Am Bistro mat der woxx woxx
-
- News
-
All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
-
Wéi eng Sozialpolitik wëllen d’Lëtzebuerger Parteie fir d’EU?
Bei der EU denke vill Leit un de fräie Marché, Agrarsubventiounen oder nach den Euro. Gemeinsam sozialpolitesch Reegele wéi de Mindestloun kommen engem meeschtens net direkt an de Kapp. An dëser Episod schwätze mir doriwwer, wat d'EU op sozialem Plang iwwerhaapt matschwätze kann, a wéi eng sozialpolitesch Iddien déi lëtzebuergesch Parteien am Europawalkampf präsentéieren.
-
Wéi eng Klimapolitik wëllen d'Lëtzebuerger Parteie fir d'EU?
D'Klimakris gëtt virun allem op europäeschen Niveau bekämpft: Hei ginn zesummen d'Ziler ausgemaach an och vun der EU kënnt d'Verpflichtung fir een nationalen Energie- a Klimaplang. Mä wéi gesinn déi 13 Parteien, déi zu Lëtzebuerg bei den EU-Walen untrieden, d'Klimapolitik? De Joël Adami huet sech d'Walprogrammer duerchgelies an erzielt am Podcast, wou et geféierlech Positioune ginn, wat fir Parteien eng méi systemesch Approche hunn a wou hie positiv wéi negativ iwwerrascht ginn ass.
-
Wien sinn déi vergiessen Affer vum NS-Regime?
Dës Woch schwätze mir am Podcast iwwert d'Ausstellung „Vergessene Opfer des NS-Regimes in Luxemburg“ vum Escher Musée national de la résistance et des droits humains. D'Maria Elazora war sech d'Expo fir d'woxx ukucken an erkläert am Podcast, wien déi vergiessen Affergruppe waren. Si schwätzt mam Joël Adami doriwwer, wéi gutt de Musée et fäerdeg bréngt, déi komplizéiert a schwiereg Geschicht anschaulech ze erklären.
-
30 Joer nom Genozid am Ruanda – Wat sinn d'Léieren aus dem Prozess?
No enger Artikelserie vu véier Artikele kucke mir haut nach eng Kéier op de Genozid am Ruanda an de Prozess géint den Théoneste Bagosora virum Tribunal pénal international pour le Rwanda. De Fabien Grasser erkläert, wat mam Bagosora geschitt ass a wat fir Lektiounen aus dem ganze Prozess gezu goufen. No an no sinn awer och weider Detailer opgetaucht, déi zum Beispill Frankräich ganz staark implizéiert hunn.
-
Eng lëtzebuergesch Traditioun: Iwwert den Tram streiden
Et gesäit esou aus, wéi wann sech d'Mobilitéitspolitik vun der aktueller Regierung an eng Richtung entwéckele géif, déi sech dach awer vun där vireger ënnerscheet. Dat léisst sech um Beispill vum Tram an den Diskussiounen ëm eng Ofkierzung duerch d'Avenue de la Porte-Neuve besonnesch gutt illustréieren. Am Podcast schwätze mir doriwwer, wéi et dozou komm ass a wéi grouss déi Ënnerscheeder dann tatsächlech sinn.
-
Wéi geféierlech ass Cattenom?
Et ass net grad beléift zu Lëtzebuerg, d'Atomkraaftwierk just hannert der Grenz a Frankräich. Geschwë ginn déi véier Reaktoren, déi do Stroum produzéieren, 40 Joer al. Dat bedeit: Si sinn eigentlech um Enn vun hirer ursprénglech virgesinnener Lafzäit ukomm. Ee Rapport, dee vu Greenpeace an Optrag ginn ass, kënnt zu der Conclusioun, datt et net méiglech ass, d'Sécherheet op deen haitegen Standard ze hiewen. Am Podcast schwätzt de Joël Adami mam Maria Elorza doriwwer, wisou dat esou ass a wat dat mat Fligeren a Piscinnen ze dinn huet.