150 episodes

Die omvang van die nood laat mens soms oorweldig, verlam en selfs effens lomp voel. Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie.

GROOTfm 90.5 en SPAR sê “Jou mense is my mense”!

Kuier elke Dinsdagoggend om 10:10 saam en hoor of Lindie Strydom ‘n ouma met ‘n cupcake verras, ‘n dogtertjie in die hospitaal besoek of vir die karwagte ‘n sakkie kruideniersware neem.

GROOTfm 90.5 se #JouMenseMyMense en sáám is ons beter, word met trots geborg deur SPAR.

#JouMenseMyMense GROOTfm 90.5

    • Technology

Die omvang van die nood laat mens soms oorweldig, verlam en selfs effens lomp voel. Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie.

GROOTfm 90.5 en SPAR sê “Jou mense is my mense”!

Kuier elke Dinsdagoggend om 10:10 saam en hoor of Lindie Strydom ‘n ouma met ‘n cupcake verras, ‘n dogtertjie in die hospitaal besoek of vir die karwagte ‘n sakkie kruideniersware neem.

GROOTfm 90.5 se #JouMenseMyMense en sáám is ons beter, word met trots geborg deur SPAR.

    #JouMenseMyMense saam met SPAR – Pieter Basson van Uitskoms se oogoperasie – 21 Oktober 2020

    #JouMenseMyMense saam met SPAR – Pieter Basson van Uitskoms se oogoperasie – 21 Oktober 2020

    Pieter Basson is ‘n baie gelukkige inwoner van Uitkoms – ‘n versorgingsentrum vir persone met verstandelik- en intellektuele gestremdhede.

    Pieter is 36 jaar oud en hy het downsindroom. Beide sy ouers is oorlede.

    Huismoeder, Lorraine Loots wie se seun self by Uitkoms woon, beskryf Pieter as ‘n vredeliewende teddiebeertjie, met die mooiste geaardheid en so liefdevol. Inteendeel wanneer sy die behoeftes van die ongeveer 50 inwoners opsom is dit net liefde, drukkies en aandag.

    Dis Lynn Buys wat vir ons die e-pos gestuur het om te vertel van Pieter se behoefte. Gelukkig het ons ‘n paar goeie vriende hier by GROOTfm 90.5 en kon ons vir Pieter gaan kuier om die inwoners in teetyd met ietsie soet te bederf en dis Elzabe Booysen, die bestuurder van Uitkoms se werkswinkel wat ons meer vertel van hierdie spesiale sentrum en sy mense.

    • 7 min
    #JouMenseMyMense saam met SPAR – Rupert van Vuuren se 1000 marathonne vir kinders

    #JouMenseMyMense saam met SPAR – Rupert van Vuuren se 1000 marathonne vir kinders

    Die afgelope 394 dae, sedert 17 September 2019, begin ‘n normale dag vir 46-jarige Rupert van Vuuren so 3 uur in die oggend om sy marathon vir die dag te kan hardloop. Vandag is sy 411de marathon op pad na sy duisend marathon doelwit en dit alles om bewusmaking te skep vir die BRAIN CHILD STIGTING en hulle werk om kinders met gestremdhede en hulle gesinne te help.

    Rupert is getroud en het self ‘n gesin, hy werk in die mynbedryf as ingenieur en het ook ‘n musiekateljee by sy huis waar hy al saam met van ons land se beste kunstenaar gewerk het... En tussen deur hardloop hy om ‘n stem te wees vir ‘n gemeenskap wat soveel isolasie beleef.

    Hy het aanvanklik sy 42km alles aaneen gehardloop, maar toe later die afstand opgebreek om meer mense betrokke te kry – 5 en 8 en 10km op ‘n slag.

    Sy 17 357 km het reeds vir hom twee wêreldrekords ingepalm, maar dis nie waaroor dit gaan nie... Sy motivering is God se seën op die projek, en om dit uit te bou tot ‘n volhoubare platform – wat ook vir ander organisasies kan help met bewusmaking – en intussen het sy voorbeeld en storie al soveel mense se lewens in beweging in inspireer…

    • 9 min
    #JouMenseMyMense saam met SPAR – Jakaranda Kinderhuis se huisma, Cornelia

    #JouMenseMyMense saam met SPAR – Jakaranda Kinderhuis se huisma, Cornelia

    Jakaranda Kinderhuis in Eastlynne bied sedert 1987 holistiese versorging vir kinders tussen 3 en 18 jaar oud wat deur die Kinderhof daar geplaas word. Ons gesels met Karin Berriman, die Bemarkingsbestuurder van Jakaranda Kinderhuis oor die impak van die grendeltyd en die toename in die hoeveelheid kinders en Cornelia du Plessis wat die afgelope 30 jaar al ‘n huisma van Jakaranda Kinderhuis is en haar eie 5 kinders so saam met honderde ander kinders groot gemaak het.

    • 9 min
    #JouMenseMyMense saam met SPAR – Anonieme tannie se kosskenking

    #JouMenseMyMense saam met SPAR – Anonieme tannie se kosskenking

    Vir die afgelope paar maande kom stop ‘n tannie en haar dogter gereeld by ons kantoor. Stil-stil en sonder om te sê wie hulle is, laai hulle kruideniersware af. Tannie Wilna by ons ontvangs sê sy weet nie wie dit is nie. Sy kan net sien die vrou loop self swaar, maar klokslag elke maand is hulle daar met ‘n skenking – genoeg om te kan deel, met meer as een gesin.
    Die gesinne se dankbaarheid en dankie is vir hierdie tannie en haar dogter en ook ons vennoot, SPAR wat ons elke week vertrou om hulle geskenk op die regte plek aan te gee. Dis ‘n gebaar van omgee wat ons hoop ander sal aanspoor om ook in hulle gemeenskap uit te kyk en uit te reik na mekaar, maar dalk gaan JouMenseMyMense selfs meer oor die geleentheid wat so ‘n gebaar moontlik maak om vir ‘n oomblik saam met hierdie mamma op haar bank te sit, saam te bid vir ‘n deurbraak, oor die inspraak of ‘n bietjie aansporing as die moedeloosheid mens dalk juis vandag wou kom oorweldig en ‘n tasbare manier om vir iemand te sê en te wys – Die Here sien jou en jou kinders raak…

    • 7 min
    #JouMenseMyMense saam met SPAR – Paartjie met gestremdheid vier 50ste Huweliksherdenking

    #JouMenseMyMense saam met SPAR – Paartjie met gestremdheid vier 50ste Huweliksherdenking

    Oom André en Tannie Louis Brand het op die 12de September hulle 50ste huweliksherdenking gevier, maar wat hierdie mylpaal ekstra spesiaal maak, is dat beide van hulle serebraal gestremd is. Behalwe vir hulle daaglikse uitdagings het hulle ook maar teenkanting gekry toe hulle destyds gesê het hulle gaan trou en selfs die medici het hulle gewaarsku toe hulle graag met ‘n gesin wou begin. Na nege jaar se getroude lewe is hulle eerste en toe later tweede kind gebore en vandag is hulle ‘n trotse ouma en oupa van vier kleinkinders in wie se lewens hulle baie betrokke is.

    Hulle skoonseun, Andy by wie hulle woon in Daspoort het vir ons die e-pos gestuur en ons het hulle gaan verras om te hoor waar hulle ontmoet het en wat die geheim is om 50 jaar so gelukkig getroud te wees.

    • 8 min
    #JouMenseMyMense saam met SPAR – Karavaan-gesin se nuwe lewe – 9 September 2020

    #JouMenseMyMense saam met SPAR – Karavaan-gesin se nuwe lewe – 9 September 2020

    Op 5 Augustus het ons vir Danie, Madelyn en Nella ontmoet - die gesin wat ‘n gemufde karavaan vir R100 ‘n dag gehuur het. Die reaksie op hulle verhaal was verstommend en Sanet en Russell Fagan van SA Cares for Life het betrokke geraak. Danksy die bydraes van ons luisteraars, kon hierdie gesin na ‘n nuwe huis trek – loopafstand van Nella se skool en skielik is haar gesondheid sommer stukke beter. Madelyn het haar rekenaarkursus begin. Danie leer hoe om sy eie kar reg te maak met parte wat ‘n donateur uit China geskenk het en die borg uit Amerika het vir hom ‘n fiets gekoop waarmee hy ry om elke dag op sy pos as karwag te wees.

    Ons JouMenseMyMense span het gaan inloer om hierdie liggaam, siel en gees vernuwing saam met die gesin te vier terwyl Liandri Ferreira, Madelyn met ‘n hare en grimering mooi-maak bederf het.

    • 9 min

Top Podcasts In Technology