I Lamenti del Venerdì Santo di Mirabella Imbaccari Elaborazione a cura di Riccardo D'Angelo
-
- Religion & Spirituality
I Lamenti del Venerdì Santo di Mirabella Imbaccari rappresentano, in forma di litanie corali ricorrenti, recitate in antico dialetto, alcuni episodi tratti dalla passione di Cristo.
-
A PASSIONE E MORTI 4° strofa
"Veni, veni Giuvanni o miu fidatu!
Portami nova di lu duci figghiu".
"Mamma lu vistu allu munti Carvaru,
stisu supra lu lignu di la Cruci".
O Santa Cruci ti vegnu a vidiri,
tutta di sangu ti vegnu a truvari.
Cu fú ddu omu ca vinni a muriri?
Fu Gesú Cristu ch'eppi 'na lanciata.
Figghiu nascisti sanu comu un gigghiu,
ora ti viru tuttu spraggilatu.
L'angiulu Gabrielu fu conformu:
lu calici alla cruci ci purtai. -
A PASSIONE E MORTI 3° strofa
Va iti ni lu mastru firrareddu
a fari fari un paruzzu di chiova,
nun tantu rossi e nun tantu pungenti,
ch'ana pirciari carnuzzi divini".
Poi lu senti lu chiu tradituri:
"Quantu chiú rossi li putiti fari,
quantu chiú rossi li putiti fari,
ch'ana pirciari carnazzi di cani".
La Bedda Matri senti su parrari;
ieta lu mantu e la terra tremau.
Chiamamulu stu beddu Sacramentu!
Viva lu Beddu nomu di Maria! -
A PASSIONE E MORTI 2° strofa
Lu iovi santu e lu iovi mattinu,
la Bedda Matri si misi 'incamminu.
ppi strata scuntrau a San Giuvanni
ci dissi: "Mamma una stati iennu?"
"Vaiu circannu allu me Santu figghiu,
lu cercu e nu lu sacciu nova"
Va iti ni li casi di Pilatu;
dda lu truvati strittu 'incatinatu.
Tupp tupp! "Cu è d'arrè sa porta?
Forsi è me Mamuzza dulurata.
Mamma, mamuzza na vi possu apriri;
sugnu 'ncatinatu di mani e di peri". -
A PASSIONE E MORTI 1° strofa
Cristu trentatri anni iu ppi spersu;
na neppi quantu unuri di cunostu
e di muriri lu sappia di certu
quannu faciva orazione al'ortu.
Cu ci chiantau li chiova fu gran tortu
nessun che na neppi pietà
Maria va circannu a lu Signuri
e ppi li strati non lu pò truvari
sempri dicennu: fighiu o Salvaturi,
sula senza di tia non pozzu stari. -
A SITTIMANA SANTA
Di luni si cumencianu li chianti e va finiri tutta la simana.
Di marte costa lu passiu Santu.
Di mercuri è la santa Quarantana.
Di iovi fu traditu Cristu Santu.
Di veneri è di lignu la campana.
Di sabatu Maria sparma lu mante
Duminica Gesuzzu 'ncielu torna.