Գիշերային Փոդքասթ Արփի Շահինյան
-
- Society & Culture
-
Գիշերային փոդքասթը արտույտի՝ ցերեկները սիրող մարդու աչքերով, ցույց է տալիս գիշերվա մեջ թաքնված գաղտնիքները, պատմում, թե ինչ կարելի է անել գիշերն արթուն մնալով ու բացահայտում է ամենագիշերային մարդկանց։
-
Նկարենք գիշեր
Նկարե՞նք գիշեր․ նկարչության ու գիշերվա կապի մասին պատմում է ամեն ինչ մանուշակագույն տեսնող նկարչուհի Նանա Արամյանը։ Նանայի հետ շրջել ենք նրա արվեստանոցում, սուրճ խմել, խոսել գիշերվա մասին ու նկարել մեր կանաչ–մանուշակագույն գիշերը։
-
Վազքի գիշեր
Սպորտային գիշեր. Արի այս անգամ մարդաշատ ու աղմկոտ գիշերները փոխարինենք խաղաղ գիշերով: Հագիր սպորտային կոշիկներդ, դիր ականջակալներդ, միացրու Գիշերային փոդքասթն ու միացիր մեր գիշերային վազքին: Մերի Մուրադյանը գիշերային ժամերին վազելու մեծ փորձ ունի ու մեզ կպատմի դրա բոլոր առավելությունների մասին:
-
Համերգի գիշեր
Ի՞նչ կապ կա գիշերվա առեղծվածային խավարի ու երգերի մեջ։ Ամենագիշերային երգչուհու` Սյուզի Սիրակի հետ գնացել եմ իրենց գիշերային փորձին, հետո գիշերային համերգին: Սյուզին պատմել է, թե ինչպես են իր երգերը ստեղծվում մթության ու լուսնի լույսի մեջտեղում:
-
Ռիթմերի գիշեր
Գիշերային զարմանք․ էլեկտրոնային երաժշտությամբ լցված երկար գիշերվանից հետո` գիշերը ժամը 4-ին, պարզվեց, որ կան նաև արտույտ դիջեյներ: Գիշերվա ու դիջեյների կապի մասին պատմել են երաժիշտներ արտույտ Socko-ն ու բու Moon's voyager-ը:
-
Զրույցների գիշեր
Ի՞նչ են անում մարդիկ դրսում կեսգիշերից հետո, ու՞ր են նրանց տանում մութ ճանապարհները: Գիշերային գաղտնիքների մասին ինձ պատմում են փողոցում հանդիպած անծանոթները` գինովցած ընկերներից մինչև դրսում գիշերող մարդիկ:
-
Կարաոկեգիշեր
Ինչպե՞ս են անցնում գիշերային կարաոկեները Երևանում։ Սփոյլեր՝ խառը երգերով, շատ աղմկոտ ու անկանխատեսելի։ Գիշերային երգերից մինչև գիշերը երգել՝ այս էպիզոդում երևանյան կարաոկե մշակույթն է։