Gnüsercloud Gnüsercloud

Mit Herzschmerze publizieremer dodemit di letscht Folg vom Gnüsercloud Podcast. Danke an alli Affe wo debi gsi sind. In dere letschte Folg gebemer nomol alles und verzellen über Ritalinkonsum, Verloreni Handys, Gnaiti Bai und en frisch 18. Jöhrige wo de Podcast crasht. Das alles chunt in 2 Teil uf eu zue.



VIEL SPASS mitem LAST RIDE 

LG Flurin und Silvan

Mier sin zrugg mitme biz längere Philosophieteil als Kompensation vo letschmol. Es goht um Dopamin Detoxing (sehr empfehlenswert!!!). Zudem hemmer e Externi Story zu spezielle Arbeitshose (18+ gone sexual!!!!11111????).

De Flurin nimmt Stellig zum Halbmarathon in Züri und wiener das Ganze verarbeitet het. Updates zum Herr Meier sowie die ewige Lethargik mit Silvans Homeoffice und e sehr spannendi Philosophiestund wird eu ide nögschte 3/4 Stund bote.

Hoihoihoi, dasmol verzellemer vom Bolliger usem 2. Stock und sini Verbindige zude KESB. De Silvan verzellt lebendig wie immer vo sinre Wuche mit Werbig für de Beachplatz. Als Zückerli e Ussesequenz vo de wilde Pilzolnacht uf 1500MüM, ebefalls hemmer üs am phylosophische Stammtisch zemegfunde und üs übers Dampfchochtopfmodell unterhalte.

Single Onkel 1 und 2 melden sich zrugg zum Podcast. Mit Gesprächsstoff zu de legendäre WG Party, Fasnachtszirkus und wieso dasme nid sött de ganz Block sturmlüte. Als witeri Kontroverse hemmer unteranderem no de Sinn vom Lebe ufgriffe. Es isch Sunntig, i hanen Kater und mag ez nüt me schriebe, tschüss

Mier sind zrugg und überraschen eu hüt wieder mit verschiedenste Themene. D Kontroverse vom Single Onkel hemmer vo letschmol nomol churz müse ufgriffe. De Flurin verzellt vo sim Karaokebar Erlebnis und de Silvan über s Familie-Archiv. Es het au tüfi Themene wie Sucht und Karriere (sehr spannend)