Peda per prosa Radiotelevisiun Svizra Rumantscha (RTR)

Il raquint «Time out» da lautur Jürg Gautschi è ina istorgia tragicomica sur din um, che passenta vacanzas malgartegiadas en tenda – sulet e persequità da ses passà.

Il Sursilvan Jürg Gautschi (*1963) è secretamain in preferì da las amaturas e dals amaturs da litteratura rumantscha – schon dal 2005 è el vegnì undrà cul Premi Term bel dals Dis da litteratura a Domat e dapi 2016 chatta sia prosa curta buna accoglientscha tar il public da lemissiun «Impuls». Finalmain datti er puspè da leger e da tadlar in raquint pli lung da Jürg Gautschi, quai en la Litteratura 39, lantologia actuala da lUniun per litteratura rumantscha e cun il nov podcast litterar da RTR «Peda per prosa».

Il raquint da Rut Plouda «Da giallinas e turpchentschas» è in text e furma da brev sur da giaglinas ma surtut sur da pleds, frasas ed il scriver. La scriptura engiadinaisa maina cun stil concis reducì a lessenzial tras in univers profund e poetic.

Rut Plouda (*1948) scriva lirica e prosa. Ses emprim tom da poesia «Föglias aint il vent» è cumparì lonn 1986. Dal 2000 è il raquint «Sco scha nüglia nu füss» vegnì publitgà. I suondan translaziuns da quellovra en tudestg, franzos e rumen. Lon 2020 e cumparì il cudesch cun prosa cuorta «Verd s-chür». Rut Plouda è vegnida onurada tranter auter cun il Premi da la Fundaziun Milly Enderlin e cun il Premi Schiller.

Il scriptur sursilvan Leo Tuor dat per lemprima giada invista en ses raquint anc en lavur cun il titel «Robinson en Rezia». El prelegia in extract da quel text chè tipic Tuor: scrit spess e cun purtrets intensivs che demussan la pussanza da la litteratura.

Leo Tuor (*1959) ha studegia filosofia a Turitg e Berlin, en pli rumantsch, istorgia e litteratura tudestga a Friburg. El translatescha tranter auter texts da Brecht, Shakespeare u Molière en rumantsch e scriva prosa; raquints ed essais. Tranter auter èn cumparids ils suandants cudeschs «Giacumbert Nau» (1988, octopus), «Onna Maria Tumera» (2002, octopus), «Settembrini» (2006, Ediziuns Romania). «Catscha sil capricorn en Cavrein» (2010, Chasa Editura Rumantscha). Ses texts èn vegnì translatads en diversas linguas e Leo Tuor ha retschavì tranter auter il Premi Schiller ed il Premi da Litteratura Grischun 2009.

In omagi cun profunditad poetica ed umur raffinà al postin, è il raquint «Il postin» da la scriptura engiadinaisa Romana Ganzoni.

Romana Ganzoni (*1967) ha studegià germanistica ed istorgia a lUniversitad da Turitg e publitgescha raquints, poesias ed auter. Tranter auter èn cumparids ils suandants cudeschs «Granada Grischun» (2017, Rotpunktverlag), il roman «Tod in Genua» (2019, Rotpunktverlag), il roman per giuvenils «Die Torte» (2020, da bux) ed il cudesch cun prosa curta e peosias «Vent per mia vela» (2020, Uniun dals Grischs). Romana Ganzoni ha retschavì il Premi da litteratura Grischun 2020.

Il raquint dal scriptur engiadinais Dumenic Andry «Il quart sudà» porta il suttitel «üna skizza ramoschana» e maina en il vitg da sia uffanza, en stanza da scola cun la magistra sensibla Luisa Famos.

Il stil subtil da Dumenic Andry è enconuschent ad amaturas ed amaturs da litteratura da lunsch enturn e quai il pli tard dapi chel ha publitgà il cudesch da poesias «Sablun» (Chasa Editura Rumantscha, 2017), chè vegnì undrà cun il Premi da litteratura Svizzer ed è vegnì translatà en diversas linguas.


Dumenic Andry (*1960) ha studegià romanistica a lUniversitad da Turitg e publitgescha texts en revistas e gasettas. Tranter auter ha el publitgà il cudesch cun raquints ed oters texts «Roba da tschel muond» (2002, artori), il cudesch cun prosa curta «Uondas» (2008, editionmevinapuorger), «Suot tschendra» (2013, Sammlung der Schweizer Poesie) ed il tom da poesia «Sablun» (2017, Chasa editura rumantscha).

Il raquint «La curridra» da la giuvna scriptura Viola Cadruvi va sut la pel, è scrit plain tensiun e cun nota surreala.

Questa istorgia è er ina da las istorgias fatalas cumparidas dacurt en il emprim cudesch da Viola Cadruvi «La feglia dal fraissen» (2020, Chasa Editura Rumantscha) e «La curridra» ha fatg impressiun schon dal 2018 cur chel ha gudagnà il premi dal public Term bel als Dis da litteratura a Domat.


Viola Cadruvi (*1992) ha studegià germanistica, istorgia e rumantsch ed ha fatg il diplom da scolasta gimnasiala. Ella lavura sco assistenta a lUniversitad da Turitg e publitgescha columnas ed auters texts litterars. Lonn 2014 ha ella gudagnà il Premi Term bel e dal 2018 il premi dal public Term bel. Loctober 2020 è cumpari ses cudesch «La feglia dal fraissen» (2020, Chasa Editura Rumantscha), ina rimnada dad istorgias curtas ed ina novella.