150 episodes

Kry die nuus soos dit breek.

Nuus Kosmos 94.1

    • News

Kry die nuus soos dit breek.

    Ouers vies oor vermeende verpligte Wi-Fi by Namcol

    Ouers vies oor vermeende verpligte Wi-Fi by Namcol

    Die Namibian College for Open Learning, Namcol, het glo studente met geen Wi-Fi by sy perseel belet. In 'n brief wat aan ouers van studente gerig is vir toegang tot die tersiêre onderwysprogram, word gemeld dat die instelling by Otjiwarongo opdrag gekry het om Wi-Fi-toestelle aan studente te verkoop, aangesien dit verpligtend is. 'n Besorgde ouer, Karen Katuamba, praat met Kosmos 94.1 Nuus.

    • 19 sec
    Sewe mense aangekla vir Krugersdorp-verkragte

    Sewe mense aangekla vir Krugersdorp-verkragte

    Die Nasionale Vervolgingsgesag sê sewe mense is in die landdroshof in Krugersdorp aangekla van verskeie aanklagte van verkragting, roof met verswarende omstandighede en omdat hulle onwettig in die land is. Die NVG se woordvoerder in Gauteng, Phindi Mjonondwane, sê die aanklagte hou verband met die groepsverkragting in Krugersdorp. Hy sê die aanklagte volg nadat inwoners van Rietvallei, Munsieville en Bekkersdal verlede week betoog en geëis het dat zama-zamas uit hul gebiede verwyder word.

    • 23 sec
    Cosatu maan teen nuwe aftreefonds-regulasies

    Cosatu maan teen nuwe aftreefonds-regulasies

    Die werkersvakbond, Cosatu, waarsku dat die Suid-Afrikaanse regering se nuwe aftreefonds-regulasie wat volgende jaar in werking sal tree, die arbeidsmark negatief kan raak. Onder die nuwe regulasie sal werknemers slegs toegang kry tot 'n derde van hul pensioen, as hulle bedank of hul werk verloor. Die oorblywende twee-derdes sal eers ná aftrede gebruik kan word. Fritz Platt, ons korrespondent in Kaapstad ...

    • 1 min
    Hangana Seafood se werkers kry verhoging van 6,5%

    Hangana Seafood se werkers kry verhoging van 6,5%

    Hangana Seafood, 'n filiaal van die Ohlthaver en List-groep en die Namibiese Visbedryf en Visserman-werkersvakbond het 'n een jaar ooreenkoms onderteken. Die ooreenkoms het meegebring dat 1 514 werknemers van Hangana Seafood 'n verhoging van 6,5 persent op hul basiese salaris ontvang het, effektief 1 Julie 2022. Francois Olivier, die besturende direkteur van Hangana Seafood het in sy verklaring die vakbonde geloof vir die manier waarop die onderhandelingsproses hanteer en afgehandel is om 'n gemeenskaplike doelwit vir die werknemers en die maatskappy te bereik. Roux-Ché Locke, die O&L-groep se korporatiewe kommunikasiebestuurder ...

    • 38 sec
    Marikana: 48 hofsake moet nog afgehandel word

    Marikana: 48 hofsake moet nog afgehandel word

    Die Suid-Afrikaanse prokureur-generaal van die departement van justisie en grondwetlike ontwikkeling, Fhedzisani Pandelani, het bevestig 48 hofsake wat verband hou met die Marikana-slagting moet nog afgehandel word. Die gesinne van die vermoorde Marikana-mynwerkers dagvaar die staat en President Cyril Ramaphosa vir 'n miljard Suid-Afrikaanse rand en eis ook 'n verskoning. Pandelani het in Pretoria aan die media gesê die helfte van die sake is besig om geskik te word.

    • 23 sec
    Namibiese oogarts sê hoë koste vir katarak-operasies is 'n uitdaging

    Namibiese oogarts sê hoë koste vir katarak-operasies is 'n uitdaging

    Die wêreldbekende Namibiese oogarts dr. Helena Ndume sê ten spyte van 'n groter aanvraag na katarak-operasies regoor die land, is hulle nie in staat om dit tweejaarliks aan te bied nie weens die hoë koste, aangesien die gesondheidsministerie talle dringende behoeftes het. Dr. Ndume en haar span van plaaslike en internasionale dokters doen tans katarak-operasies op pasiënte by die Oshikuku-distrikshospitaal in die Omusati-streek. Hulle beoog om voorsiening te maak vir sowat 400 pasiënte, maar hierdie getal sal waarskynlik toeneem weens die groot aanvraag.

    • 37 sec