Elkarrizketak EITB Radio Televisión Pública Vasca

Berdintasunaren bidean non d**o emakumeek praktikatzen duten Kirola? Nola antolatu beharko luke emakumeen kirolak, gizonen eredua errepikatuz edo eta bere ibilbide propioa eginez? Etorkizunean nola irudikatzen dugu emakumeek praktikatutako kirola?
Galdera horiek erantzutera gonbidatu ditugu Ainhoa Etxabe eta Garbiñe Etxeberria. Etxeberria, Realeko emakumezkoen futbol taldeko kirol zuzendaria da eta Etxabe Gipuzkoako herri kirol federazioko presidentea. Bakoitzak  bere esparruaren inguruko hausnarketa zabaldu du eta herri kirolen eta futbolaren munduak oso ezberdinak izan arren, berdintasunaren bidean antzeko ahulguneak somatu dituzte kirol zuzendaritza postuetan dauden emakume biek. 
Entzun, Maitane Urbietak gidatutako solasaldia. 

Emakumeen nazioarteko egunaren testu inguruan, "Emakumea eta kirol kazetaritza" gaia aztertu dugu, alor honetan profesionalak diren bi kazetarirekin. Gure gonbidatuak, Elena Azpeitia ETBko kirol kazetaria eta Ane Urkiri NAIZ hedabideko kirol arduraduna izan dira.
Egungo kirol erredakzioetako argazkia egitearekin batera, emakumezkoek burutzen dituzten lanez, emakumeen kirolaren inguruko kontzientziaz eta kirolari lotutako hedabideek berdintasunaren bidean egin beharreko lanak aletu dituzte Azpeitiak eta Urkirik. Maitane Urbieta, Euskadi Irratiko kazetariak gidatuta.
Entzun elkarrizketa!

2021-eko Azaroan esan zion agur Pilota profesionalari  Aimar Olaizolak, Goizuetan, jaioterrian eta sarri sarri erabili izan zuen herriko kantxan. Kepa Iribar Goizetara hurbildu zen azken partida horren bezperatan Aimaren sentsazio eta sentimenduak bertatik bertara jasotzera. 
Lorturiko txapelak, jendearen berotasuna, Irujoren kontrako garaia, pilotaren etorkizuna, lesioak, pandemia, greba... denak aipatu zituzten. Aimarrak garbi ikusten du bere etorkizun hurbilean ere pilotari lotuta jarraituko duela, beste modu batera. Baikor da arlo horretan, "Pilota oso bizirik ikusten dut; gazte asko eta oso onak daude", aitortzen du. 
Entzun EITB podkasten elkarrizketa osoa. 

Oinatz Bengoetxeak (Leitza, 1984) 2022ko Urriaren 29an utziko dio pelotari profesional izateari. Labriten jokatuko du azken partida, aurrenekoa jokatu zuen toki berean. Profesional hasi baina askoz lehenago hasi zen pilotarekin harreman estua izaten. Jaioterrian, Leitzan, plazako frontoi irekian hazitako pelotaria da, kaleko pelotaria. Orduak ematen zituen bertan umetan, egunez bezalaxe udarako gauetan ere "berezkoa nuen nik pilotan jokatzea". Jaiotetxea handik ehun metrora zeukan. Ondoren jo zuen herriko pilota eskolara, eta han aurkitu zuen Julian Iparragirre, maisua. Egun, Euskadi Irratiko pilota aditua.
Oinatz eta Julian, Leitzako plaza horretan elkartu ditu Kepa Iribarrek podcast gisara eskaintzen dizugun elkarrizketako. Bengoetxearen txapelak, aurkariak, prestakuntza…. finean bizimoduaz iharduteko, "bizitzari beti baietz esaten diot nik, kalean bezalaxe kantxa barruan, beti aurrera" dio Oinatzek. Eta halaxe zukutu du pelotari izatea, pribilegio bat izan dela barneratuz, baina bestelako plazerrei uko egin gabe "txapelketa garrantzitsuak beti prestatu izan ditut serio, baina parranderoa ere izan naiz, eta harro esaten dut".
Frontoi handitako ibilia bukatzean, debutatu zuela 20 urte bete arteko hilabeteak herri txikietan jokatuz emango ditu, azkena etxean, Leitzako plaza irekian jokatuz "izugarrizko ilusioa egiten dit hasi nintzen tokian amaitzeak" dio EITB podkasteko elkarrizketa biografikoan pelotari handiak. 

Ehun urte ditu Miguel Gallastegi (Eibar 1918) pilotari ezagunak Iñaki Elortza lankideari podcastean bildu dugun elkarrizketa hau eskaintzen dionean. Buruz oso argi dago  Miguel, entzungo duzuen bezala, xehetasun osoz gogoratzen ditu urte asko lehenago gertatutako gauzak, bere bizitza profesionalari dagozkionak eta berdin gerra eta haur garaiko kontuak. Hala nola irabazi zituen hiru buruz-buruko pilota txapelketei dagozkionak. Mendeurreneko omenaldiak jaso eta hilabete gutxira utzi gintuen frontoiari lotuta bizi izan zen gizon handia.

(Jose) Mari Ábrego es uno de los montañeros vascos que mas éxitos ha cosechado a lo largo de su vida deportiva. Para el la montaña es deporte es aventura , pero también exploración de lugares poco conocidos. Sagarmata 90 fue la expedición que le renombro, fue al cuarto intento. También fue el primer vasco en coronar el K2. Pero Mari Ábrego lo tiene claro "la montaña es un obstáculo natural que a veces te dice que no" puede quedarte la amargura de no haberlo conseguido, pero eso no es lo mas importante sino el camino personal recorrido.
Recuperamos esta entrevista en formato de podcast.