Orange and Me Podcast Orange and Me Podcast
-
- Society & Culture
Welcome to one of the Burmese Podcasts for your day!
-
မိမိကိုယ်တိုင် မိမိမဟုတ်တော့သောအခါ
ကိုယ့်ကိုယ်ကိုယ်သဘောမကျလို့ ဘဝမှာ ကိုယ်မဟုတ်တဲ့တခြားတစ်ယောက်အနေနဲ့ အသက်ရှင်ဖူးလား။ အဲလိုနေတာ အဆင်ကော ပြေကြရဲ့လား? ကိုယ့်ကိုလက်ခံကြဖို့ ကြိုးစားနေတုန်း ကိုယ်လိုချင်တဲ့ရလဒ်မရဘဲ ပြောင်းပြန်ဖြစ်သွားတာမျိုးကော ကြုံဖူးကြလား။
ဒီတစ်ခေါက် ထုတ်လွင့်ပေးချင်တဲ့ ကျွန်မကြုံတွေ့ခဲ့ရတဲ့ စိတ်မလုံခြုံမှုတစ်ခုက ကိုယ့်ကိုယ်ကို အမြဲ ကိုယ်ရည်ကိုယ်သွေးပိုင်းဆိုင်ရာ အရည်အချင်းပိုင်းဆိုင်ရာမှာ မလုံလောက်ဘူးလို့ ၂၅ နှစ်လောက် အမြဲတွေးနေခဲ့တာပါဘဲ။ -
Meeting with a counselor, Don't wanna talk about them Episode 1
နိုးလာတာနဲ့ ငါ့ကို လူတွေက လိုက်ဖမ်းနေတယ်။ ငါ့ကိုဖမ်းပြီး နှိပ်စက်ကြတော့မယ်။ ငါ့ကိုလူတွေက လိုက်နေတယ်ဆိုတဲ့ အသတ်ခံရတော့မယ်ဆိုတဲ့ Anxiety လို့ခေါ်တဲ့ စိတ်ပူပန်မှုလွန်ကဲတာကို နိုင်ငံရေးအပြောင်းအလဲဖြစ်တဲ့ ဖေဖော်ဝါရီလကစပြီး ၃လအကျော်မှာ ခံစားလာရပါတယ်။ အဲ့ဒါတင်မကဘူး သူတို့မိသားစု ဘက်ပဲ့သွားပြီး ထမင်းဝိုင်းမှာလူမစုံတော့ဘူး။ တစ်ချို့လူတွေက တောထဲမှာ မိတကွဲ ဖတကွဲနဲ့ ပြေးနေရတယ်။ ငါ့မိသားစုကတော့ အေအေးချမ်းချမ်းဘဲကော။ မိသားစုရဲ့ လုံခြုံမှုအပေါ် ဘုရားသခင်ကို ကျေးဇူးမတင်ရလောက်အောင်ကို ရှင်ကျန်နေရသူတွေရဲ့ ကိုယ့်ကိုယ်ကိုယ် အပြစ်တင်မှုကို ပြင်းပြင်းထန်ထန်ခံစားလာရပါတယ်။ အဲ့ဒီအချိန်ကစပြီး အသက်ရှုမမှန်တာတွေ၊ အာရုံမစိုက်နိုင်တာတွေ၊ အိပ်ချိန်မမှန်တာတွေစဖြစ်လာပြီး လူဟာ ငူငူငိုင်ငိုင်နဲ့ လမ်းပျောက်နေခဲ့ပါတယ်။
အဲ့ဒီအကြောင်းကို Social Media မှာရေးတင်ခဲ့သလို အရင်တုန်းက အလုပ်လုပ်ကိုင်ဖူးခဲ့တဲ့ နိုင်ငံခြားသူတစ်ဦးကိုလည်း ပြောပြဖြစ်ခဲ့ပါတယ်။ သူရဲ့အကူအညီနဲ့ နှစ်သိမ့်ဆွေးနွေးအကြံပေး Professional Counselor တစ်ဦးနဲ့ တိုင်ပင်ဆွေးနွေးမှု တစ်ခုစာ ယူခဲ့ပါတယ်။
ကျွန်မယူခဲ့တဲ့ session က ဗီဒီယိုနဲ့ပြောတာတို့ ဖုန်းနဲ့ပြောတာတို့မဟုတ်ဘဲနဲ့ ဒီတိုင်း စာတိုပို့တဲ့ ဆွေးနွေးမှုတစ်ခုပါဘဲ။ ကျွန်မအရမ်းစိတ်လှုပ်ရှားနေတဲ့အခါ အသံတွေမထိန်းနိုင်တာမျိုး ငိုမိတာမျိုးတွေဆို ကိုယ်မသိတဲ့သူအရှေ့မှာ ရှက်တာမို့ စာပို့တာဘဲ ရွေးချယ်လိုက်တာပါ။ -
Don't wanna talk about them
ကျွန်မတို့ဘဝမှာ တခြားသူတွေကို မပြောပြချင်တဲ့ အကြောင်းအရာတွေရှိတယ်မလား။ လူတွေကို မယုံကြည်တော့လို့ ကိုယ့်ရဲ့ ထိလွယ်ရှလွယ်တဲ့ခံစားချက်တွေ ထုတ်မပြောတတ်ကြတော့တာ လူတိုင်းနီးပါမှာ ရှိပါတယ်။ စိတ်ဒဏ်ရာနဲ့ ကြီးပျင်းလာမှုတွေ၊ စိတ်ပိုင်းဆိုင်ရာ ရုပ်ပိုင်းဆိုင်ရာ အနိုင်ကျင့်ခံခဲ့ရတဲ့ ဆက်ဆံရေးတွေ၊ အရှက်တကွဲအကျိုးနည်းဖြစ်ခဲ့မှုတွေ၊ နှစ်,လ အကြာကြီး ဖိနှိပ်ချိုးနှိမ်ခံရမှုတွေ စတဲ့အချက်တွေကြောင့် ကျွန်မတို့ ဒီအကြောင်းတွေ ထုတ်မပြောတိုင်း ဒီလိုအဖြစ်အပျက်မျိုး ကိုယ့်ပတ်ဝန်းကျင်မှာ မရှိတာမဟုတ်ပါဘူး။
ကျွန်မက ကလေးသူငယ်စိတ်ပညာနဲ့ပတ်သတ်ပြီး နှစ်အနည်းငယ် သင်ယူဖူးတာကလွဲလို့ Professional Counselor, therapist နဲ့ psychiatrist တစ်ဦးမဟုတ်ပါဘူး။ ဒီ Don’t wanna talk about them series မှာ တစ်ချို့သော ကိုယ်ပိုင်အကျောင်းအရာတွေက ဒီ စိတ်ဒဏ်ရာကို ကျော်လွှားပြီးဖြစ်ပေမယ့် တစ်ချို့အရာတွေကတော့ရင်ထဲမှာ ကျန်နေတုန်းဘဲဖြစ်ပြီး အခု Podcast ကိုနားထောင်တဲ့သူတွေနဲ့ အကြောင်းအရာချင်းတိုက်ဆိုင်ခဲ့သော် ကိုယ်တစ်ယောက်ထဲ ခံစားနေတာမဟုတ်ဘူးဆိုတဲ့ အဖော်ပြုပေးနိုင်တဲ့ ခံစားချက်ပေးနိုင်ဖို့ ရည်ရွယ်ပါတယ်။
ဟုတ်ကဲ့ ဒီ Don’t wanna talk about them Podcast series လေးကို နားထောင်ဖို့အတွက် Orange and Me Podcast Facebook Page နဲ့ Sound Cloud တို့မှာ Follow လုပ်ပြီး နားဆင်ကြဖို့ ဖိတ်ခေါ်ပါတယ်။