10 episódios
Colloquia apud Recentiores Jamie Banks
-
- História
Haec series emissionum Latine facta tractat litteras Neo-Latinas quae dicuntur. Auscultantes invenient cum explicationes et enodationes textuum et contextuum, tum cogitationes de lingua ipsa longivivace et restauratione viva eius. Spero me et hoc propositum fructui et solacio fore vobis qui colant et diligant non modo Latinitatem et artem philologicam, sed etiam—immo praecipue—iustitiam.
-
Colloquium apud Franciscum Baconem de natura investiganda
Tracto nonnulla desumpta ex praefatione operis "Novum Organon" a Francisco Bacone scientiarum perito necnon fere poeta scripti.
-
Colloquium apud Petrarcam de pertinacia spei humanae
Loquor cum Petrarca de epistula sua, III.19 in libro epistularum familiarium, de pertinacia spei humanae.
-
Schola Prima de Somnio Kepleris
Prima schola de opere quodam miro iucundissimoque, cui nomen “Somnium Kepleris.”
Haec emissio certe crassa Minerva facta est: malo plures emissiones et frequentius, licet non polite confectas, praebere quam emissiones politas rarissime in lucem edere. -
Epistula Tychonis Brahe ad Johannem Keplerem explicata enodataque (pars prima)
In qua emissione lego, enodo et commentaria facio de aliquibus excerptis ex litteris ab Tychone Brahe ad Johannem Keplerem scriptis.
Haec emissio auscultari potest sine praeparatione, sed verisimiliter plus et fructus et sensus ex ea carpseritis si priorem emissionem de re publica literaria his ipsis temporibus nobis restauranda auscultatis. -
De re publica literaria et imaginaria hoc tempore pestilentiae ipso instauranda
Exhortor: artibus nostris exerceamus, computatris nostris cantemus, ex operibus praedelectis recitemus, omnia pulchra describamus et exprimamus quae nunc ipsum, tempore pestilentiae et maeroris et isolationis, etiam nunc videmus. Deinde computatris placatis mittamus opera nostra inter nos, commercium rei publicae imaginariae ubique instituamus, fundamenta salutis mentalis his insolitissimis temporibus iaciamus.
-
Solacia apud Recentiores - De nomine seriei
Rationem nominis seriei explico - et quidem aliter quam in animo habebam, pestilentia complures nostrum domi manere cogente. Propositum meum emissiones frequentius, sed minus politas et paucioribus adnotationibus confectas in lucem edendi, solacii causa, etiam explico.