La stailalva Radiotelevisiun Svizra Rumantscha (RTR)

Tadlai e lignai tgi che chanta l'original!

Grüezi wohl Frau Stirnimaa – Despacito – Marmor, Stein und Eisen bricht – Heimweh – I bin a bayrisches Cowgirl – Whats Up – Silberfäden euv. quai èn hits e semperverds che mintgin enconuscha.


En la Stailalva dad oz tadlain nus dentant betg las versiuns originalas, dals Minstrels, Luis Fonsi, Drafi Deutscher, Plüsch, Nicki, 4 Non Blondes u Vico Torriani mabain versiuns da cover interpretadas da furmaziuns dal schlagher popular. Dudir èn tranter auter ils Zellberg Buam, die Draufgänger, die Grubertaler, voXXclub, Blechbixn, die jungen Rodltaler u er ils Original Zillertaler.

Roland Kaiser – quai èn 50 onns schlagher e passa 90 milliuns portatuns vendids.

Roland Kaiser, la corifea dal schlagher tudestg è naschì l'onn 1952 a Berlin. Cumenzà cun la musica ha el lentschatta dals onns 70 e quai cun chantar en ustarias ni per events privats. Il 1976 ha el lura edì ses emprim disc «Verde – Frei – Das heisst allein» ed ils onns suenter ha el fatg furora cun hits sco «Joanna», «Manchmal möchte ich schon mit dir» u «Santa Maria».

Uss, 50 onns pli tard po el far festa per ses grond giubileum. Quai è bain motiv avunda da deditgar la Stailalva dad oz al giubilar. Nus giain in zic enavos e laschain reviver bain inqual semperverd, ma nus tadlain era hits dals davos onns, hits sco «Kurios», «Weil du es bist» sco era ses duet cun Maite Kelly «Warum hast du nicht nein gesagt» è daventà in YouTube-Hit cun 146 milliuns clics.

Redacziun: Christa Soliva

Figlias e figls dals stars dal schlagher èn pronts e preschentan a vus lur hits. Er inqual duet da bab e figl ni figlia e da mamma e figlia è dudir.

Da la partida èn Daniela Alfinito, figlia da Bernd Ulrich dals Amigos, Alexander, figl da Norbert Rier dals Kastelruther Spatzen, Pia Mal,o figlia da Olaf dals Flippers, Sandro, figl da Fredi Malinowski da Fantasy, Marie, la figlia da Matthias Reim e da la Michelle, Lucas, il figl da Costa Cordalis, Nadine, figlia adoptada da Roland Eberhardt dals Calimeros, Julian, figl da Matthias Reim, Maite, ina da las figlias da la Kelly Family, Cristina Maria, la figlia dal producent Marc Sieber, Achim, il figl da Wolfgang Petry, Ella Endlich, la figlia da Norbert Endlich, musicist e producent.

Rock da las alps, in stil da musica cun elements da rock ed instruments tradiziunals da la musica populara ed ils texts magari chantads en dialect, quai è schlagher popular cun power.

En la stailalva dad oz tadlain nus in mantun da quests hits. Il bainvegni fan die Alpen-Rocker cun «Wir san die Alpen-Rocker» er da la partida è Andreas Gabalier, il «Volks-RocknRoller» da las alps cun ses hit «Hulapalu». Plinavant tadlain nus «Koa Hiatamadl» il grond hit da Hubert von Goisern, «Aues geili Sieche» cun la band da Lucerna ChueLee, La Melissa Naschenweng cun «Hosenscheisser» euv.

Gizzai las ureglias, sin undas rumantschas resunan oz tuns novs or da la sparta da schlagher.

Vanessa Mai è ina dunna cun bleras fassettas, en il mund dal schlagher è ella probablamain la pli experimentala. Ella ama da far musica da differents geners e sounds e quai è era d'udir sin ses nov album «Matrix».

Era Matthias Reim ha edì in nov album. 16 chanzuns frestgas sco la primavaira. Sia vusch rockusa tuna anc meglier che avant onns, ils refrains èn vegnids pli pompus e las balladas pli balladescas. L'album «Zeppelin» è ditg curt e bain in dals megliers Reims da tut il temp. Anc mai ha sia musica tunà uschè giuvenil e captivant.

Plinavant tadlain anc intginas singles novas dad: Anna Carina Woitschack, Semino Rossi, Michelle Fäaschtbänkler, Marie Reim, Die Schlagerpiloten, Anita Hofmann, Vincent Gross e Cristina Maria Sieber.

La furmaziun originala dad oberkrain exista or da l'accordeon, il bariton, in cuntrabass, ina ghitarra, ina clarinetta, ina trumbetta e natiralmain il chant.

La Stailalva dad oz è deditgada cumplainamain al stil da musica dad oberkrain. Il fundatur è stà nagin auter che Slavko Avsenik, grazia ad el viva quai stil da musica vinavant er suenter sia mort avant 9 onns.
Da la partida èn sper las duas generaziuns dals Avseniks, bands da l'Austria da la Slovenia e da la Svizra.