SBS Samoan - SBS Samoan SBS Audio

E tusa ai ma fa'amaumauga a malo 'aufa'atasi i a'afiaga o tamaiti mai taua i Sasa'e i Totonu ma isi vaega o le lalolagi, ua molimauina ai se si'itaga maualuga talu mai le amataga o le tausaga na te'a nei.

I se tu'utu'uga ma loia a le malo Amerika, US prosecutors, ua Ioeina ai e Julian Assange se moliaga e tasi ma o le a talia se faai'uga e aumaia iai e le fa'amasinoga i Amerika.

Ua fa'aalia e le ta'ita'i o le ituagai Peter Dutton ni pitonu'u se 7 i le atunu'u e fausia ai nofoaga mo le gaosia o le 'eletise mai le malosi niukilia.

I le ripoti, le Cost of Living report a le Anglicare, na ta'ua e 'ova i le 800,000 tamaiti i Ausetalia o loo ola i lalo o le laina mativa 'below the poverty line' ona o le tulaga maualalo o penefiti o lo'o mauaina e aiga mai le Centrelink.

Talu mai le vevesi i le masina na te'a nei, lea na maliliu ai tagata e to'a 9 i Noumea, ua fa'atonuina e le peresitene o Farani, Emmanuel Macron, palota e faia i le faai'uga o le masina nei.

E 'ova i le to'a 500 tagata o le tapua'iga Isalama na maliliu ona o le tetele o le vevela i Mecca i le sauniga o le Hajj pilgrimage.