နေ့စဉ် တီဗွီသတင်းလွှာ - ဗွီအိုအ‪ေ‬ VOA ဗီြအို (Burmese)

ဂါဇာမှာ စစ်ပွဲတွေရပ်အောင် နိုင်ငံတကာက ကြိုးပမ်းပေးကြဖို့ အီဂျစ်သမ္မတကတောင်းဆို၊ ရုရှားရန်က ယူကရိန်းကို အကာအကွယ်ပေးဖို့ အရေးကြီးကြောင်း အမေရိကန်နိုင်ငံခြားရေးဝန်ကြီး Antony Blinken က ချက်နိုင်ငံမှာ ပြောဆို၊ဒီရက်ပိုင်းမှာ မြန်မာကျပ်ငွေတန်ဖိုး ထိုးကျပြီး ပြင်ပငွေလဲနှုန်းတွေမှာ နိုင်ငံခြားငွေဈေးတွေ တက်သွားတာကြောင့် ငွေလဲနှုန်းတွေကို ဆွဲတင်နေတဲ့သူတွေကို အရေးယူသွားမယ့်အကြောင်း စစ်ကောင်စီ ဗဟိုဘဏ်က သတိပေးထား။

Rafah မြို့ လမ်းမတွေပေါ်မှာ အစ္စရေးနဲ့ ဟာမတ်စ်အဖွဲ့အကြား တိုက်ပွဲတွေ ပြင်းထန်နေ၊ မြန်မာ ကျပ်ငွေတန်ဖိုး ဆက်တိုက် ကျဆင်းနေပြီး ပြင်ပ ငွေလဲနှုန်းမှာ အမေရိကန် ဒေါ်လာဈေးတက်နေ၊ ထိုင်းတော်ဝင်မိသားစုကို ဝေဖန်မှုနဲ့ ဝန်ကြီးချုပ်ဟောင်း သက်ဆင် ကို တရားစွဲဖို့ ပြင်ဆင်နေကြောင်း ထိုင်းအစိုးရရှေ့နေတွေပြော

အစ္စရေးရဲ့ လေကြောင်းတိုက်ခိုက်မှုကြောင့် ရာဖာမြို့ ဒုက္ခသည်စခန်းမှာ ခိုလှုံနေတဲ့ ပါလက်စတိုင်း ၄၅ ဦး သေဆုံးပြီး ၂၀၀ ကျော် ဒဏ်ရာရခဲ့တဲ့ကိစ္စနဲ့ ပတ်သက်ပြီး ကုလသမဂ္ဂ လုံခြုံရေးကောင်စီ ဒီကနေ့ ဆွေးနွေးဖို့ရှိ၊မြန်မာနိုင် အပါအဝင် အရှေ့နဲ့ အရှေ့တောင်အာရှနိုင်ငံတွေမှာ ရာဇဝတ်ဂိုဏ်းတွေရဲ့ ထုတ်လုပ်မှုကြောင့် ပြီးခဲ့တဲ့နှစ်ထဲ methamphetamine စိတ်ကြွဆေးတွေ စံချိန်တင် ဖမ်းမိခဲ့တယ်လို့ ကုလသမဂ္ဂက သတင်းထုတ်ပြန်၊၂၀၂၄ ခုနှစ်အတွင်း ထိုင်းနိုင်ငံမှာ ကွန်ဒိုတိုက်ခန်း ဝယ်ယူတဲ့ နိုင်ငံခြားသားတွေထဲမှာ မြန်မာနိုင်ငံက ဝယ်ယူတဲ့ ပမာဏ ဒုတိယ အများဆုံး ဖြစ်လာတဲ့အကြောင်း ထိုင်းဘက်က ပြော။

Rafah မှာရှိတဲ့ ပါလက်စတိုင်းဒုက္ခသည်စခန်းတခုကို အစ္စရေးက တိုက်ခိုက်ခဲ့တာကြောင့် အနည်းဆုံး လူ ၃၅ ဦး သေဆုံးခဲ့တဲ့ ဖြစ်ရပ်ဟာ အလွန်ဆိုးရွားတဲ့ လုပ်ရပ်အဖြစ် ပါလက်စတိုင်းဒုက္ခသည်တွေကို ကူညီပေးနေတဲ့ ကုလသမဂ္ဂအေဂျင်စီပြော၊ မြန်မာလုံခြုံရေးတပ်ဖွဲ့တွေနဲ့ လက်နက်ကိုင်အဖွဲ့အစည်းတွေအပါအဝင် စစ်ကောင်စီက ကျူးလွန်ထားတဲ့ ကြီးလေးတဲ့ ရာဇဝတ်မှုတွေအပေါ် သူတို့ဘက်က စုံစမ်းနေတာတွေကို အကြောင်းပြန်ပေးဖို့ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား IIMM ရဲ့ အကြီးအကဲတောင်းဆို

အောက်တိုဘာ ၇ ရက် တိုက်ခိုက်မှုအတွင်း ဟားမတ်စ်အဖွဲ့က ဂါဇာကို ဖမ်းဆီး ခေါ်ဆောင်တာ ခံခဲ့ရပြီး သတ်ဖြတ်ခံခဲ့ရသူ ၃ ဦးရဲ့ ရုပ်အလောင်းတွေကို ရှာဖွေ တွေ့ရှိ၊ ရုရှားသမ္မတ Vladimir Putin ဟာ Belarus သမ္မတ Alexander Lukashenko နဲ့ Minsk မြို့မှာ တွေ့၊ မြန်မာနိုင်ငံရဲ့ အကြပ်အတည်း ပဋိပက္ခတွေ အဆုံးသတ်ရေး ထိုင်းနိုင်ငံအနေနဲ့ မရပ်မနား ကြိုးပမ်းနေတဲ့အကြောင်း ထိုင်းဝန်ကြီးချုပ် ပြော

Jenin မြို့ကို အစ္စရေးတပ်တွေ စီးနင်းမှု အဆုံးသတ်သွားပြီး ဒီစီးနင်းမှုအတွင်း အနည်းဆုံး လူ ၁၂ ယောက်သေဆုံးပြီး ၂၅ ယောက် ဒဏ်ရာရကြောင်း ပါလက်စတိုင်းကပြော၊ရခိုင်ပြည်နယ်အတွင်း လက်နက်ကိုင် ပဋိပက္ခတွေကြားမှာ လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေနဲ့ စစ်ရာဇဝတ်မှုတွေ ကျုးလွန်မှု ရှိမရှိ ဆန်းစစ်နေတဲ့အကြောင်း မြန်မာနိုင်ငံဆိုင်ရာ လွတ်လပ်တဲ့စုံစမ်းစစ်ဆေးရေး ယန္တရားအဖွဲ့ IIMM ကကြေညာချက်ထုတ်ပြန်၊ဒေါ်အောင်ဆန်းစုကြည်ရဲ့ အမှတ် ၅၄ တက္ကသိုလ်ရိပ်သာလမ်းနေအိမ်ကို ကျပ်ငွေ ၂၈၅ ဘီလီယံနဲ့ လေလံကြမ်းခင်းဈေးသစ် ဦးအောင်ဆန်းဦးဘက်က တင်သွင်းခဲ့တယ်လို့ တရားရုံးနဲ့နီးစပ်သူတွေက ပြောပါတယ်။