Handavinnupoddi‪ð‬ Unndis og Elín Gunnarsdætur

Vinkonurnar sameinast að nýju eftir pásuna miklu! Hvað eru þær að bralla um þessar mundir, hvað eru þær með á prjónunum og hver verður næsti forseti? Allt þetta og meira til í þætti dagsins!

Elín er nýkomin heim til Osló eftir Íslandsdvöl og veltir fyrir sér fasteignamálum. Unndís nýtur haustblíðunnar í Lofoten og græjaði loksins saumaherbergið. Hvað eru þær með á prjónunum um þessar mundir? Þetta og allt hitt í þætti dagsins!

Unndís er að kafna úr kvefi og Elín undirbýr Íslandsför. Vinkonurnar eru nýbúnar á Stitsjorama og komu heim með nýtt garn í pokanum. Nostalgían nær yfirráðum þegar fréttir um nýjar bækur í seríunni um Ísfólkið berast og ræða þær ágæti íhugunar og hugleiðslu í amstri hverdagsins. Allt þetta og meira til í þætti dagsins!

Unndís og Elín kunna að telja og gera það óspart í þætti dagsins. Tískuguddurnar velta fyrir sér hvað og hverjir veita þeim innblástur og spjalla aðeins um tísku norskra kvenna. Shetlandsk prjón, Chiagoo, hjálpartæki prjónafólksins og allt hitt í áskriftarþætti dagsins!

Elín segir hlustendum sögu saumavélarinnar og Unndís er í sjokki eftir hönnunarstuld. Vinkonurnar ræða prjóna og margt fleira í þætti dagsins.

Unndís deilir af visku sinni í fjármálum og kynnir hlustendur fyrir stelpustærðfræði. Elín vill fá jákvæðara orð yfir að rekja upp sérstaklega þar sem hún rekur mikið upp um þessar mundir. Vinkonurnar spjalla um handavinnuhátíðir víðsvegar um heiminn og láta sig dreyma um ferð til Japan. Allt þetta og meira til í þætti dagsins.