Sigtryggur Baldursson – Bransakjaftæði með Bergþóri Mássyni Bransakjaftæði

Sigtryggur Baldursson er framkvæmdastjóri ÚTÓN. Hann hóf feril sinn í tónlist í pönkhljómsveitum í byrjun níunda áratugarins og sló síðan í gegn með Sykurmolunum. Hann túraði um heiminn með Sykurmolunum og snéri svo heim og hóf að spila á sveitaböllum með hljómsveitinni Bogomil Font og Milljónamæringarnir. Hann flutti svo til Bandaríkjanna og kom að allskonar tónlistarverkefnum í Miðríkjunum, þar til hann flutti heim og fór að snúa sér meira að „bakvið tjöldin“ verkefnum, sem leiddi til þess að hann tók við sem framkvæmdastjóri Útflutningsstöðvar íslenskrar tónlistar.

Bransakjaftæði er hlaðvarpshluti Tónatals, sem miðar að því að efla þekkingu þeirra sem starfa við tónlist og stuðningsumhverfi þeirra. Bransakjaftæði er unnið í samvinnu við Útvarp 101 og Bergþór Másson er þáttarstjórnandi annarrar seríu. Tónatal er samstarfsverkefni ÚTÓN, Tónlistarborgarinnar Reykjavík, STEF, SFH og Íslandsstofu. Ef þú hefur áhuga á að vita meira um geirann eða hefur einhverjar fyrirspurninr, endilega hafðu samband við okkur: hello@icelandmusic.is.

Frekari upplýsingar á: www.tonatal.is