Achegando a Literatura Galega Maria Reimunde Figueira

Pechamos esta primeira tempada de Achegando a Literatura Galega co poeta popular con alma rural: Manuel María, quen elevou a Terra Cha, Galiza e a nosa literatura até onde debe estar. Oxalá máis galegos coma el!

Recordaremos neste noveno episodio as múltiples loitas de Blanco Amor: a defensa da II República, da pluralidade de España, das clases máis oprimidas ou da liberdade de tendencias sexuais. E.B.A. deixounos auténticas obras de arte como A Esmorga, Os Biosbardos ou Xente ao Lonxe, das que falararemos hoxe porque nunca é tarde para ler ou reler a este grande xenio.

Adicamos o oitavo episodio ao poeta do mar, ao vangardismo galego: a Manuel Antonio. Quen se foi demasiado novo no veleiro, para sempre, co peso eterno de todos os adeuses.

Neste especial das Letras Galegas faremos un repaso por todos os homenaxeados ata a actual Xela Arias.

Enchemos este sexto episodio de frases célebres para celebrar o Castelao novelista, ensaista, dramaturgo, orador, pintor, debuxante, ilustrador, caricaturista e político. Para celebrar que “a nosa lingua rústica vive porque ainda temos moito que dicir nela”. Para celebrar a existencia dun galego que fixo que Galiza sexa máis grande.

Coincidindo casi co final da súa homenaxe nas letras galegas 2020, adicamos este quinto episodio a Carvalho Calero, así: con lh, como el mesmo reinvindicou. A Don Ricardo escritor, lingüista, xornalista... e profesor.