Kantu bat gara EITB Radio Televisión Pública Vasca

Heriotzaz "kantu bat gara" Podcasta, gai arrunta kantugintzan eta musikatutako poesiagintzan. Aktualitateari zor, Pau Dones, "Jarabe de Palo"k ezagun egin zuen kantariaren legatua aipatu behar, hil hurren grabatu nahi izan zuen "Lo qué tu me das " abestia edo eta bere azken egunak jasotzen dituen dokumentala. Amurizaren "Mendian gora"k izan dituen bertsioak , Oskorri , Imanol, Mikel Laboa , Xabier Lete edo eta RIP edo eta Baldin bada bezalako talde eta  musikariek ere egin dituzte heriotza aintzat hartzen dituzten kantuak.

Klima larrialdia ebidentzia izanik ,  Eguraldiak eta klimak berak gure kantutegian duten isla aztergai izan du Jon Maiak podcastean. Oso gai arrunta dira elurra, hotza, euria  edo eguzkia. Eresoinka abesbatzatik hasi , Zuberoako kantu tradizionalak, Txomin Artola ,  Oskorri ,  Itoiz , Gatibu  edo Izaki gardenak ...  eta beste askotan topatu ditu Jon Maiak,  eguraldi meteorologikoari dagozkion  fenomenoen erreferentziak. 

Zine musikan badago Jon Maiaren hitzen ekarpena. "Enkarguak iristen zaizkit" esan digu Kantu bat gara podcastean. "Akelarre" filmerako izan du azkenekoa eta kantuaren hitzak berak idatziak dira  eta  Maite Mursegok egin du musika. Gustura daude emaitzarekin.
Akelarreren aurretik , "Apaizak hobeto", "Gazta zati bat" eta  "Gutik zura" izan dira aurrez egindako lanak eta soinu banda horiek eta beste batzuk ditugu hizpide .