28 episodes

De Fussballpodcast, deen do stattfënnt, wou déi déifgrënnegst Theme beschwat ginn - an der Buvette. De Gilles Immer, Dylan Vogel a Ben Vogel, lafen dem ronne Lieder net nëmme selwer no, se schwätzen och schrecklech gären driwwer. Vun der Currywurst am Stadion bis zu taktesche Meeschterwierker am Lëtzebuerger wéi internationale Fussball, brénge si hir gedanklech Doppelpäss ënnert d'Leit. All Woch gëtt sech an der Buvette iwwert Aktuelles aus der Fussballwelt ënnerhalen.

Buvette - De Fussballpodcas‪t‬ Gilles Immer, Ben Vogel, Dylan Vogel

    • Soccer
    • 5.0 • 2 Ratings

De Fussballpodcast, deen do stattfënnt, wou déi déifgrënnegst Theme beschwat ginn - an der Buvette. De Gilles Immer, Dylan Vogel a Ben Vogel, lafen dem ronne Lieder net nëmme selwer no, se schwätzen och schrecklech gären driwwer. Vun der Currywurst am Stadion bis zu taktesche Meeschterwierker am Lëtzebuerger wéi internationale Fussball, brénge si hir gedanklech Doppelpäss ënnert d'Leit. All Woch gëtt sech an der Buvette iwwert Aktuelles aus der Fussballwelt ënnerhalen.

    # 27 Wettkönig Jochen

    # 27 Wettkönig Jochen

    Derby zu Nidderkuer! Zwee Punkten an der Nospillzäit verluer, mee ëmmerhi kann ee rëm duschen am Stade Jos Haupert. A wann iergendeen mengt, et kéint net schlëmmer kommen, da kennt Schalke a beweist engem de Géigendeel: gefillt den hallwe Staff gëtt entlooss an och an der Buvette feelen engem esou lues d’Wierder. Zu Bielefeld ass een dann zur Conclusioun komm, dass een net méi Meeschter ka ginn a gehäit doropshin och den Trainer raus. De nächste Patt an der Buvette gëtt awer den Oli Thill, deen an der Ukrain säin éischte Gol konnt schéissen. Prost Oli!

    • 39 min
    # 26 De Ball dee rullt

    # 26 De Ball dee rullt

    Et ass endlech souwäit: no éiwegem hin an hier rullt de Ball an der BGL-Ligue rëm! Fir de Progrès ass de Start alles anescht wei optimal verlaf, mee de Ben ass optimistesch wat déi nächst Wochen ugeet. An der Champions League wéi och an der Europa League léist de Reesbüro UEFA d’Equippen duerch ganz Europa fléien an et kann een sech d’Fro stellen, ob dat de richtege Wee ass. Wärend Frankfurt d’Bundesliga rëm spannend mécht, schafft Wolfsburg un engem neie Rekord a Schalke 0:4 kann nom Derby definitiv Matcher fir Méindes Owes plangen.

    • 33 min
    # 25 Reus oder Rose - Haaptsaach Dortmund

    # 25 Reus oder Rose - Haaptsaach Dortmund

    Eng Episode ënnert ongewinnten Ëmstänn, mee nach ëmmer kee Grond zur Opreegung. Dat gëllt fir verschidden Häre vum “Mir stinn iwwert allem”-FC Bayern definitiv net, well do keng Geleeënheet ausgelooss gëtt, sech (nach méi) onbeléift ze maachen an dat kréien se an der Buvette ze héieren. A wéi kéint et um Rosenmontag anescht sinn: de Gladbacher Trainer wiesselt zur neier Saison ob Dortmund. Iwwerhaapt stoungen an dëser Episode d’Trainer am Fokus, well de Nürnberger Trainer seng Taktik grad sou gutt ob Chinesesch hätt kennen erklären. Een däitsche Spiller stécht de Moment awer ob sportlech Aart a Weis eraus an dat soll net onerwäänt bleiwen.

    • 33 min
    # 24 Erëm keng BGL Ligue

    # 24 Erëm keng BGL Ligue

    Et soll einfach net sinn... De Ben mat sengem Progrès, wéi och de Recht vun der BGL Ligue, kennt einfach net an d’Rullen. “Et kéint ee mengen, et hätt iergendeen eppes géint de Lëtzebuerger Fussball”, soll en gewëssenen Här Rummenigge gesot hunn. Trotzdeem war international rëm vill lass, vu geckege Matcher am DFB Pokal, iwwer VAR-Chaos an der Bundesliga a rëm en Toppmatch an England, wouropshin d’Championnat lues awer sécher an eng Richtung tendéiert. An net ze vergiessen, hu mer rëm en Lëtzebuerger Buteur a Persoun vum Laurent Jans, dee wéi et schéngt eng Geheimformel virum Match fonnt huet.

    • 37 min
    # 23 All 11 Sekonnen e Meter Béier

    # 23 All 11 Sekonnen e Meter Béier

    D’Rolle sinn des Kéier kloer verdeelt: De Ben fillt sech prett fir d’BGL, den Dylan fuddelt am Online Training an de Gilles kuckt sech dat Ganzt vu baussen un a geet an där Zäit villäicht mat deenen Dortmunder Eelefmeter trainéieren. International war nawell eppes lass um Transfertmaart, och wann aus Lëtzebuerger Siicht näischt aus engem ganz geckege Wiessel ginn ass. Eng Noriicht aus Spuenien ass awer ageschloe wéi eng Bomm: Dem Lionel Messi säi Konto gëtt mat Millioune gesprengt an et ass net ganz einfach, déi Zuelen ze verschaffen, dofir huet een sech an der Buvette mol e Moment geholl, fir eng Analys ze maachen.

    • 35 min
    # 22 Tooor in Mainz

    # 22 Tooor in Mainz

    Eng Nouvelle, déi engem Äerdbiewen entsprécht, schockéiert d’Fussballwelt: De Kevin Großkreutz, de Mann mat sou villen Talenter, hänkt seng Fussballschong un de Nol an d’Buvette erweist him déi lescht Éier. Vun engem Skandal an den aneren: Zu Gladbach gi well Geschichten em de Schwäizer Embolo ronderëm, wat do stemmt a wat net, bleift elo mol nach e Rätsel. Fir de Moment vun der Woch huet awer definitiv de Leandro Barreiro gesuergt, deen als drëtte Lëtzebuerger iwwerhaapt an der Bundesliga e Gol schéisst a senge Mainzer Jonge ganz wichteg Punkte bréngt. An zu Liverpool gëtt et sou lues ongemittlech, nodeems hier Serie an der Premier League ob en Enn geet an och am FA-Cup Schluss ass.

    • 31 min

Customer Reviews

5.0 out of 5
2 Ratings

2 Ratings

Top Podcasts In Soccer