24 episodes
Laawol ganndal e needi RFI Fulfulde
-
- Education
Laawol Ganndal e Needi ko njuɓɓudi yewtan(y)ndi fii alhaaliiji taweteeɗi ka lekkolji. Ko taskaram haalan(y)ɗo fii needi fayɗe, ɓannginan(y)ɗo no jannginooɓe e toppitiiɓe needi wuuriri e meccal maɓɓe. E nder makko en tottan konngol mawɓe almuuɓe e terɗe laamu halfinaaɗe needi fayɓe, kala holla darnde mum e geɓɓal ngal woni addude ngam laawol needi fayɓe moƴƴa. Nde tawnoo ko kamɓe woni lomto janngo.
-
Bone walla battane yeeyugol njaram siwrinoojam sera jannginirɗe ɗee
En yewtay hannde fii haɓugol yeeyugol konjam (njaram siwrinoojam) sera duɗe jannginirɗe. Ka fuɗɗagol ndee yewtere, en heɗoto janntoore yowitiinde fii ndee toɓɓere men. Ko Mammadu Jongaasi BAH gooto e nulltondiraaɓe men gila Konaakiri laamorde Gine waɗani en nde. Fahin en yewtiday e Maamuudu Haamidu DIKKO hooreejo duɗal laamuyannkowal noddirteengal Sakabi wonungal ka diiwal Boobo Julaso, Burkina Faso. En tottay konngol yoga e heɗiyannkooɓe men. Ka joofinngol ndee yewtere men ka rogere koɗɗo men jannginoowo hiɗen werni Siley Gorbal SIH ardiiɗo fedde nŋenndiyannkoore toppitiinde jannde , needi e nder Kuuɓal Senegaal. En yewtiday e makko fii ndee eɓɓoore nde oo jaagorɗo halfinaaɗo jannde sukaaɓe ƴetti. Ɗum ko fii winndutugol kala jannginoowo. Ummu BAH
-
Alhaali huutorgol karalle kese e nder duɗe jannginirɗe e battane majje e ganndal sukaaɓe ɓen
Heɗiyannkooɓe Rfi Fulfulde on salminaama. En yewtay hannde fii battane digital ko ɗum woni huutoragol karalle kese e nder duɗe jannginirɗe. Fii ndee toɓɓere en yewtiday e Samba Gise goloowo ka jaagoral halfinaagal jannde fayɓe toppiiɓe fii karale kese Senegaal naɓaaɗo fowtere. En jonnay konngol woɓɓe e heɗiyannkooɓe men. Ka timminngol ndee yewtere hannde ka koɗɗo men jannginoowo hiɗen werni Mammadu Sellu JALLO, Ginenaajo ardiiɗo duɗal eltoowal jannginooɓe ka duɗe togoose, hakkundeeji e fii no boobooɓe dannkortee. Ummu BAH
-
Saha "internet" : ko holno karalle kese ɗee waawi nawtoreede (huutoreede) e nder duɗe?
Heɗiyannkooɓe Rfi Fulfulde on salminaama. En yewtay hannde fii naadugol diijital wonihuutoragol karalle kese ka nder duɗe. Fii yewtugol e dow ndee toɓɓere hiɗen jaɓɓii Malik BAHhooreejo suudu toppitiindu kala e ko jannetee e nder Gine. Fahin en yewtiday e AbdulayJAMAKAN jannginoowo ka uniwersite Sheek Hamidu KANE Senegaal jannginirooɓeinternet. En jonnay konngol woɓɓe e heɗiyannkooɓe men. Ka timminngol ndee yewterehannde ka koɗɗo men jannginoowo hiɗen jaɓɓii gooto mo yiɗaa yo innde mun feññinehooreejo duɗal wonungal Mali. En yewtiday e makko batte udugol lekol mo o ardii e duytugolsaa’iiji jannetee ɗi ɗin sabu ɗuuɗugol nguleendi ndin Bamako. Ummu BAH
-
Ko holno ɓee janngooɓe e lekkolji haanaa toppitoreede nde ɓe ƴetti guurte?
Hannde toɓɓere men faati ko e alhaali guurte (poofte) ɗe sukaaɓe janngooɓe keɓata e nduu lewru 4ɓuru. Ko foti balɗe 15, sukaaɓe janngaani e tee no e maɓɓe waɗooɓe BFEM e Bakaloreya e ko nanndi ɗum. Ko holno ɓee sukaaɓe kaanaa joggoreede e ɗee guurte ngam ɓe mbawa heddaade e njuɓɓudi jannde maɓɓe. Ko Burama Maane woni koɗo men, ko o senegalnaajo jannginoowo, Mumaar Kah jeyaaɗo Gammbiya e Maymuuna sow mo Barkatu e nder diiwal Matam, Senegaal.
-
Jannde:alhaali ɗii polikopiiji (analji) ɗi janngonooɓe yeeyata janngooɓe ka duɗe
Toɓɓere men hannde, no yewta e dow alhaali yeeyugol defte (polikopiji) ɗe jannginooɓe ɓe mbaɗanta sukaaɓe janngooɓe ɓee gila e duuɗe tokoose ɗee haa e nder duɗe mawɗe ɗee. Teskaama wonnde yoga e janngooɓe no joggii caɗeele so tawii ɓe mbaawaani coodugol defte ɗe jannginooɓe ɓen njeeyata. Ko Ayssata Ñang jannginoowo, e nder yewtere en keɗoto jantoore nde Mammadu Jonngasi Ba waɗani en Gine e dow alhaali.
-
Needi: yalli kaa haala muumɗuɓe no haanaa janngineede e janngirɗe ɗen fow?
Tedduuɓe heɗiiɓe RFI Fulfulde on calminama. Bisimilla mon e ka taskaram Laawol Ganndal e Needi. Hannde hiɗen e nder duuɗal janngirgal ngonungal Sikap Mbawo. Toɓɓere men e ndee yewtere no yowitii e alhaali haala muumɗuɓe ( haala juuɗe/ muggoore). Yalli kaa haala no haanaa janngineede sukaaɓe ɓee ngam ɓe ɓurta paamondirde e e ɓee muumɗuɓe? So tawii ɗum gasan ko holno ndii njuɓɓudi haanaa tawnireede e jannde lekkolɓe ɓen? Koɗoɗen Jeynaba JAH jannginoowo muumɗuuɓe motawɗen e nokku ɗo o jannginnta.