Sjáandinn á Vesturbr‪ú‬ RÚV

Í lokaþættinum um Guðnýju Eyjólfsdóttur frá Nauthól er fjallað um síðustu áratugina í ævi sjáandans á Vesturbrú. Sagt er frá daglegu lífi og gestagangi í Viktoriagade 3 og störfum Guðnýjar sem hjálparhella og ferðafélagi danskra skemmtikrafta og aðalsmanna. Að lokum kemur við sögu dularfullur bankareikningur sem fannst tæpum þrjátíu árum eftir andlát hennar. Í þættinum er rætt við Rut Rebekku Sigurjónsdóttur listmálar, Þórarin Óskar Þórarinsson og Guðnýju Emmu Nielsen. Rikke Houd tók viðtalið við Guðnýju á heimili hennar í Borgundarhólmi. Einnig heyrist tónlist úr smiðju Kai Normann Andersen, Bent Fabricius-Bjerre, Otto Francker, Gert Wilder, Magnús Pétursson, Mary Lattimore og Elton John,

Í fjórða þætti af fimm segir frá skelfilegum örlögum hjóna á Friðriksbergi árið 1948 og hvernig Guðný Eyjólfsdóttir Vestfjörð tengist mest umræddu morðum í sögu Danmerkur. Sagt er frá miðilsfundi á vettvangi glæpanna og ferð sjáandans á Vesturbrú til Íslands með heimildarkvikmynd í farteskinu. Í þættinum heyrast brot úr tveimur dönskum hlaðvarpsþáttaröðum, annars vegar þáttaröðinni Edderkoppen og min morfar eftir Julie Bundgaard sem er hluti af hlaðvarpinu Krimiland, hins vegar Dobbeltmordet eftir Thomas Bjerregaard Nielsen sem Danmarks Radio framleiðir. Tónlistin í þættinum er úr smiðju Patriciu Brennan, The Caretaker, Kai Normann Andersen, Börge Roger Henrichsen Kvintet, , The Swe-Danes, Halfdan A og Jeppe Kaas. Einnig heyrist í söngkonunni Karen Jönsson og hljómsveit Les Brown.

Í þessum þætti má heyra af miðilsstörfum Guðnýjar Vestfjörð og afhjúpun falsmiðilsins Önnu Melloni Rasmussen. Falsaðir peningaseðlar frá Þýskalandi nasismans koma við sögu og sagt er frá fyrstu búningum íþróttafélagsins Þróttar. Í þættinum er rætt við Dalrúnu Kaldakvísl sagnfræðing, Þórarin Óskar Þórarinsson og Guðnýju Emmu Nielsen. Rikke Houd tók viðtalið við Guðnýju á heimili hennar í Borgundarhólmi. Í þættinum heyrist tónlist úr smiðju Kai Normann Andersen, Scott Hamilton, Patriciu Brennan og Mary Lattimore. Einnig heyrist í söngkonunum Elsu Sigfúss og Livu Weel.

Í öðrum þætti af fimm um Guðnýju Eyjólfsdóttur Vestfjörð segir frá fyrstu för systranna Guðnýjar og Jósefínu til Kaupmannahafnar og heimför þeirra með ungbarn sem deyr í hafi. Einnig er rætt um íslenskar konur í Kaupmannahöfn á fyrstu áratugum 20. aldar. Þá er fjallað líf Guðnýjar sem var þyrnum stráð framan af, hún fæddi þriðja óskilgetna barnið, lenti í fangelsi og var heimilislaus. Á 4. áratugnum fer hagur hennar að vænkast og hún byrjar að nota dulræna hæfileika sína fyrir alvöru. Í þættinum er rætt við Ragnhildi Vigfúsdóttur MA í sagnfræði, Þórarin Óskar Þórarinsson og Guðnýju Emmu Nielsen. Rikke Houd tók viðtalið við Guðnýju á heimili hennar í Borgundarhólmi. Einnig heyrast upptökur sem varðveittar eru á gagnagrunninum Ísmús þar sem Hallfreður Örn Eiríksson þjóðfræðingur ræðir við Jósefínu Eyjólfsdóttur spákonu. Ísmús er í umsjá Tónlistarsafns Íslands, Stofnunar Árna Magnússonar í íslenskum fræðum og Landsbókasafns Íslands Háskólabókasafns. Í þættinum heyrist tónlist úr smiðju The Caretaker, Kai Normann Andersen, o.fl.

Í þessum fyrsta þætti af fimm er sagt frá uppvaxtarárum Guðnýjar Eyjólfsdóttur og systur hennar Jósefínu. Álfatrú kemur við sögu og fjallað er um endalok torfbæjarins Nauthóls. Í þættinum er rætt við Kristínu Svövu Tómasdóttur sagnfræðing, Dalrúnu Kaldakvísl sagnfræðing og Þórarin Óskar Þórarinsson. Einnig heyrast upptökur sem varðveittar eru á gagnagrunninum Ísmús þar sem Hallfreður Örn Eiríksson þjóðfræðingur ræðir við Jósefínu Eyjólfsdóttur spákonu. Ísmús er í umsjá Tónlistarsafns Íslands, Stofnunar Árna Magnússonar í íslenskum fræðum og Landsbókasafns Íslands Háskólabókasafns. Í þættinum heyrist tónlist eftir Ingibjörgu Ýri Skarphéðinsdóttur sem listhópurinn Hlökk flytur, einnig tónlist úr smiðju The Caretaker, Önnu Þórhallsdótturog Kai Normann Andersen.