Athyglisbrestur á lokastigi Útvarp 101

Þær eru komnar aftur!
Lóa og Salka hafa neyðst til að liggja á skoðunum sínum svo mánuðum skiptir en nú eru þær loks mættar aftur í hljóðver, og þær hafa meira að segja en nokkru sinni. Salka tekur upp sinn fyrsta hlaðvarpsþátt án þess að bera barn undir belti, Lóa fylgist með fíkniefnasölu á Telegram og stelpurnar ræða muninn á að kynnast femínisma núna og þegar þær voru unglingar(það er rosa langt síðan). Rant vikunnar er svo auðvitað á sínum stað!

Stelpurnar íhuguðu að stofna OnlyFans en ákváðu að byrja á Patreon og sjá hvert það leiðir. Patreon linkur kemur upp í næstu viku!

cw: umræða um kynferðisofbeldi // Stelpurnar eru með spennandi tilkynningu, þær eru farnar að selja merch, það er komið nýtt intro lag og í þessum þætti fá þær GEGGJAÐAN GEST. Þær ræða við legendary fjölmiðlakonu, Þóru Tómasdóttur, sem tókst á seinustu stundu að redda þeim podcast upptökuherbergi í Advania. Spekingarnir þrír, Salka, Lóa og Þóra ræddu um norrænt gæða sjónvarpsefni, Reese Witherspoon, konur sem þátttakendur í ofbeldismenningu og #MeToo sem þema í sjónvarpsþáttum. Þær velta steinum, þær tala um Rúv, The Morning Show, kapítalíska óhamingju, skandinavíska lífstílinn, þránna eftir frelsi og svo margt fleira. Ráðgátur lífsins eru ekki endilega leystar í þessum þætti en þær gera heiðarlega tilraun til þess. https://www.patreon.com/athyglisbrestur

Þriðji þáttur í þriðju seríu en Lóa er í seríu eitt skapi (af hverju er svona mikill munur á seríu eitt og hinum spyr Salka). Lóa relapsaði og tók ekki athyglisbrestslyfin sín. Salka hins vegar kom beint úr deyfingu frá tannlækni. Þátturinn er tekinn upp Against all ODDS. Tannlæknar fá að heyra það fyrir verðlagningu sína, Salka talar um vinstri sinnaða karla og BÓ og Lóa lætur STELPUR á internetinu heyra það. Sundlaugar eru að opna, alkóhólistar fá stórt shout out og Leifur, 9 ára, bróðir Sölku er manneskja ársins.

Salka og Lóa benda á augljósa mismunun sem á sér stað í kringum jólin sem fáir þora að ræða. Genaminnið er farið að kicka inn sem þýðir bara eitt: Stanslaus jólakvíði og órökréttar ákvarðanir. Athyglisbresturinn fer með þær á áður ókannaðar slóðir: Sambönd og meðvirkni! Eitthvað sem hefur aldrei verið áður rætt. Skáld og karlkyns skáld, sérstaklega fá að heyra það, íslensk poppstjarna fær á baukinn og stelpurnar gremjubonda yfir því að hafa aldrei verið músur listamanna. Þú getur gerst styrktaraðili þáttanna á https://www.patreon.com/athyglisbrestur.

Söngkonan, lagasmiðurinn, Berlínarbúinn, grínistinn, fyndnasta, besta vinkona Sölku, Ásdís María Viðarsdóttir var gestur í podinu að þessu sinni. Stelpurnar töluðu um þýskt take-over á Fyndnustu mínar like-síðunni, tónlistarkonuna Sögu B, Diet-culture og Lizzo juice cleanse. Þátturinn er extra exxxtra langur að þessu sinni og nóg af jólastemmingu. Hvað eiga stelpurnar að gefa í jólagjafir? Þær eru 100 prósent ekki búnar að kaupa neitt og það eru tveir dagar til jóla!!! Ef þú ert ein rjúkandi rúst fyrir jól þá er þetta þátturinn sem hjálpar þér að GET THROUGH IT.

Áramótaþáttur Athyglisbrests er eini þátturinn sem þið þurfið að hlusta á þessi áramót. Þátturinn er fullkomin, kaotísk yfirferð á öllu því góða og slæma sem þetta ár færði okkur. Lóa og Salka fá til sín O.G gest þáttarins, hann var með þeim í allra fyrsta þættinum af Athyglisbresti, Hjalta Vigfússon. Í sameiningu fara þau yfir hæðir og lægðir ruglaðasta ársins: Fræga fólkið söng Imagine til að losna við Covid, Söngvakeppnin sem var haldin rétt áður en samkomutakmarkanir skullu á, Mentor kom út, Salka gerði sitt fyrsta tattú, Hjalti ákvað að verða sjálfstæður í Plex-málum, það var hrækt á Lóu á Hlemmi - og það er bara toppurinn á ísjakanum.