نا ویلې خبرې

مشال راډیو
  • 0.0 (0)
  • NEWS
  • UPDATED BIWEEKLY

د مشال راډیو په ځانګړي پاډکاسټ "نا ویلې خبرې" کې پر هغو موضوعاتو بحث کېږي چې عموماً ورباندې خلک د ټولنیزو محدودیتونو او دودنو له وجې نه غږېږي او ځینې خلک یې شرم بولي.

  1. MAR 26

    ولې ځینې پښتنې لیکوالې په مستعارو نومونو لیکل کوي؟

    دا اونۍ مو د مشال راډیو په پاډکاسټ "نا ویلې خبرې" کې د پښتنو ښځینه لیکوالو پر ستونزو او لاس ته راوړنو بحث لرو. موږ پر دې غږیدلي یو چې د پښتنو ښځینه لیکوالو پنځونې په ټولنه کې کې بدلون راوستلی شي او که نه؟ او دا هم چې د هغوی تخلیقاتو ته څه ډول عکس العمل ښودل کېږي؟ همدا رنګه دا موضوع هم څېړو چې ولې ځینې پښتنې لیکوالې په فرضي نومونو لیکل کوي او له دې یې موخه څه ده؟ په پاډکاسټ کې راسره لیکواله، شاعره او ناول نګاره وږمه سبا عامر مېلمنه ده.

    30 min

  2. MAR 13

    فعالان: د قوانینو په سمه توګه نه عملي کېدو له وجې د سورې دود موجود دی

    د مشال راډیو په پاډکاسټ "نا ویلې خبرې" کې مو دا ځل پر دې خبرې کړي دي چې د سورې دود د ښځو ژوند له کومو کړاوونو سره مخامخوي؟ پر دې مو هم خبرې کړي دي چې د بدو دښمنیو له وجې د ښځو ژوند څومره متاثره کېږي او د ښځو خوندیتوب لپاره جوړ شوي قوانین څومره عملي کېږي؟ په پاډکاسټ کې راسره وکیله او د ښځو د حقونو مبارزه نایاب توري او د خبریال افتاب مومند مېلمانه دي. بشپړه خپرونه واورئ.

    43 min

  3. MAR 8

    د ښځو نړیواله ورځ: پښتنې نجونه د تعلیم او کار څومره حقونه لري؟

    د مشال راډیو په پاډکاسټ "نا ویلې خبرې" کې مو دا ځل د مارچ پر اتمه د ښځو نړیوالې په مناسبت پر دې خبرې کړې دي چې پښتنې نجونه او ښځې د تعلیم، کار او صحت په برخو کې څومره حقونه لري او د هغوی د خوندیتوب لپاره جوړ شوي قوانین څومره عملي کېږي؟ په خپرونه کې په افغانستان کې د ښځو پر وضعیت هم غږېدلي یو. په پاډکاست کې راسره لیکواله او د ښځو د حقونو مبارزه ایمان جمیل، خبریاله او پخوانۍ لوبغاړې جمایمه اپرېدۍ او افغانه خبریاله امینه اکبري مېلمنې دي. بشپړه خپرونه واورئ.

    58 min

  4. JAN 24

    شنونکي: د نجونو تعلیم د حکومت لومړیتوبونو کې شامل نه دی

    په "نا ویلې خبرې" خپرونه کې مو دا ځل پر دې بحث کړی دی چې په پښتني ټولنه کې د هلکانو په نسبت د نجونو د کم تعلیمي کچ لاملونه څه دي. د پاکستان حکومت وايي، په هغه هېواد کې تر ۲۶ مېلیونه زیات ماشومان ښوونځيو ته نه ځي چې زیات شمېر یې نجونه دي. دا په داسې حال کې ده چې ملګري ملتونه د جنورۍ پر ۲۴مه د تعلیم نړیواله ورځ لمانځي او پر حکومتونو یې غږ کړی دی چې تعلیم ته دې توجه زیاته کړي. په پاډکاسټ کې د تعلیمي چارو د سرکاري سلاکارانو ډلې غړی عمر اورکزی او په خیبر پښتونخوا کې د نجونو د تعلیم لپاره کارکوونکې فعاله رضیه مسیده مېلمانه دي. بشپړه خپرونه واورئ.

    47 min

  5. JAN 9

    فعالانې وايي پښتانه ښځو ته د حقونو له ورکولو پرته پرمختګ نه شي کولای

    د مشال راډیو په پاډکاسټ "نا ویلې خبرې" کې مو دا ځل د بلوچستان په پښتون مېشتو سیمو کې پر ښځو د تشدد پر لاملونو بحث کړی دی. له دې پرته به دا هم واورئ چې په هغه صوبه کې ښځې تر اوسه د تعلیم او کار په برخه کې پوره حقونه ولې نه لري؟ په خپرونه کې د ښځو د حقونو مبارزه بختوره کلیواله او صابره غلزۍ مېلمنې دي. بشپړه خپرونه واورئ او پاډکاسټ سبسکرایب کړئ.

    30 min

  6. 12/12/2024

    پر ټولنیزو شبکو د جعلي حسابونو او انځورونو له لارې ښځې څنګه په نخښه کېږي؟

    په نا ویلې خبرې پاډکاسټ کې مو دا ځل پر دې بحث کړی دی چې په پښتني ټولنه کې خلک ټولنیزې شبکې څنګه کاروي او ټولنیزې شبکې پر ښځو څه اغېز لري. دا په داسې حال کې ده چې پوهان وايي چې پر ټولنیزو شبکو جعلي حسابونه، انځورونه او ویډیوګانې د ښځو رواني یا نفسیاتي صحت ګواښي. په خپرونه کې راسره د انټرنېټي ازادۍ مبارز فواد پیرزاده او د ښځو د حقونو مبارزه او د نفسیاتي چارو پوهه صبیحه اسرار مېلمانه دي. بشپړه خپرونه واورئ.

    33 min

  7. 11/25/2024

    ملګري ملتونه: د نړۍ شاوخوا ۷۳۶ مېلیونه ښځې د جنسي یا جسماني تشدد ښکار شوې دي

    دا اونۍ د مشال راډیو په پاډکاسټ "نا ویلې خبرې" کې پر ښځو د تشدد په اړه خبرې شوې دي. ملګري ملتونه د نومبر ۲۵مه پر ښځو د تشدد مخنیوي د نړیوالې ورځ او بیا د نومبر له ۲۵مې څخه تر ډېسېمبر تر ۱۰مې پورې پر ښځو د تشدد پر وړاندې ۱۶ ورځنی کیمپېن ترسره کوي. دا په داسې حال کې ده چې په وروستیو کې په خیبر پښتونخوا کې پر ښځو د تشدد پېښې زیاتې شوې دي. په پاډکاسټ کې دا ځل راسره د بشري حقونو مبارزه نیلم رحیم او وکیله مهوش محب کاکاخېل مېلمنې دي. بشپړه خپرونه واورئ.

    39 min

  8. 10/30/2024

    شنونکي: د پوهاوي کموالي له وجې پر ماشومانو جنسي تشدد ورځ تر بلې زیاتېږي

    د مشال راډیو په پاډکاسټ "نا ویلي خبرې" کې مو دا ځل پر ماشومانو د جنسي تشدد په اړه بحث کړی دی. پر دې هم غږېدلي یو چې په پاکستان، او په تېره په خیبر پښتونخوا کې، پر ماشومانو د جنسي تېریو د پېښو مخه ولې نه نیول کېږي او په دې لړ کې د ماشومانو پوهاوی څومره اړین دی. په خپرونه کې د ماشومانو حقونو مبارز عمران ټکر، د نفسیاتي یا رواني چارو پوهه او د جنسي تشدد ښکار ماشومانو د روغتیايي مرکز غړې انیلا خان او د مشال راډیو خبریاله فرخنده اسد مېلمانه دي. بشپړه خپرونه واورئ.

    1 hr
See All (21)

About

د مشال راډیو په ځانګړي پاډکاسټ "نا ویلې خبرې" کې پر هغو موضوعاتو بحث کېږي چې عموماً ورباندې خلک د ټولنیزو محدودیتونو او دودنو له وجې نه غږېږي او ځینې خلک یې شرم بولي.

Information

  • Creator
    مشال راډیو
  • Years Active
    2023 - 2025
  • Episodes
    21
  • Rating
    Clean
  • Copyright
    © د خپراوي حقونه له مشال راډیو سره خوندي دي.
  • Show Website
    نا ویلې خبرې