten dabe: "Hego Euskal Herrian gitxieneko soldata propioa behar dogu. Madriletik ezarten dan gitxieneko soldatak ez dau bizitza duina aurrera eroateko aukerarik emoten geure errealidadean". Neurriak 240.000 euskal beharginengan izango leuke eragina. Emondako urratsak Eskaria aurrera atarateko pausuak emon dira, baina ez da lortu. Eusko Legebiltzarrean eta Nafarroakoan ez dira herri ekimen legegileak onartu. Eusko Legebiltzarretik sindikatuen eta patronalaren arteko negoziazinoan ikusten dabe bidea, baina Confesbask ez d**o negoziaketaren alde. Besteak beste, eskuduntza hori estaduari jagokola dinoe. Perezek Confesbasken jarrerea salatu dau: "Ez dakigu noren ordezkari dan Confebask, negoziazinori uko egin deutso". Dana dala, martiaren 24rako patronala deitu dabe negozietako. Biharko grebara itzulita, 12:30ean hasiko da manifestazino nagusia Bilbon.

  2. 3D AGO

    Hezkuntza sailburuak argibideak ahalik eta ariñen emoteko esktu deutso alkateari

    Begoña Pedrosa Hezkuntza sailburuak azaldu deuskunez, Hezkuntza sailak aspalditik daukaz eginda etxeko lanak Eibarko haurreskolen kontuan, baina udalak ez ditu egin berarenak. Beraz, gai horretaz udalari galdetu behar jakola esan deusku. Pedrosaren esanetan, haurreskoletan Jaurlaritzak ardura batzuk eukiten ditu eta udalak beste batzuk. Hezkuntza sailak bere gain hartzen dituanak langileria, estrategia, kalidadeko zerbitzua eskaintzea, langileen formzinoa eta abar ei dira. Bestalde, inbertsinoa egitea udalen esku geratzen. Eibarko kasuan Jaurlaritzak aspalditik ei daukaz eginda etxeko lanak, baina udalak ez ditu amaitu inbertsinoak. Beraz, haurreskolek itxita jarraitzearen ardurea udalarena ei da eta azalpenak eurei eskatu behar ei jakez.  Hezkuntza sailburuak esan deuskunez, ulertzen dabe familien ezinegona eta euren ondoan dagoz, eegoerea bideratzeko ahaleginetan. Atzo arratsaldean bertan egin ei eban berba Eibarko alkateagaz, eta ahalik berak azalpenak ahalik eta ariñen emotea itxaroten dau. Txurdinaga Behekoa zabalik Txurdinaga Behekoa institutuak zabalik jarraituko dauela azaldu deusku sailburuak, DBHo ikasleak bertan geratuko dirala, baina matrikulazinoa oso bajua dala. Batxillerreko ikasleei dagokienez, Bertendonara eta Ibarrekolandara joango dira, eta gaur egungo ereduak bermtuko dira. A ereduan ikasi gura dabenak Bertendonan egongo dira eta D-koak Ibarrekolandan.  Larrañazubiri dagokionez, asteon egon ei dira gurasoen ordezkariekin batzartuta azalpeoak emoteko. Bileran egoerea ulertu ebela esan deusku sailburuak, nazhi eta orain Arertekoarengana joteko asmoa agertu daben. Gobernuari gauzak ondo egitea dagokiola gaineratu dau, eta gelatan hain ume gitxi egonda ez dala kalidadeko heziketarik eskaintzen. Matrikulazinoaren beherakadea Derrigorreko hezkuntzan %6 inguruko beherakadea egongo ei da, behin-betiko datuen faltan. Aurrikuspena %5ekoa bazan be, matrikulazino aldiko datuak aztertu ondoren apurren bat handiagoa izango ei da epaltze hori, puntu bat handiagoa. Dana dala, ondino datuak aztertzen ei dabilz eta garrantzitsuak izango ei dira erabagi egokiak harTzeko.  Eskola Bikaina Denontzat forotik eragile ezbardinek alde izanaren gainean, arazorik ez dagoala eta azalpenak alde dabenek emon beharko dituela azaldu dau Pedrosak Mahaia bere lana egiten dabilela, eragile ugarik osoatzen dabela eta eskertu egin deutse egiten dabilzan beharra. Laster proiektu zehatzak aztertzen hasiko dira. Adimen digitala hezkuntzan Astelehenean aurkeztuko dabe BECen "Adimen digitala hezkuntzan", euskal hezkuntza sistemarako begirada barria digitalizazino gaietarako. Ikastetxeetako arduradunekin batera egindako estrategia hau zentro guzti-guztietako etapetako zuzendariei aurkeztuko deutse. Irakasleei formazinoa eskaintzen jarraitzeaz gain, gai ugari landuko dabe: ikasleei egiaren eta guzurraren artean bereizten irakastea, gizarte sareen erabilera egokia, Adimen Artifizialaren aldaketak...

  3. 4D AGO

    Proiektu batzuk martxan dabez dagoeneko: Berbalaguna, Urdulizko irakurle taldea, Berbatxangoa eta Topakanta

    Uribe Kostara hurreratu gara gaurko Goizeko Izarretan irratsaioan Orbizta Urdulizko Euskera Elkartea ezagutzera. 1991. urtean, Urdulizko Euskera Taldea sortu zan, eta hainbat urteren ondoren, urduliztar batzuk, haren lekukoa jaso, eta danon artean, Orbizta Euskera Elkartea sortu dabe. Aintzane Barbarias eta Josu Iratzagorria Orbiztako kideak dira eta eurekaz egin dogu berba. Esan deuskuenez, Orbiztak bere burua ezagutzera emongo dau barikuan Urdulizko kultur etxean arratsaldeko 19:00etan egingo daben ekitaldian. Orbiztan helburu desbardinak dabez: euskeraren erabilerea sustatzea, euskeraren aldeko motibazinoa bultzatzea, euskaldunen arteko harremanak sendotzea, ekintza kulturalak eta aisialdi jarduerak antolatzea, etab. Horren harira, alkarteak proiektu batzuk ditu martxan dagoeneko: Berbalaguna, Urdulizko irakurle taldea, Berbatxangoa eta Topakanta.

  4. 4D AGO

    Antxustegik ez daki zergaitik ez diran probak egiten Bizkaian, beste toki batzuetan egiten diran moduan

    Amaia Antxustegi Gizarte Ekintzako Foru Diputaduak azaldu deuskunez, 2024an salatu eben susmoa ebela adinez txikiko migratzaileen zentroetan adinez nagusikoak egozala. Bere esanetan, momentuz ez dabe erantzunik jaso eta ez da ezer egin. Aldundiak probak egiteko eskatzen dau, momentuz ezelango erantzunik barik. Antxustegik nabarmendu deusku beste leku batzuetan be egin dirala holako salaketak eta ikertu be egin dala: "Beste probintzietan kasuak agertu eta probak egin dira". Horren arrazoia zein dan ez dakiala gaineratu deusku, baina gauzak argitzeko hileon bilerea egitekoak dirala Fiskaltzako ordezkariekin: "Zergaitik? Nik be jakin nahiko neuke". Ganera, gogoratuko dogu banaketa justuago bat eskatu izan dala azken boladan, Bizkaiak dituan baliabideak beteta dagozalako. Antxustegik esan deusku, araudiaren arabera, Bizkaiak 370 plaza eukiko beharko leukezala, baina gehiago eskaintzen dituala eta momentu honetan 500 bat pertsona dagozala. Esan bezala, aktualidadeko beste gai batzuk be jorratu doguz diputaduagaz, nagusien zaintzarena tartean. Esaterako, Durangoko Tabira Berri erresidentziako egoerea salatu dau LABek, eta erabiltzaile batzuk be bai, esanez, arretea ez dala egokia. Aldundian be kexaren bat aurkeztu dabela dinoe. Antxustegik emongo dituan urratsak zeintzuk izango diran aurreratu deusku: "Bizkaiko Batzar Nagusietan egingo dot berba laster aurkezpenak emoteko. Ikuskapenak egiten dira urtean behin gitxienez. Urraketak dagozanean, isunak jasoten dabez". Ganera, Erresidentzietako eta Etxebitza komunitarioetako hitzarmenen negoziazinoa hasi dau ELA sindikatuak. Aldundiari be bilerea eskatzekoak ziran. Dinoe arlo honetan ardurea ez dala bakarrik enpresena. Halanda be, Antxustegik dino Aldundiak ez dauala eskumenik kasu honetan: "Bizkaiko Foru Aldundia ez da egoitzen hitzarmenaren parte. 2023an sinatu zan azken akordioa eta baldintzak estaduko onenak dira. Akordiorik onena lortzea gura dogu, noski". Erresidentziak aitatzen gabilz, nagusien eta mendekotasuna dabenen zaintzea. Eredu aldaketan murgilduta dagoz eta horren adibidea Abadiñon eregiten dabilzan egoitzea da. Obrak ondo doazela esan deusku Antxustegik eta 2028. urte amaierarako amaituta egotea espero dabe, 2029aren hasieran ateak irekitzeko.

  5. 5D AGO

    Dokumental baterako grabazinoak be egin dabez

    Bueltan etorri dira Euskal Herrira Zeelanda Barrian egindako Ardi-ule Moztaileen Munduko Txapelketan parte hartu daben Euskal Herriko selekzinoko ardi moztaileak. Munduko moztailerik eta artilaririk onenekin egon dira bertan, eta irakaspen eta esperientzia ugari ekarri dabez bertatik. Ganera, dokumental baterako grabazinoak be egin dabezala esan deusku Joseba Attardek. Attardek dino "esperientzia oso ona" izan dala Zeelanda Barrikoa. Bertan egon izana aurrerapausu handia da. Ganera, Munduko Kontseiluko kide be izango da Euskal Herria aurrerantzean, modu ofizialean. Munduko Kontseiluko kide izatea garrantzitsua dala esan deusku Attardek: "Kontseiluak arauak, txapelketak, epaileak... kudeatzen ditu. Kontseiluaren kide izateko eskaerea egin genduan eta onartuak izan gara. Hemendik aurrera, bozketetan parte ahalko dogu".

  6. 5D AGO

    Korrikak Errigora omenduko dau aurtengo edizinoan

    Errigorak udabarriko kanpainaren edizino barria hasi dau, martiaren 18ra arte iraungo dauana. Aurtengoan 'Eskutik Eskura egiten dugun herria' lelopean, Nafarroa erdi eta hegoaldeko oliba-olio, kontserba, arroza, lekale eta ardoak eskainiko ditu, eta bide batez, kontsumitzaileei euren eguneroko hautuen bidez, herria egiteko aukera bat eskaini nahi izan deutse. Azken erronka horri tiraka, aurtengo edizinoa are bereziagoa egingo dauan dinamika bat aurketztu dau Errigorak. Izan be, kontsumitzaileongan hausnarketa eragiteko asmoz diseinatu dabe aurtengo kanpaina. Horretarako, helburu horri erantzungo deutson formatu berezi bategaz kontauko dabe aurtengo Eskutik Eskuran. Errigorak 'Eragin Saskiari!' ekimena eskainiko dau Euskal Herri osoko sei herritan. Bestalde, gogoratu behar dogu Korrika hasiko dala martiaren 19an Atharratzen, Errigoraren kanpainea amaitu eta hurrengo egunean. Horren harira, Korrikaren aurtengo edizinoak Errigorak urte guzti honeetan egindako lana autortu eta omenduko dau. Lasterketa martiaren 29an amaituko da Bilbon, baina 25ean sartuko da Bizkaian, Ondarroatik.

  7. 6D AGO

    Egoera luzatzeak hondamendia eragin leike bertan eta munduko ekonomian

    Nazinoartean, Iranen daukagu begiradea egunotan. Orain dala aste pare bat Txente Rekondo nazinoarteko adituagaz berbetan egon ginanean, Goizeko Izarretan irratsaioan, esan euskun adi egoteko Irango egoereagaz eta handik gitxira hasi eben erasoaldia Ameriketako Estatu Batuek eta Israelek. Orain, nazinoarteko adituak gerraren atzean dagozan arrazoiak plazaratu deuskuz: "Arrazoi ofizialak beste batzuk izan arren, zonaldearen ganeko hegemonia d**o jokoan lehia honetan". Izan be, Ameriketako Estatu Batuak eta Israel alkarregaz dabilz Iranen aurka, baina Israel bera badabil Libanoren kontra erasoak egiten be. Bien bitartean, Iran inguru guztira erasoak egiten dabilela emoten dau. Rekondok esan deuskunez, gatxa da Ekialde Hurbilean dagozan aliantzen eta arerioen korapiloa guztiz askatzea. Bitartean, gerra laster amaituko dala esan dau Donald Trump Ameriketako Estatu Batuetako presidenteak. Dana dala, Rekondok ez dau uste holan izango danik: "Ez dot uste gatazka amaituko danik, erasoa oso bortitza izan dalako. 200 bat ume hil dira eta Ali Jameneiren irudia garrantzitsua zan erlijinoan". Kontua da egoera hau luzatzeak hondamendia eragin leikela bertan eta munduko ekonomian be. Hori dala eta, Rekondok dino Ameriketako Estatu Batuei gerra laster amaitzea komeni jakela. Bitartean, Iranek Mojtaba Jamenei aukeratu dau agintari barri lez. Mojtaba Jameneik 56 urte ditu eta Ali Jameneiren semea da. Ondorioz, Ameriketako Estatu Batuen eta Israelen dianan d**o eta bizirik irautea kostauko jako: "Ameriketako Estatu Batuen kanpo politika ikusita, batek daki zer gertauko dan. Dana dala, Iranen argi dabe sistema pertsonen gainetik dagoala". Europaren jarrerea Europari jagokonez, Ursula Von der Leyen Europako Batzordeko presidentearen azken adierazpenek nahiko arriskutsuak emoten dabe: "Europak ezin dau munduko orden zaharraren zaindaria izan, desagertutako mundu baten". Horren harira, Rekondok uste dau Von der Leyenek bere etxea zaindu behar dauala lehenik eta behin, bere jarrerea ulertu arren: "Baten batek esango dau gauza bera gertatzen dala Europar Batasunaren funtzionamenduan. Jarrera hori ez d**o Hungaria lako herrialdeetan esaten diran gauzetatik urrun".

  8. 6D AGO

    Abiapuntua Mikel Laboak eta Artze anaiek sortu eben sentikaria da

    Hasi da Loraldia festibala Bilbon. Guztira, 25 jarduera eta diziplina anitz eskainiko dira aurtengo edizinoan, tartean Ikimilikiliklik Vol. 2. Abiapuntua Mikel Laboak eta Artze anaiek, orain dala 50 urte, sortu eben sentikaria da. 1975ean guztiz abangoardista izan zan ikuskari hura. Orain, XXI. mendeko Ikimilikiliklik aurkeztuko dabe. Imanol Agirrek, gazte zalarik, originala ikusi eban Ondarroan eta barriaren sustatzaileetako bat da. Hori dala eta, Agirregaz egin dogu berba gaurko Goizeko Izarretan irratsaioan. Esan deuskunez, ikuskizuna arratsaldeko 19:30ean hasiko da martiaren 12an, baina aurretik berbaldia eskainiko dau berak 18:15ean. Sarreren salmenta ondo doa, baina oindino salgai dagoz Loraldiaren eta Arriaga Antzokiaren webguneetan.

See All (50)

About

Irratsaio goiztarra, eguna hasteko behar dozun informazino guztiagaz eta ondo pasetako tarteekin. Albiste nagusiak, Bizkaiko albisteak, eguraldia, trafikoa, kulturea musikea, alkarrizketak… unean unekoa. Entzuleok parte hartzeko aukerea 665 700 700 whatsapp zenbakira informazinoa bialduta eta lehiaketetan parte hartuta. Hamabi urtera arteko ume eta gazteok Dona Dona daukazue 08:10ean. Ume, gazte zein helduok “Izarren lagunak” lehiaketea. Barikuetan goizeko 08:30ean gizarte gaien tertulia izaten dogu. Tertulia kideak, honeexek: Ainhoa Etxaide, Miren Josune Ariztondo, Onintza Enbeita, Begoña Errazti, Angel Toña, Andeka Larrea, Urko Garamendi, Iñigo Santxo, Eneko Calle, Rosa Miren Pagola, Gotzone Olarra, Imanol Alvarez, Lander Intxausti, Beñat Zarrabeitia, Jose Ramon Becerra, Itziar Irazabal, Javier Arrieta, Kepa Apellaniz, Roberto Mielgo eta Ana Perez. Hileko azken barikuetan Bizkaiko Batzar Nagusietako tertulian EAJko Jesus Lekerikabeaskoa, EH Bilduko Bea Ilardia eta Elkarrekin Bizkaia taldeko Hector Fernandez batzar kideak izaten doguz.

Information

  • Channel
    Bizkaia Irratia
  • Creator
    Javi Onaindia eta Gontzal Galán
  • Years Active
    2022 - 2026
  • Episodes
    50
  • Rating
    Clean
  • Copyright
    © 2026 Bizkaia Irratia
  • Show Website
    Goizeko Izarretan

More From Bizkaia Irratia