100 episodes

Mtazamo wa Kimataifa Habari za kiutu

Habari za UN United Nations

    • News
    • 5.0 • 5 Ratings

Mtazamo wa Kimataifa Habari za kiutu

    16 AGOSTI 2022

    16 AGOSTI 2022

    Hii leo jaridani tuna Habari kwa Ufupi zikiletwa kwako na Leah Mushi akimulika meli ya kwanza yenye shehena ya ngano kutoka Ukraine ikielekea Ethiopia ambako  huko ngano hiyo itasambazwa kwa wahitaji wa kibinadamu. UNICEF imetoa kandarasi ya kwanza ya kutengeneza chanjo za Malaria kwa ajili ya watoto. Kisha wito wa UNFP wa kutaka huduma za afya ya uzazi kwa wanawake na wasichana huko Haiti licha ya ghasia zinazoendeshwa na magenge ya  kihalifu.

    Mada kwa kina: Ninakupeleka mjini Goma jimboni Kivu Kaskazini nchini Jamhuri ya Kidemokrasia ya Congo, DRC ambako nimezungumza na vijana wanufaika wa mafunzo ya kutengeneza simu yaliyotolewa na ujumbe wa Umoja wa Mataifa wa kulinda amani nchini humo, MONUSCO. Mafunzo hayo ni sehemu ya majukumu ya MONUSCO ya kuimarisha amani kwa kupatia vijana walio hatarini kutumbukia kwenye shughuli hatarishi mitaani au kutumikishwa vitani.

    Mashinani ni pengo la fedha za usaidizi wa kibinadamu duniani. Karibu na mwenyeji wako ni Assumpta Massoi.

     

    • 11 min
    TEDI Tanzania tunalenga kuhamasisha kuwe elimu inayoendana na hali ya sasa duniani

    TEDI Tanzania tunalenga kuhamasisha kuwe elimu inayoendana na hali ya sasa duniani

    Asasi isiyo ya kiserikali ya TEDI Tanzania, katika kutekeleza Lengo namba 4 la Maendeleo Endelevu linalohusu elimu bora, imeamua kulitekeleza lengo hilo kupitia kampeni yao ya kuishawishi serikali na wadau wengine kuboresha ubora wa elimu nchini Tanzania kuanzia ngazi ya msingi hadi taasisi ya elimu ya juu kwa kuziba pengo kati ya nadharia na vitendo kupitia kuunganisha ujuzi wa vitendo ambao hautolewi katika mtaala wa kawaida wa elimu elimu. Gloria Anderson, Mkurugenzi wa shirika la TEDI Tanzania ambalo linahamasisha elimu inayoendana na hali ya sasa ya sayansi na teknolojia ili kuwaandaa wanafunzi kuanzia ngazi za chini kuweza baadaye kujiajiri na kuajiriwa, akiwa katika safari ya mafunzo na kazi hapa Marekani, kupitia mahojiano haya na Anold Kayanda wa Idhaa hii, anaanza kwa kueleza hatua ambazo wameshazipiga nchini Tanzania. 

    • 4 min
    UN yasaidia kuondoa maji ya mafuriko Bentiu nchini Sudan Kusini

    UN yasaidia kuondoa maji ya mafuriko Bentiu nchini Sudan Kusini

    Walinda Amani wa Umoja wa Mataifa katika Ujumbe wa Umoja wa Mataifa nchini Sudan Kusini UNMISS wanafanya kazi ya kuondoa maji ya mafuriko yaliyotwama katika eneo kubwa la mji wa Bentiu jimbo la UNITY ili kuhakikisha uwanja wa ndege na barabara zinazopatakana na uwanja huo zinapitika. Tupate taarifa zaidi kutoka kwa Leah Mushi.

    Ni sauti ya helikopta UNMISS ikiwa angani ikifanya tathmini ya eneo lililoathirika na mafuriko katika mji wa Bentiu kufuatia mvua kubwa inayoendelea kunyeesha katika jimbo la Umoja.

    Video ya UNMISS inaonesha eneo kubwa likiwa limetuama maji na wananchi wanatumia mitumbwi kwa ajili ya safari kutoka sehemu moja kwenda nyingine kutokana na eneo kubwa kutopitika.

    Wahandishi wanajeshi wa Pakistan walio katika Ujumbe wa Umoja wa Mataifa wa kulinda Amani nchini Sudan Kusini wakiwa na mashine za kuchimba mabwawa na mashine ya kuvuta maji wanafanya kazi usiku na mchana kuhakikisha angalau njia za kuingia na kutoka uwanja wa ndege zinapitika.

    Afisa anayehusika na Mafuriko katika UNMISS Meja Waqas Matloob kutoka jeshi la Pakistana anasema mpaka sasa wamefanikiwa kutengeneza zaidi ya kilometa 80 za barabara na kuvuta zaidi ya lita milioni 1.2 za maji ya mafuriko.

    Lakini anasema “Changamoto bado hazijaisha. Iwapo mvua kubwa itanyesha katika sehemu za kusini na magharibi mwa Sudan Kusini hapa tunapata mafuriko au kiasi kikubwa cha maji ambacho kinahitaji kuondolewa. Ni mchakato endelevu wa kuinua tena viunga  vya mji na kuondoa maji au kufanya matengenezo ya barabara za uwanja wa ndege na maeneo yanayozunguka uwanja.”

    Kwa upande wake mkuu wa ofisi ya UNMISS jimbo la Umoja, Hiroko Hirahara anasema “Zaidi ya Bentiu na Rubkona, kuna maeneo mengine mengi ya mbali, ambayo yamekumbwa na mafuriko na kama mashirika mengine ya kibinadamu hayawezi kufanya kazi hali inayoathiri wakazi wa maeneo hayo.”

    Mkuu hiyo ameeleza kwa sasa, wanajeshi wa UNMISS kutoka Pakistan, Mongolia, na Ghana walioko Bentiu wanasalia katika hali ya tahadhari ili kuhakikisha wanasaidia kikamilifu na kwa haraka changamoto zozote zinazoletwa na mafuriko ikiwa ni juhudi za kulinda raia na mali zao.

     

    • 2 min
    15 AGOSTI 2022

    15 AGOSTI 2022

    Hii leo jaridani tunamulika mwaka mmoja wa watalibani madarakani nchini Afghanistani na madhara yake kwa watoto wa kike. “Watoto wa kike hawaruhusiwi kuendelea na masoko ya elimu ya sekondari.”

    Kisha Sudan Kusini ambako walinda amani wa Umoja wa Mataifa wanahaha kuondoa maji ya mafuriko yaliyotwama kwenye mji wa Bentiu, jimboni Unity.

    Makala tunaye kijana Gloria Anderson Mkurugenzi wa shirika la TEDI Tanzania ambalo linahamasisha elimu inayoendana na hali ya sasa ya sayansi na teknolojia ili kuwaandaa wanafunzi kuanzia ngazi za chini kuweza baadaye kujiajiri na kuajiriwa.

    Mashinani tutaelekea wilayani Bunda mkoani Mara nchini Tanzania ambako unatekelezwa mradi wa umeme wa nishati ya jua au sola. Karibu na mwenyeji wako ni Assumpta Massoi

     

    • 12 min
    Ni Afghanistan pekee duniani watoto wa kike hawaruhusiwi elimu ya sekondari

    Ni Afghanistan pekee duniani watoto wa kike hawaruhusiwi elimu ya sekondari

    Mwaka mmoja tangu watalibani wachukue madaraka nchini Afghanistan, shirika la Umoja wa Mataifa la kuhudumia Watoto, UNICEF, limesema kitendo cha Watoto wa kike kuenguliwa kwenye masomo kimegharimu asilimia 2.5 la pato la ndani la taifa hilo la barani Asia. Thelma Mwadzaya na taarifa kamili.

    Uchambuzi mpya uliotolewa na UNICEF hii leo unabainisha kuwa iwapo kundi rika la sasa la watoto wa kike milioni tatu lilangaliweza kumaliza elimu ya sekondari na kuingia katika soko la ajira, Watoto wa kike na wanawake wangalichangia angalatu dola bilioni 4 kwenye uchumi wa Afghanistan.

     

    Taarifa ya UNICEF iliyotolewa leo Kabul nchini Afghanistan inamnukuu Mwakilishi wa UNICEF nchini humo, Dkt. Mohamed Ayoya anasema “uamuzi wa tarehe 23 mwezi Machi mwaka huu wa kutoruhusu Watoto wa kike kurejea shule za sekondari ulikuwa wa kushtusha na wa kukatisha tamaa.”

    Dkt. Ayoya amesema uamuzi huo si tu kwamba unakiuka haki ya msingi ya elimu kwa mtoto wa kike, bali pia unawaweka katika kiwewe kikubwa, na hatari ya kutumikishwa na kunyanyaswa, ikiwemo usafirishaji haramu wa Watoto, na ndoa za utotoni. “Sasa huu uchambuzi mpya unadhihirisha wazi madhara ya uamuzi huu kwenye pato la ndani la taifa.”

    Makadirio ya UNICEF katika uchambuzi huu, hayakujumuisha madhara yasiyo ya kifedha ya kumnyima mtoto wa kike haki ya elimu, kama vile uhaba unaotarajiwa wa walimu, madaktari na wauguzi wa kike, na matokeo ya ongezeko la Watoto wa kike wasiohudhuria shule ya msingi na ongezeko la gharama ya kiafya kutokana na ujauzito miongoni mwa barubaru.

    “Makadirio hayo pia hayajatilia maanani manufaa mapana ya elimu ikiwemo mafanikio ya kielimu, kupungua kwa ndoa za utotoni na vifo vya Watoto wa changa,” imesema taarifa hiyo.

    Hata kabla ya watalibani kutwaa madaraka tarehe 15 mwezi Agosti mwaka jana, Afghanistani ilikuwa inahaha ikiwa na watoto zaidi ya milioni 4.2 wasiokuweko shuleni; asilimia 60 wakiwa ni watoto wa kike.

    UNICEF inasema ijapokuwa gharama za kutosomesha watoto wa kike na wa kiume ni kubwa kwa kuzingatia kipato kinachopotea, kutosomesha mtoto wa kike ni gharama Zaidi.

    Sababu ni uhusiano kati ya mafanikio ya kielimu na kucheleweshwa kwa ndoa za utotoni na kupata watoto mapema, kushiriki kwenye nguvu kazi, kufanya uchaguzi sahihi kwa ajili ya mustakabali wao na kuwekeza Zaidi kwenye afya na elimu kwa ajili ya watoto wao siku za usoni.

    Uchambuzi unadokeza kuwa Afghanistani haitoweza kurejesha kile ilichopoteza kama pato la ndani la taifa wakati wa kipindi hiki cha mpito na kufikia ustawi sasa bila kukidhi haki ya mtoto wa kike ya kupata elimu ya sekondari.

    Kwa sasa, UNICEF inahaha kufikia barubaru wa kike huduma muhimu wanazohitaji kama vile kinga dhidi ya ukosefu wad amu mwilini, kuwasaidia na afya ya hedhi salama na huduma za kujisafi.

    Shirika hilo pia linatoa huduma za kuzuia utapiamlo miongoin mwa watoto ambapo katika miezi 12 iliyopita, huduma za afya na lishe shuleni zimefikia barubaru wa kike 272,386 sambamba na vidonge vya kuongeza damu mwilini.

     

    • 3 min
    Kiswahili: Juhudi binafsi za kukiendeleza sambamba na kinavyoleta ahueni kwa walioko kwenye mizozo

    Kiswahili: Juhudi binafsi za kukiendeleza sambamba na kinavyoleta ahueni kwa walioko kwenye mizozo

    Zaidi ya mwezi sasa umepita tangu maadhimisho ya kwanza ya lugha ya Kiswahili duniani na harakati zinaendelea kusongesha lugha hiyo adhimu. Ni katika nyakati kama hizo watu wanaanza kutambua umuhimu wa lugha yoyote katika maendeleo na hadi kupatiwa hadhi ya kimataifa inakuwa juhudi nyingi zimefanyika. Ziko juhudi binafsi, za kikanda na za kimataifa ambazo zinawezesha lugha kutumika hata pale penye mazingira magumu ili kuleta ahueni kwa wenyeji. Mathalni huko Jamhuri ya Kidemokrasia ya Congo, DRC, kuna mizozo na wageni wanaozungumza kiswahili wanapata ahueni pale wenyeji wanaokwenda kuwanyooshea mkono wanazungumza pia lugha hiyo na ndivyo inavyodhihirika kwenye makala hii sambamba na juhudi binafsi za wananchi kusongesha kiswahili akiwemo John Jackson, mtanzania anayeishi Ujerumani. Katika makala hii tutasikia pande zote na hapa Thelma Mwadzaya anasimulia makala hii na Meja Doreen Arcad Mchomba, mtaalamu wa masuala ya saikolojia katika kikosi cha 9 cha Tanzania, kwenye ujumbe wa Umoja wa Matiafa wa kulinda amani nchini DRC, MONUSCO. Meja Mchomba anaanza kwa kuelezea sababu ya kupenda lugha ya Kiswahili.

    • 4 min

Customer Reviews

5.0 out of 5
5 Ratings

5 Ratings

Top Podcasts In News

The New York Times
NPR
The Daily Wire
Alex Wagner, MSNBC
Crooked Media
Cumulus Podcast Network | Dan Bongino

More by United Nations

United Nations
United Nations
United Nations
United Nations
United Nations
United Nations